ناوى انضم ليكم وعندى شوية اسألة

[Eng_Mostafa_89]

السلام عليكم ورحمه الله وبركاته
كنت بدور على عربية مستعملة فكنت بفكر فى سيراتوا الشكل الجديد او الشكل القديم او اسكودا a4 طبعا كل دول موديلات من 2008 الى 2010
فبقلب فى المواقع فى العربيات لقيت حتة بي ام 318 موديل 99 شكلها محترم ونضيفة فبصراحة لعبت فى دماغى جدا وبفكر اروح اتفرج عليها
فهل دى كدة تعتبر عربية قديمة كاموديل وياترى تكون فى حدود كام
انا متردد جدا ومقلق من انها موديل قديم وخايف لتكون فاتحها بوقها وتبتدى رحلة التصليح .....
فاية رائيكم يا رجالة هى ولا اشوف حاجة من العربيات اللى فوق دول ؟
اسعار قطع غيارها غالية ولا قريبة من اسعار قطع غيار العربيات التانية؟
وانا بتفرج عليها ابص على اية وادور على اية واتاكد من اية؟
استهلاكها للبنزين اخبارة اية؟ والضريبة بتاعتها كام ؟

[sheko_2000eg]

اولا :
لو العربية فابريكة و نضيفة يباه انسا انها تتعبك او تكون محتاجها مصاريف
ثانبا :
قطع الغيار ارخص من الموديلات اللي انت ذكرتها
ثالثاً :
استهلاك البنزين حسب الماتور .
1600 او 1800 استهلاكة زي الكوري بالضبط.

[Eng_Mostafa_89]

اولا :
لو العربية فابريكة و نضيفة يباه انسا انها تتعبك او تكون محتاجها مصاريف
ثانبا :
قطع الغيار ارخص من الموديلات اللي انت ذكرتها
ثالثاً :
استهلاك البنزين حسب الماتور .
1600 او 1800 استهلاكة زي الكوري بالضبط.

متشكر جدا لرد حضرتك
انا اتصلت سألت على العربية هى ماشية 180.000 كيلومتر
والعربية كل صيانتها فى التوكيل وليها دوسية هناك وبيتكلم فى 97000 جنية وممكن تنزل ل95 اية رائيكم فيها كدة تمام ولا اية
ومن برة فيها بعض المرمات

[sheko_2000eg]

لو نضيفة يباه سعرها 95 كويس جدا

[Eng_Mostafa_89]

متشكر جدا لرد حضرتك ولمتابعتك
دعواتك ليا ان لو فيها خير تكون من نصيبى

[ahmed_alhadidy]

متشكر جدا لرد حضرتك ولمتابعتك
دعواتك ليا ان لو فيها خير تكون من نصيبى

ربنا يجعلها من نصيبك بس خد بالك تكشف علي العربيه كويس والاحسن تيها البافاريه يعملو عليها تقرير كامل عن حاله العربيه هوا غالي شويه ب ١٠٠٠ جنيه بس هترتاح من وجع الدماغ ولو العربيه فيها اي حاجه هتظهر وتنزلها من تمن العربيه وربنا يوفقك

[Eng_Mostafa_89]

ربنا يجعلها من نصيبك بس خد بالك تكشف علي العربيه كويس والاحسن تيها البافاريه يعملو عليها تقرير كامل عن حاله العربيه هوا غالي شويه ب ١٠٠٠ جنيه بس هترتاح من وجع الدماغ ولو العربيه فيها اي حاجه هتظهر وتنزلها من تمن العربيه وربنا يوفقك

متشكر جدا لدعوة حضرتك
انا اعرف ناس شغالة فى توكيل بي ام هخليهم ان شاء الله يكشفوا على العربية ويشوفوا الملف بتاعها اللى فى التوكيل

[sheko_2000eg]

بالتوفيق ان شاء الله

[Ghost2]

99 يبقى متفكرش فيها اساسا .. لانها فتيس قديم وبيضرب بادي فالف .. وده عيب شائع فيها ..هتجيب يبقى تجيب النص التاني من 2000 وانت طالع لانها اتوماتيك استيبترونيك .. ما تبص كده على الستروين السي فور ..

[Eng_Mostafa_89]

بالتوفيق ان شاء الله

99 يبقى متفكرش فيها اساسا .. لانها فتيس قديم وبيضرب بادي فالف .. وده عيب شائع فيها ..هتجيب يبقى تجيب النص التاني من 2000 وانت طالع لانها اتوماتيك استيبترونيك .. ما تبص كده على الستروين السي فور ..

العربية اتباعت ربنا يبارك للى اخدها
بدور على حاجة تانى وربنا يكرم
بخصوص الستروين مبرتحش للفرنساوى بالرغم من انها عربيات محترمة جدا