حيران بين e21 و e30

[Mark_Naguib]

وحوش bmw عاوز رايكم ضرورى خصوصا راى شريف باشا
دلوقتى انا محوش حوالى 26000 وحيران جدا جدا بين انى اجيب دلوقتي 21 ولا الستنى شويا و احوش و اجيب e30 خصوصا ان ديه اول عربيه ليه و مش عاوز اشلفتها علشان اول سنه سواقه فرايكم اتكل و اجيب e21 ولا استنا شويا.

[ahmed.zahra]

من واحد بي إماوي قديم، استنى شوية و هات e30

[creative_art]

بص يا باشا ..

انتا بتقول أول سنه سواقه ..

انا هقولك اول سنه سواقه و اول عربيه دي هتعمل فيها ايه ..

فى البدايه سواقتك هتكون هاديه .. بعد كدا هتلاقى الإكسلاتير بياخد ويدي معاك .. وصوت المكنه هيعجبك ..

هتبتدي تجري وهيكون فيه سنة غشوميه .. ( كلامى عن ثقه )

لغاية مارجلك تبتدي تاخد عالإكسلاتير ..

فا نصيحتي ليك اصبر وهات E30 لعدة اسباب

أولها انها عربيه نسبة ال safety فيها متقلش عن 90%

هتقدر تسعفك فى مواقف كتير خصوصا انك بتتعلم ومش عارف دية الطريق .. مثلا لو خدت مطب هوا ونتا مش واخد بالك العربيه مش هتعوم منك .. هتنقذك فى اوقات شده كتير لازم هتتعرضلها ...

وسائل أمان كتير انتا محتاجها فى الفتره دى وهتنفعك جدا ..

دا غير طبعا شكلها شبابي جدا وشيك خصوصا لما تتظبط

وعموما لو عايز شارك E21 مش هقولك لأ برضه ..

بس بقت قديمه جدا وقطع غيارها صعبه على حسب ماسمع وغير كدا تكنولوجي قديمه مش زي ال E30


وعموما الاتنين أحسن من بعض .. بس كا نصيحه ليك ونتا لسه بتتعلم هات E30

[mada_diab]

وحوش bmw عاوز رايكم ضرورى خصوصا راى شريف باشا
دلوقتى انا محوش حوالى 26000 وحيران جدا جدا بين انى اجيب دلوقتي 21 ولا الستنى شويا و احوش و اجيب e30 خصوصا ان ديه اول عربيه ليه و مش عاوز اشلفتها علشان اول سنه سواقه فرايكم اتكل و اجيب e21 ولا استنا شويا.

30 طبعأ خصوصأ انك لسه جديد ال 21 هتقرفك لانها معقدة شوية وهتدوووووخ لو العربية عطلت

[fahd_628]

مفيش نقاش !!!

استنى و هات e30 !!!

[sheko_2000eg]

عن خبرة
استنا و هات e30 احسن

[mohannd]

انا كنت فى نفس الموقف بتاعك واتسرعت وجبت e21 ولبست اكبر خازوووق فى حياتى العربية مش بتبطل مصاريف وكل حجاتها غالية لو موجودة الى بيركب العربية دى لازم يبقى غاويها ويكون فاهم زيادة عن اللزوم وعارف يجيب حجاتها منين نصيحة منى خليك فى e30 حجاتها موجودة وكتير ورخيصة لحد ما

[Mark_Naguib]

الف شكر يا وحوش معلش على ردى المتاخر علشان كونت فالعسكرية