اقصى سرعه مشيت عليها

[ahmad--ezzat]

خلاص عليا انا ال 3 كم دول
هههههههههههههههههههه

hhh is this the top speed

[TOOLA]

مش عارف كنت داخل متوقع الاقى موديلات ال بى ام بس, بس بدام قلبت بزرميط أقول باه:

الأول سياراتى:

اكسيل 1300 هاتش باك 160 الثبات مش اوى
اكسنت 1300: 180 فى ظروف مثالية, غير كده بتتكلم من 160 ل 170. و الثبات بشكل عام كان كويس.
سبكترا مانيوال: 205 ل 210 و فى ظروف مثالية, مش محمل و فى طريق العين السخنة وانتا راجع, لكن فى الظروف العادية من 190 ل 200. الثبات فى الضياع
بورا اوتو: 190 فى الظروف المثالية و 180 العادى بتاعها. الثبات بعد تظبيط العفشة كان جميل
النترا 2005 اوتو: 180 ل 190. احساسى بالثبات مكنش كويس و اعتقد بسبب امتلاكى للسيارة بعد البورا
بورا اوتو تانى: 200 و كسرتها بحاجة بسيطة فى الظروف المثالية, العادى بتاعها بتقف عتد 190. الثبات جيد جدا الحمد لله.

سيارات جربتها او قعدت معايا فترة بسيطة:

لانوس 1: 170
لانوس 2: 160 الثبات حلو
لانوس 2 غيرها: 170 الثبات حلو
لادا 2107 تقريبا 1600 سى سى م 2008: 150 و الثبات ضايع
بى ام e46 م 2000 الماتور القديم: 190 و العربية كانت تعبانة شوية و الطريق قفل معايا و الثبات كويس بس فى رجرجة على سرعة.

اولا برجاء اليكتب يحدد معدل فى عربيتو ولا لأ و ميعدش يكتب سرعات خزعبلية و يسيب الناس تكدبو عشان يستمتع بحيرتهم و فى الأخر نكتشف انه معدل او مسقط ماتور, كلامى موجه بالخصوص على النوبيرا الجابت 240.

بشكل عام: مقبلتش او ركبت لانوس 1500 عادية بتجيب ال 180 فى ظروف عادية, ممكن تحصل فى ظروف مثالية العربية فايقة بزيادة او الطريق نازل و الهوا معاك, و نفس الكلام على الفانتازيا البتعدى 190 او 195, او النوبيرا البتعدى 190.

يا جماعة عشان تعرف اخر عربيتك لازم تكون جابت السرعة على اكتر من طريق و فى ظروف مختلفة, لاكن اوقات تحس ان عربيتك متعفرته و جابت سرعة اول مرة تشوفها و ده غالبا هتكون نوبة فوقان نادرة للماتور او الطريق نازل بسيط و انتا مش واخد بالك زى اخر 30 او 40 كيلو و انتا راجع من اسكندرية الصحراوى و داخل القاهرة.

يعنى البورا عدت ال 200 مرة واحدة وانا راجع من الاسكندرية و جابت ال 200 مرتين او تلاتة كده, لكن ده مش العادى بتاعها, هيا اخرها 190 و ده جابته فى طريق السخنة و الغردقة و الدائرى و العالمين, و هو ده باه يبقى الطبيعى بتاع العربية, لكن اى حاجة غير كده تبقى مش الطبيعى

[Eng.Geo]

hhh is this the top speed

yes :D

[Eng.Geo]

اولا برجاء اليكتب يحدد معدل فى عربيتو ولا لأ و ميعدش يكتب سرعات خزعبلية و يسيب الناس تكدبو عشان يستمتع بحيرتهم و فى الأخر نكتشف انه معدل او مسقط ماتور, كلامى موجه بالخصوص على النوبيرا الجابت 240.

اسف جدا لو أتسببت في حيرة حضرتك
انا كتبت انها معدله وناس كتير هنا عارفة اني حاطتلها موتور 2000 cc

[lanos2004]

اسف جدا لو أتسببت في حيرة حضرتك
انا كتبت انها معدله وناس كتير هنا عارفة اني حاطتلها موتور 2000 cc

بس انا معرفش يا جو

[Eng.Geo]

بس انا معرفش يا جو

انت بتشتغلهم ولا بتشتغلني انا

[SAMEH_FOUAD]

الموضوع دة معمول لل bmw لية السيارات التانية تدخل

معلش ياشريف اطلب نقل جميع السرعات المعلنة لغير ال bmw فى موضوع تانى

ويبقى فقط الموضوع دة اقصى سرعة وصلت ليها والمواصفات بال bmw وغير مصرح بدخول اى سيارة اخرى

وابقى خلينا نسمع صوتك ياشيكو

[Eng.Geo]

الموضوع ده اساسا كان في العام واتنقل بي ام !
انا بشارك فيه من زمان علي انه في العام وخدت بالي في نص الموضوع بس كل الناس بتشارك تساسا !

[Ahmed_Adham]

أنا بجيب 220 بالكارينز وبعدها عل طول بصحى من النوم الاقيني مش متغطي.

[lanos2004]

أنا بجيب 220 بالكارينز وبعدها عل طول بصحى من النوم الاقيني مش متغطي.

انا شوفتك على فكرة

[may_moon911]

كيا برايد سيدان 1300cc السرعه 165 طريق مصر اسماعيليه الصحراوي

[TOOLA]

اسف جدا لو أتسببت في حيرة حضرتك
انا كتبت انها معدله وناس كتير هنا عارفة اني حاطتلها موتور 2000 cc

ولا يهمك يا باشا, ولا داعى للاسف, الفكره كلها بس ان مش كل الناس عارفة بعض هنا, المنتدى باه ما شاء الله دلوقتى و ده بس سبب تعليقى

[semsem5144]

255 مرسيدس s500 موديل 94 5000 cc فتيس 4 غيار
225 مرسيديس e240 موديل 99 2400 cc فتيس 5 غيار
185 بي ام e46 موديل 2000 1600 cc فتيس 5 غيار والمشكله الجنوط ال18 تقيله اوى فى الجري
وكل السرعات على طريق السخنه ( العربيات ال3 جمرك وانا راجع من السعوديه )

[احمد عتمان bm]

245 و كانت لسا بتجيب بس الطريق الي خالاني اهدا bmw 320 2006

[ahmedelaraby]

160 كم / س اوبل كاديت موديل 1984 فتيس اتوماتيك 3 غيار بس كان متسقطلها ماتور كورسا 1400 مو 1998 وده على طريق اسماعيلية الصحراوي وكنت لواحدي