استفسار E36 e60 e90

[Elaven]

السلام عليكم

خبرتي مش هقول قليلة لا المفروض اقول مفيش اصلا

السؤال بقي
قدامي عربيتين بي ام عاوز اجيب واحدة وطبعا المقارنة مش بس بين ال بي ام لا في مقارنة بين المرسيدس كمان
بس لاقيت هنا بتتكلمو في E36 e60 e90
انا مش عارف اية هل موديلات ولا سنة صنع ولا اختصار


انا قدامي

كيلو BMW 528i 1997 170 000

215000كيلو 1999 BMW 523I full option

BMW 318i 1997 77000 كيلو

bmw 735IL 1997

BMW 316 2002



السؤال اية الفرق واية هوا ال E36 , e60 . e90
اللي انتو دايما تتكلمو عليهم
انا اعرف انها فئة تالتة وخامسة وسابعة وموديلات بقي

اية رأيكو واية العيوب والمميزات واختار اي واحدة ولية

معلش تعبتلكو دماغكو وشكرا

[maskeen]

صاحبى
طالما خبرتك منعدمه فى البى ام فنصيحه تخليك ف حاجه جديده وملمومه.. العربيات اللى انت كاتبهم دول من اقصى الشرق لاقصى الغرب...هتلاقى موضوع منفصل فيه معانى الرموز والموديلات والسنين بدل اعادة الكتابه

انا نصيحتى تحدد الاول انت هاتدفع كام...وتشوف انهى موديل فئه تاااااالته تجيبها...خليك ف التالته عشان ماتغرمش كتير

هاسيب للخبراء الرد المفصل المفيد

[Elaven]

ياصاحبي انا معلش نسيت اوضح
انا خارج مصر
واللي انا كاتبة من اقصي الشرق ل اقصي الغرب بس السعر كلة في رنج واحد اعمل اية طيبة
قولت اسأل اصحابي المتخصصين يعني
الناس اللي فاهمة
علشان عاوز اكسب وقت

[sheko_2000eg]

السلام عليكم

خبرتي مش هقول قليلة لا المفروض اقول مفيش اصلا
احنا هنا تحت امرك متقلقش و مش هسيبك غير و انت بي اماوي اد الدنيا

السؤال بقي
قدامي عربيتين بي ام عاوز اجيب واحدة وطبعا المقارنة مش بس بين ال بي ام لا في مقارنة بين المرسيدس كمان
بس لاقيت هنا بتتكلمو في e36 e60 e90
انا مش عارف اية هل موديلات ولا سنة صنع ولا اختصار


انا قدامي

كيلو bmw 528i 1997 170 000
دي اسمها e39 و لو حالتها كويسة هتعمل 115000

215000كيلو 1999 bmw 523i full option
دي اسمها e39 و لو حالتها كويسة هتعمل 110000

bmw 318i 1997 77000 كيلو
دي اسمها e36 و لو حالتها كويسة هتعمل 70000

bmw 735il 1997
دي اسمها e38 و لو حالتها كويسة هتعمل 100000
و لو مش هتاخدها قولي و انا ممكن اشتريها ان شاء الله.

bmw 316 2002
دي اسمها e46 و لو حالتها كويسة هتعمل 120000



السؤال اية الفرق واية هوا ال e36 , e60 . E90
اللي انتو دايما تتكلمو عليهم
انا اعرف انها فئة تالتة وخامسة وسابعة وموديلات بقي

اية رأيكو واية العيوب والمميزات واختار اي واحدة ولية

معلش تعبتلكو دماغكو وشكرا

احسن اتنين
e39 - e46

[Elaven]

بتقوليا حسن اتنين e46
e39

وفي نفس الوقت ال e38
ممكن تشتريها

دة كدة انت هتخلينا انا اللي اشتريها من غير تفكييير
ههههههههههههه


شكرا ل ردك

[maskeen]

على فكره ردك ممكن يتفهم غلط ويزعل شيكو يااخ Elaven!!

الجديد فى البى ام غير القديم اللى فاهم!! ال 735 ممكن يكون فيها بلاوى تطلع عينك انت..لكن اللى فاهمها عارف ازاى يزبطها باقل تكاليف وكمان يطلع عيوبها قبل الشراء

صدقنى ان احسن حاجه ليك ال e46 ولازم تكشف عليها كويس جدا

[sheko_2000eg]

بتقوليا حسن اتنين e46
e39

وفي نفس الوقت ال e38
ممكن تشتريها

دة كدة انت هتخلينا انا اللي اشتريها من غير تفكييير
ههههههههههههه


شكرا ل ردك

هههههههههههههههههههههههههههههههه
فعلا انت فهمتني غلط
شوف
انت طالب احسن عربية في استهلاك بنزين و قطع غيار
و انت بتقول انك مبتديء فعشان كده رشحتلك العربيتين دول لان سهل جدا حد يشتغلك فيهم و قطع غيارهم معقولة
و استهلاك البنزين معقول --
لكن ال 735 قطع غيارها غالية و اعادة البيع صعب و استهلاك البنزين عالي.
متفهمنيش غلط انا و الله غرضي اساعد مش اكتر - و علي فكرة انا معايا من نفس موديل ال E38 واحدة 1998 750i فا عارف خباياها كويس جدااااااا
و منكرش هي افخم عربية في اللي انت حاطتهم
و اخيرا ربنا يوفقك في اللي فيه الصالح ليك

[Elaven]

ربنا يباركلك ويكرمك ويوفق كل اعضاء القسم الناس المحترمة
متزعلش مني انا والله بهرج

واكيد طبعا انت هتفهم قصدي

انا موجود في دولة عربية والعربيات دية موجودة قدامي في رينج 10 الاف ريال ل 20 الف ريال والحالة كويسة
وبيتعمل فحص في مراكز خدمة كويسة بيعرفني العربية عملت حادث ولا لا هل فبريكة ولا لا وكمان حالة الموتور كام في المية وكمان العفشة يعني بمعني اصح لو مثلا المساعدين كويسين بس قدامهم شوية ويبدا المشاكل تظهر بيعرفني ويقولي في التقرير انها محتاجة تغير مساعدين ودة حصل في فحص قبل كدة اي عيب متوقع انة يحصل بيعرفك بية من الفحص وطبعااا اللي بيشتري العربية هوة اللي بيفحص علي حسابة