نداء الى خبراء الشارك e21

[mohannd]

السلام عليكم يارجالة

انا جبت e21 وشادتها بالكامل وكفراتنى طبعا زى مانتو عارفين بس عاندى كام مشكلة كدة وياريت الى عندو معلومة يشارك معانا :

1- انا مركب ماتور e36 ابيض 1800 موديل 94 انجيكشن فى ريحة بنزين جامدة اوى فى صالون العربية والحريق طالع ناى من علبة الشكمان ..... انا كنت منظف الرشاشات على الترا سونك والميكانيكى بيقولى الى عامل الريحة الرشاشات بايظة وممكن نركب رشاشات لانوس .... والعربية بتاكل بنزين بطريقة غريبة لو حد حاصلو الحوار دة ياريت يفدنى

2- صوت وانة جامدة فى الفتيس والفتيس مرشح زيت من تحت وكل ما اجرى شوية الصوت يعلا كدة يبقى الفتيس الله يرحمة ولا اية

3-عداد السرعة مش شغال الواير مش واصل ومفيش مكان يتوصل فية الواير فى الفتيس وفى واحد قالى كل الناس الى مسقطة مكنة فى العربية دى مش بيشتغل معاهم عداد السرعة... طبعا الكرونة بتاعتها اية الحل علشان يشتغل

4-امبير الحرار كمان مش شغال ومش عارف مين الى بيشغلو ميكانيكى ولا كهربائى

5-لو حد مغير طابلو فى العربية دى ومركب طابلوة تانى وعاندو القديم ياريت يقولى علشان محتاج شوية حجات منة علشان التجار بيقولو اشترى الطابلوة كامل

6 - سعر المساعدين الامامى كام وكمان قواعد الماتور والريداتير وممكن الاقى فين كاوتش البيبان وسعرة فى حدود كام


اسف على الاطالة يارجالة بس انا بجد والله جبت اخرى من الصنيعية ومن العربية

[sheko_2000eg]

السلام عليكم يارجالة

انا جبت e21 وشادتها بالكامل وكفراتنى طبعا زى مانتو عارفين بس عاندى كام مشكلة كدة وياريت الى عندو معلومة يشارك معانا :

1- انا مركب ماتور e36 ابيض 1800 موديل 94 انجيكشن فى ريحة بنزين جامدة اوى فى صالون العربية والحريق طالع ناى من علبة الشكمان ..... انا كنت منظف الرشاشات على الترا سونك والميكانيكى بيقولى الى عامل الريحة الرشاشات بايظة وممكن نركب رشاشات لانوس .... والعربية بتاكل بنزين بطريقة غريبة لو حد حاصلو الحوار دة ياريت يفدنى
اوعي تركب رشاشات غير بتاعت العربية اسمع كلامي و فعلا هما السبب هات الرشاشت من اي حد بتاع قطع غيار استيراد ال 4 ب 150ج

2- صوت وانة جامدة فى الفتيس والفتيس مرشح زيت من تحت وكل ما اجرى شوية الصوت يعلا كدة يبقى الفتيس الله يرحمة ولا اية

الفتيس ب 500 ج

3-عداد السرعة مش شغال الواير مش واصل ومفيش مكان يتوصل فية الواير فى الفتيس وفى واحد قالى كل الناس الى مسقطة مكنة فى العربية دى مش بيشتغل معاهم عداد السرعة... طبعا الكرونة بتاعتها اية الحل علشان يشتغل

بص الحوار كله ان في فيشة في الكارونة هي ديه المسؤولة عن العداد و غالبا الفيشة بتباه مكسورة فالصنيعي بيكسل يفكها و يوصل السلك دايريكت و هو ده الحل -- شوف الميكانيكي بتاعي في عي شمس ممكن يعملهالك بس لازم تتاكد اصلاً ان العداد شغال اصلاً و هو بردو اللي هيقولك.

4-امبير الحرار كمان مش شغال ومش عارف مين الى بيشغلو ميكانيكى ولا كهربائى

ده اكيد الامبير بايظ و لازم يتغير هتلاقيه ب 70ج

5-لو حد مغير طابلو فى العربية دى ومركب طابلوة تانى وعاندو القديم ياريت يقولى علشان محتاج شوية حجات منة علشان التجار بيقولو اشترى الطابلوة كامل

راي هات طابلو e30 كامل و ركبه احسن .

6 - سعر المساعدين الامامى كام وكمان قواعد الماتور والريداتير وممكن الاقى فين كاوتش البيبان وسعرة فى حدود كام

الراديتير ب 550 ج - قواعد الماتور جديدة ب 160 ج


اسف على الاطالة يارجالة بس انا بجد والله جبت اخرى من الصنيعية ومن العربية

معلش انت هتتعب شوية بس هترتاح ان شاء الله في الاخر

[M.Ayman]

:) شريف منور كالعاده ماشاء الله يا شيكو ,,,, ربنا معاك ياباشا فى التعب ده بس فعلا هترتاح و هتتبسط لما العربيه تبقى مشدوده و نتيجة تعبك تبان ان شاء الله

[ahmed_alhadidy]

الله ينور يا شيكو

[sheko_2000eg]

يا رجالة الله يخليكو انا و الله معملتش حاجة
ربنا يقدرنا كلنا في خدمة بعض .

[mohannd]

الف شكر ياشيكو على ردودك وانا هظبط الحجات دى ولو فى حاجة هرخم عليك تانى اكيد ربنا يجازيك خير باذن الله ... والف شكر على كلام الرجالة

[mohannd]

اية الاخبار يارجالة
روحت علشان اظبط زوايا الراجال قالى حاجة غريبة عجيبة صدمتنى قالى انت جايلى لية ياباشا انت اصلا عايز عفشة امامية مقصات وعلبة دريكسون كاملة بس هظبطلك كدة شوية حجات تماشيك لحد ماتجبهم طبعا انا عايز اعرف عاملين كام وممكن يكونو فين وحد كويس يركبهم علشان انا خلاص زهقت من ام العربية اللة يخرب بيت الe21 على سنينة المشكلة انى بدات احب العربية بس كل شوية يطلعلى خازووووووق كبير

[nesr6060]

معلشى يا باشا انت جبتها بكام لو سمحت علشان انا بقالى شهرين بدور على عربيه حلوه ومش لاقى حاجه كويسه كل اللى لاقيتها يا اما راشه جوا يا اما فيها بارومه وانا اهم حاجه عنى الاساسيات ولو حضرتك تفيدنى وتقولى جايبها بكام لو سمحت

[faroukzen]

انا عاوز اعرف سعر الموتور الى متسقط ده كام وتسارعه قد ايه

[mohannd]

سورى يامعلم على التاخير بس انا بقالى كتير مش بخش ....انا كنت جايبها ب 18 وصرفت عليها اكتر من 15 بس خد بالك الباروما مش مشكلة دوار كويس وحاول تلاقى عربية مشدودة واتفرج عليها كويس قوى هى عربية حلوة بس شدها رخم وممل وربنا معاك

[mohannd]

الموتور m40 1800 cc موديل 92 وكان عامل حوالى 4500 كامل بس انا جبتة فاضى بدون ادوات تغذية بى 3