هو في فتيس سته غيار

[faroukzen]

انا قرات على النت ان فى عربيه e30 معروضه للبيع وكان فيها فتيس 6 غيار هل ده المقصود به 5 غيار والمارشليه هو الغيار السادس والا المقصود ان المرشليه غير السته غيار قدام ولو فيه فتيس فعلا سته غيار يركب على اى عربيه ولا لا

[haitham2011]

علي حد حلمي بالنسبه للاوبل بيبقي فيه مواتير اسمها gsi بتبقي سته امامي غير الخلفي و ده مواتير رياضيه
و اغلب العربيات الرياضيه بتبقي سته غيار و الله اعلم

[faroukzen]

شكرا على ردك haitham2011
بس انا عاوز شيكو والناس الى معاها اى 30 مايبخلوش علينا بخبرتهم اكيد يعرفوا اكتر منى

[fahd_628]

مفيش فتيس نزل فى ال e30 بيكون 6 غيارات امامية

ال e36 نزلت بفتيس 6 سرعات امامية فى ال m3 موديل 1996 لغاية 1999

[sheko_2000eg]

ال e30 منزلش فيها ماتور 6 غيار خالص لكن نزل ب 5 غيار
فقط الماتور ال 3200 M بتاع ال e36 M3 هو اللي بينزل بفتيس 6 غيار و 5 غيار.

[d0d00]

E39 m5 / e39
540

[faroukzen]

هو الفتيس السته غيار ده ينفع يركب فى اى عربيه انا عندى e28 وكنت عاوز اشترى فتيس خمسه غيار وفى ميكانيكى قالى هركبهولك وهيعمل تعديل فى القاعده بس اما لقيت ان فى سته قلت اشترى افضل وحاول اعدل

[fahd_628]

هو الفتيس السته غيار ده ينفع يركب فى اى عربيه انا عندى e28 وكنت عاوز اشترى فتيس خمسه غيار وفى ميكانيكى قالى هركبهولك وهيعمل تعديل فى القاعده بس اما لقيت ان فى سته قلت اشترى افضل وحاول اعدل

مش فى كل الحالات الغيارات الكتيير احسن

لازم يكون الموتور عندك جامد علشان يمشى العربية على الغيار السادس

لأن مثلا ال 128 ال 4 غيار لما تحطلها فتيس 5 غيار تلاقيها بتنام فى الخامس !!!

[faroukzen]

الموتور عندى حالته كويسه لكن انا كنت عاوز اعرف هل هينفع يركب الفتيس سته غيار على المكنه الى عندى ولا لا

[DrJomaro]

فتيس ال M3 فعلا 6 نقلات ZF320
و بيركب على مواتير كتير
M50, M20 , M40, M42 ,M43, M44,M52
هوا نفس التروس الموجودة في فيتس ال25 الاسود بس فيه ترس زيادة 0.8 overdrive و طبعا بيستحمل torque اكتر
علشان لو انتا مركب كرونة قصيرة تبقى مريح الموتور و انتا مسافر

يعني لو انتا مركب m20,m40,m42
اصلا الخامس عندك نفس مقاس الترس السادس فيه طب ايه الميزة ؟
ان كل النقلات التانية أقصر لأنوا بادي من الاول بتروس أكبر
اولاني,تاني,تالت,رابع, و
هنا الخامس نفس مقاس الترس الرابع بتاعك و بعدين السادس هوا هو ا الخامس
يا رب أكون عرفت أوصلك المعلومة

[faroukzen]

انا راكب عندى فتيس اربعه غيار وبحس ان متعب فى السفر وبيتعب الموتور يعنى بيجيب 120 ويكون الموتور صوته عالى بسبب الربى ام العالى فكنت عايز فتيس خمسه غيار اوسته غيار يريح الموتور ويبقى الاربى ام قليل شويه