استفسار بسيط فى e34 .. دقيقه بالكتير :)

[creative_art]

السلام عليكم ورحمة الله وبركاته ..

الأول احب احييكو فعلا عالمجهود الجبار الى معمول فى منتدي البى ام .. ولكنه مش بعيد عن اى بيمر الى هوا اكيد عنده ارقى زوق فى مجال العربيات

الموضوع باختصار انى كان معايا كيا شوما اوتو وبيعتها الحمدلله .. ووالدى عرض عليا اخد الفلوانس بتاعته بس انا نفسى من زمان فى المانى .. وخصوصا ال E36 - E34

وبعد حيررررررررررره طويله الحمدلله حسيت انى مرتاح فى ال E34 الى هى 520 موديل 89 - 1992


المهم انى نزلت السوق لقيت حاجات متهانه كتير .. وحاجات اسعارها مبالغ فيها كتيييييييير وتجار والكلام الى انتو عارفييييييينه دا


وبعد طول بحث الحمدلله لقيت واحده شكلها عاجبنى .. مش متهانه اوى .. محتاجه مصاريف بسيطه زي عفشه وسيور وتيل وفلاتر .. لزوم تغيير الرجل يعنى

العربيه 520 موديل 1989 مكنه 2000 سى سى 6 سلندر (دوبل فينوس )


نيجي للنقطه الأهم ..


عايز اعرف ايه رأيكو ونصايحكو بالنسبه للعربيه دي .. صيانه .. استهلاك بنزين .. عيوب شائعه

كمان كنت عايز اعرف اسعار قطع غيار العربيه بتعمل حوالى كام .. يعنى اى حد عرف تمن قطعه معينه فيها ميبخلش بيها عن اخوه ..

يعنى على سبيل المثال

تيل فرامل - امامى وخلفى

مساعدين امامى - من ضمن المصاريف الى العربيه عايزاها مساعدين امامى وكمان كان قايلي ان المكنه اتسقطت ومعملش تعديل للمساعدين الامامى معاها .. حاجه زي كدا .. بمعنى أصح محتاجه مساعدين ناشفين

فلتر بنزين

طرمبة بنزين

اجزاء العفشه المختلفه .. مساعدين طنابير كوبلين وهكذااااااااااااااااا ..


وسوألى الاخير بخصوص ان العربيه اوتوماتيك .. ودي بصراحه تانى مره هركب عربيه فيها جيربوكس قديم .. خصوصا ان تجربتي معاه كلفتنى 3 الاف جنيه تمن جيربوكس جديد ... كنت عايز اعرف تمن الجيربوكس الاوتو للعربيه دي يعمله كام وهل مشاكله كتير ولا فى رينج المتوسط



ومعلش يا اجمل رجاله تعبتكو معايا

[sheko_2000eg]

اختيار موفق











اطمن قطع غيارها زي ال E36
يعني التيل الصيني ب 150 و الاصلي ب 280
عفشة كاملة 3500ج
عربية هايلة و اختيار موفق ان شاء الله

[creative_art]

شريف باشا ربنا يخليك .. ايه ياجماعه مفيش حد تانى يعرف حاجه عن ال e34

[creative_art]

متابع بشده ............... ياريت اى حد يعرف حاجه عن العربيه