اقصى سرعه مشيت عليها

[inspiron]

الموضوع في النهاية طبيعة بشرية..كل واحد راكب عربية شايف ومتأكد وواثق بدون مجال للمناقشة إنها أسرع وأشد وأعنف عربية علي كوكب الأرض...وأي عربية تانية غير اللي معاه تبقي بي بي !!
مع إن والله الحكاية ما فارقة..طيب منا عربيتي s320 بفلق بيها الأسفلت.ومحدش بيعديها..بس عادي يعني مش هروح عند اللي معداهاش وأطلعله لساني وأوقله عربيتي أسرع من عربيتك ومعرفتش تسبقني !! وعربيتي التانية فانتازيا ببقي ماشي بيها 200 في طرق السفر والاقي 320 معدي من جنبي..هل ساعتها بقا أقول دي الفانتازيا بنت تييت وعربية أوطي من الأسفلت ؟!!
وعربيتي التالتة مرسيدس خنزيرة موديل 72 أوتوماتيك 2000 سي سي..عليا النعمة أحسن من العربيتين التانيين وببقي مستمتع جدا وانا سايقها بالرغم من ان اخرها 160 !!

الخلاصة كل واحد معاه عربية من أول زيستافا لحد مايباخ..ربنا يبارك له فيها..في ناس كعوب رجليها فقفقت من الموتورجل والمواصلات

[عقاري الصوابر]

المشكله أن كل واحد بيقول أنا عندي عربيه كده وهو لاعندو دي ولاى غيرها وتلاقيه راكب عربيه 127 أو 131 أو بيجو أنا شايف دي مش مشكله قول عندي نوع ده ليه عامل نفسك مش عارف إزاي طيب إنته لما تقول أنا عندي العربيه دي هيحصل إيه كل إنسان علي أده وربنا بيرزق ويديك ياعم المرسيدس والبي أم ده بيدل علي أنه أنسان مريض ولاتلاقي عمر ماركب غير الأتوبيس أو التوكتك وأنا عندي وعندي وهو مش لاقي حتي 127 المهم دي حاجه بترجع للإنسان والبيئه إللي بيتربي فيها ربنا لك الحمد والشكر علي نعمك التي أنعمتها علينا

[sheko_2000eg]

العربيات اللي انا كتبتها دي مش عندي -- مش بتعتي بس انا جربت اجيب بيهم توب اسبيد بس
عشان الكلام يباه واضح

[7yatna]

انا قريت الموضوع كله !

ووقريت كل كومنت

انا الحمد لله ركبت عربيات كتير من اللى بيطلعو فى الافلام بس بلاش كلام احسن لا نتحسد او النفوس السوده يقولك بيفتى او بينفسن

انا كنت عايش فى قطر ودى خلاصه الكلام

المهم انا اكتر عربيه جيبت بيها سرعه كان

كورولا 2008 1800 سي سي خليجي فول اوبشن فى قطر

جايب بيها 221 وعلى جى بى اس الموبايل عشان محدش يقولى العداد مهرتل

كان معايا بردو عربيه 128 نوفا استوك بالكامل موديل 2003 على الطريق اسكندريه الزراعى فى الوصله الاستثمارى بتاعه كفر الزيات جايب بيها 150 على عدادها بس اكيد مخرف ومش عايز اقولكو مراجيح السبتيه وانا راكب

وبردو كان معايا 128 موديل 1974 معدل المكنه بتاعتها على ايدي مكنه ريجاتا على كامه تمبرا 1600 بساتم كبيره بنزين 92 بوجيهات 3 شمعه

جاييب بيها بردو على الجى بى اس بتاع 157 حاجة كدة

اللى معايا حاليا

معايا بى ام دبليو e30 1990 1800 سي سي

موتور متسقط قبل ما اجرى الجريه دى بحوالى شهرين
حساس شكمان بايظ

وخفت والله اكمل جري لان كان فى جلبه مقص مبوشه بس الجنوط ال17 عامله واجب

على الجى بى اس 181

وعلى فكرة مش قصه مواتير

فى ناس بتغير كوارين وراشيو فتيس

ممكن نفس المكنه فى عربيه توب اسبيد 190 وفى عربيه تانيه 220

لان راشيو فتيس او كرونه مختلف !

بس الفرق فى توقيت التسارع بقه عمليه حسابيه وخلاص

[bmya]

175 دايهاتسو سيريون 2008 اتوماتيك 4 سرعات
170 صني 2008 اتوماتيك

الناس اللي بتقول بتتطلع من اوكتافيا العربيه دي مظلومه ب ال 1600 وكمان اتوماتيك لازم لانوس 1500 وزنها ريشه ومانوال تتطلع منها وده لا يعيب الاوكتافيا لكن اعيب عليها انها تنزل بمستواها وتشد مع عربيات زي لانوس الااوكتافيا عربيه برستيج وفخامه وامااااااان وثباااااااااااااات مش بتاعت شد وهرتله
ويا فرحتي بال 200 وانا طاير على وش الارض لو حد نفخ فيا هتقلب

[mailo]

السلام عليكم ورحمه الله جميل جدا كل الكلام اللى حضرتكم قولته والسرعات العالية ده كمان نيجى بقى للمهم يا ترى قدرت تسوق على السرعة العالية ده وقت قد ايه والعربية ثابتها كان عامل ايه يعنى سايق براحتك ولا ماسك فى الدركسيون بايدك ورجلك وسننك وعمال تشر عرق هو ده المهم مش المهم جبت بيها كام يعنى فى اخى فاضل هنا مش فاكر اسمه بيقول انه جاب باللانوس 215 انهى لانوس ده حتى ولو عاملة مليون تعديل نظام التعليق بتاعها اصلا لا يعطى ولا يتحمل هذة السرعات العالية وان مش بكدب حد والله بس فى عقل ومنطق ده لما كانت معايا بعد 120 بتقول يا غربيتى وتحياتى للجميع وكل عام وانتم بخير

دي أكيد مشكلة في عربيتك 120 دي بتتجاب ب 127 إنما لانوس بتجيب 180 أو أكتر وأنا نفسي معدتش ال 170 وكنت مسافر يعني محملة على اخرها

الحاجة التانية اللي قال إنه جاب 215 مركب الموتور ال 2 cam وكلامه فعلا صحيح لإنه أقوى كتير قوي قوي من الستوك اللي بيجيب 180

[lanos2004]

السلام عليكم ورحمه الله جميل جدا كل الكلام اللى حضرتكم قولته والسرعات العالية ده كمان نيجى بقى للمهم يا ترى قدرت تسوق على السرعة العالية ده وقت قد ايه والعربية ثابتها كان عامل ايه يعنى سايق براحتك ولا ماسك فى الدركسيون بايدك ورجلك وسننك وعمال تشر عرق هو ده المهم مش المهم جبت بيها كام يعنى فى اخى فاضل هنا مش فاكر اسمه بيقول انه جاب باللانوس 215 انهى لانوس ده حتى ولو عاملة مليون تعديل نظام التعليق بتاعها اصلا لا يعطى ولا يتحمل هذة السرعات العالية وان مش بكدب حد والله بس فى عقل ومنطق ده لما كانت معايا بعد 120 بتقول يا غربيتى وتحياتى للجميع وكل عام وانتم بخير

وعليكم السلام
انا جبت بالانوس 225 مش 215 بس بس مش عاوز اقول لانى مصورتش الى صورته 210 فقط واحب اقولك انا طالع من بوابه الصحراوى القاهرة الى مرسى مطروح العداد منزلش عن 160 الا فى التهديات ومعظم الطريق180 وبوصل 200 عادى -بس انا بفضل انى اكون على سرعه 180 علشان عندها بقف بسهوله اكبر وفى ثوان معدودة
ولو مش مصدق فيديوهات عربيتى موجودة
الانوس زى الفل-بس ا هتم بيها
وتخيل ماشى 210 وماسك كاميرا بيد وتخيل ممكن كنت اسيب اديا التانيه كمان

[ahmad--ezzat]

وعليكم السلام
انا جبت بالانوس 225 مش 215 بس بس مش عاوز اقول لانى مصورتش الى صورته 210 فقط واحب اقولك انا طالع من بوابه الصحراوى القاهرة الى مرسى مطروح العداد منزلش عن 160 الا فى التهديات ومعظم الطريق180 وبوصل 200 عادى -بس انا بفضل انى اكون على سرعه 180 علشان عندها بقف بسهوله اكبر وفى ثوان معدودة
ولو مش مصدق فيديوهات عربيتى موجودة
الانوس زى الفل-بس ا هتم بيها
وتخيل ماشى 210 وماسك كاميرا بيد وتخيل ممكن كنت اسيب اديا التانيه كمان

ياريت توضح للناس ان عربيتك موتورها مش لانوس العاديه

او تكتب فى توقيعك

عشان كده محدش هيصدقك :))))

[mody855]

190 كم / س - بروتون بيرسونا اوتوماتيك - 1600cc - 110 hp

[عمرو الشافعى]

200 ====== شارك 1982 1800 cc موتور جديد مش استيراد من التوكيل

200 اسبرانزا الكبيره دى مش عارف رقمها والعربية كانت قابله زيادة وثابته ولكن شميت ريحة شياط فهديت السرعة
وفى الاخر اكتشفت انى كنت معدى على مصنع بلاستيك هههههههههه

[7yatna]

200 ====== شارك 1982 1800 cc موتور جديد مش استيراد من التوكيل

200 اسبرانزا الكبيره دى مش عارف رقمها والعربية كانت قابله زيادة وثابته ولكن شميت ريحة شياط فهديت السرعة
وفى الاخر اكتشفت انى كنت معدى على مصنع بلاستيك هههههههههه

الله ينور عليك يا شافعى !

سؤال بقه بعيد عم الموضوع !

موتور الشارك دة جبته جديد من التوكيل ازاى ؟

وامتى الكلام دة وكلفك كام ؟

لانى عايز اجيب مكنه 25 اليض جديده لو موجوده !

[fahd_628]

الله ينور عليك يا شافعى !

سؤال بقه بعيد عم الموضوع !

موتور الشارك دة جبته جديد من التوكيل ازاى ؟

وامتى الكلام دة وكلفك كام ؟

لانى عايز اجيب مكنه 25 اليض جديده لو موجوده !

مكنة 25 ابيض اعتقد ممكن تبقى موجودة و لكن حتسمع اسعار خرافية

يعنى مثلا وش السلندر فقط ب 12 الف جنية !!! جديد طبعا

الموتور حيخش فى 30 الف مثلا

الموتور الأسود 2500 ب 40 الف جديد !!!

[7yatna]

مكنة 25 ابيض اعتقد ممكن تبقى موجودة و لكن حتسمع اسعار خرافية

يعنى مثلا وش السلندر فقط ب 12 الف جنية !!! جديد طبعا

الموتور حيخش فى 30 الف مثلا

الموتور الأسود 2500 ب 40 الف جديد !!!

لا مؤاخذه ( هنا مكان كلمه مكونه من تلت حروف اول واخر حرف واحد )

انا اشتريه من بره جديد بردو واشحنه مصر ومش هيعدى نص التمن دة !

كامل مكمل بحاجته بيلمع جديد زيرو !

بس بردو ميمنعش اننا نسمع رقم حقيقي من تجربه حقيقيه لشافعى !

[ahmed_alhadidy]

Bmw 320i 2007 2000 cc 148 hp
اقصي سرعه مشيت عليها كانت ٢٠٠ والعربيه كانت قابله الزياده بس الطريق مسمحش ازود عن كدا

[عمرو الشافعى]

لا مؤاخذه ( هنا مكان كلمه مكونه من تلت حروف اول واخر حرف واحد )

انا اشتريه من بره جديد بردو واشحنه مصر ومش هيعدى نص التمن دة !

كامل مكمل بحاجته بيلمع جديد زيرو !

بس بردو ميمنعش اننا نسمع رقم حقيقي من تجربه حقيقيه لشافعى !

الموتور تمنه 20000 جنيه والكلام ده كان فى سنة 2000 واللى جابه وركبه توكيل ابو الفتوح وكان كارباتير طبعا مكنة بيضاء 1800 cc

واكيييد طبعا مش انا اللى جبته انا اشتريت العربية دى من واحد الله يرحمه بقى كان فعلا نزيه جدا ولما ماتوره باظ والعربية فعلا اساسيتها مشجعة انه يتصرف عليها وهو ما شاء الله ماديا معندوش مشكلة اشترى الموتور ده جديد واشتريت انا منه العربية بعدها بأقل من سنة تقريبا
بس أدائها كان غريب
كانت سرعة 200 دى بمنتهى السهولة وكانت عربية زى ما بيقولوا غبية فعلا وانا بعتها لظروف العائلة والبابين مكنتش هتنفع معايا