ناوى إنشاء الله أشترى e46 بس عند إستفسار بسيط من الخبراء

[dfdfdf]

أنا ناوى إنشاء الله أشترى e46 بس عند إستفسار بسيط وهو موضوع البطاحات المشروخة و هو العيب الشائع فى ال E46 زى معرفت من بعض ملاك الBMW ، العيب ده أيه مدى خطورته يعنى لو فكرت أشترى واحده بحالة جيدة و لكن بها شرخ فى البطاحة حبقى لبست فيها و لا أيه ، و أيه هى أعراضها و تتعرف إزاى و أنا بكشف على العربية ، و بالنسبة لقطع الغيار هى غالية قوى و لا فى المتناول مقارنة مثلاً بسيراتو كوبيه 2011 او سيفيك 2008 و تنصحونى باى واحده منهم مع العلم أن الثلاث عربيات فى نفس معدل الأسعار حوالى 110 الف ، و شكراً

[Ghost2]

نصيحة خليك في السيفيك احسن .. وهقولك ليه كواحد من مالكي العربية .. اول العربية دي بقالها قول مثلا عشر سنين لو هتشتري موديل 2002 .. يعني صعب انك تلاقي حالة نضيفة .. طيب في حاجة تانية .لو انت مصمم على البي ام موضوع البطاحات وانها بتشرح ده بيكون بسبب ان المساعدين تعبانة واللي راكب العربية مغيرهمش .. ولو لقيت واحدة سليمة هتعرفا من ان البطحتين دول عليهم رقمين محفورين وحواليهم نص دايرة .. لو لقيتهم يبقى البطاحات مش ملحومة وسليمة لو ملقتهمش يبقى البطاحة كانت مشروخة واتعملت .. تاني حاجة تبص عليها كابل المفجر اللي وجود على البطارية عشان لا قدر الله لو في حادثة يفصل كابل البطارية عشان متعملش ماس .. لو لقيت الكابل موجود تطمئن شوية ولو ملقتوش متاخدها لانها هتبقى واخدة خبطة حولة وساعات بيتعمله قفلة عشان ميعلمش عندك في التابلوه .. بعد كده لازم الربية تدخل كمبيوتر وتعرف كل حاجة فيها .. لو هتشتري متشتريش موديل 99 او النص الاول من 2000 لانه الفتيس القديم وده في مشكلة في الفالف بتاعه فا بش منه .. خد بالك ان الشائع في الموديل ده هو ان ايرباج الباب الشمال و القايم الشمال ممكن يضرب على مطب هوا .. وده عيب من عيوب العربية .. وتتأكد من حاجة اسمها الحصيرة .. دي بتبقى موجودة تحت الكرسي اللي جنبك عشان لو في حد قاعد عليه ايرباج التابلوه يفتح لو لا قدر الله في حاجة .. بالنسبة لقطع الغيار هي مش غالية هو بس الجنيه بتاعنا اللي معدش ليه قيمة يعني اسعارها معقولة يعني تقدر تقول اغلى من اللانسر حاجات بسيطة .. ولما تيجي تشتري متحاولش تركبها من ورا شاب لانها بتكون تعبانه شوية لانه عربية مغرية انها تعمل اي حاجة حاول تشوفها نضيفة ولو عرفت تزورد وتجيب 2004 هاي لاين اهي تبقى قريبة شوية وممكن تلاقيها نضيفة ,, هقولك نصيحة بقى من اخ .. انت كواحد بتدور على عربية بي ام وعايز رفاهيية وثبات وكماليات وواسعة وعالية عن الارض كمان .. متستغربش من كلامي بس هي ستروين سي 4 موديل 2009 الفيس ليفت .. فيها كل حاجة وهتجيبها بفلوس اقل وكماليات اعلى من الموديل اللي انت عايزة وقطع غيار ارخص من برة التوكيل وليها ناسها اللي بيشتغلو فيها عند مثلا المهندس ايهاب جلال في المعادي ... والله دي نصيحة عايز تركب بي ام يبقى تركب حاجة قريبة من موديل السنة دي .. يعني اخرك 2007 ., غير كده ستروين وعلى فكرة موتورها تكنولوجيا بالاشتراك مع بي ام ومحدش اشتكى منها نهائي ولو عايز اي مساعدة انا معاك اخوك احمد وده رقمي 01003692665