السنتر لوك معلق و العربية مش بتفتح !!

[elmohandes1]

كل سنة و انتم طيبين جميعا - رمضان كريم

امبارح بالليل حصل حاجه غريبة فى عربيتى e90 316 مو 2007 بعد ما رجعت من السفر ركنت و طلعت البيت نزلت تانى اركن فى الجراج لقيت العربية مش بتفتح خالص!! فتحت باب السائق بالمفتاح العادى و ركنت فى الجراج لكن السنتر مش شغال نهائى و كل الابواب مقفولة تماما حتى و انا بداخل العربية و هى دايرة برضة الابواب مقفولة تماما و مش بتفتح بالأكرة من جوة نهائى.

حد عنده اى فكرة ايه السبب و اتصرف فيها إزاى؟
شكرا مقدما لكل من سيساعدنى

[MohamedGafar]

تهنيجة كمبيوتر ومحتاجة ريسيت...روح لمنصور.

تحياتي.

[farahat]

الاربع أبواب ولا تلاتة بس ؟
عموماً في الحالتين هو عيب فيوز ، بس أنا بسأل عشان أعرف هو فيوز واحد ولا اتنين ، باب السواق على فيوز والتلات أبواب التانيين على فيوز تاني ، هو عموماً سهل التغيير

[عاشق الفولفو]

بص هو ده تقريبا عيب تصنيع في العربية لان نفس الحكاية حصلت معايا وكنت بفتح بمفتاح بس الريموت مكنش شغال و رحت التوكيل غيروا حاجة بس للاسف مش فاكر ايه هي دلوقتي و مهندس الصيانة قلي ده عيب شائع و صحلوها من غير اي مقابل

[elmohandes1]

اولا أشكركم جميعا على اهتمامكم و ردكم الكريم و احب اهنى كل اسرة المنتدى و الاعضاء بعيد الفطر

ثانيا بعتذر عن طول الوقت علشان اقولكم عملت إيه.
فالحقيقة انا كلمت البافارية و حجزت موعد و هناك المهندس قالى لازم السنتر لوك بتاع البابين الامامي يتغيروا. و هايكشفوا على الضفيرة بالكامل.
طبعا كان الموضوع صدمة بالنسبالى و اتعصبت لما مدير المركز بيقوللى بكل برود "عادى عمرهم كده"
قولتله لأ مش عادى ان عربية مو 2007 و ماشية 30الف كم السنتر يبوظ و انا مش راكب عربية اى كلام المفروض انى راكب عربية المانى محترمة. انا معايا عربية مو 2000 و السنتر عمره ما علق اساسا.
المهم علشان ماطولش عليكم ماسبتوش غير لما عملى خصم و دفعت 1000 جنيه مصحصحين :)
و اخدت الكوالين القديمة عشان انا ناوى اصلحهم لان شكلهم زى الفل و مافيش فيهم حتى ذرة تراب
الملاحظ ان الكوالين كلاها بلاستيك و دى كانت المفاجأة التانية بالنسبالى

ارجوا ان اكون افدتكم بشىء - المهم البافارية دول لازم يتفاصل معاهم.

سلام

[MohamedGafar]

فعلا أنا لاحظت إن الكواليتي بتاع العربية دي زي الزفت!

تحياتي.

[elmohandes1]

فعلا أنا لاحظت إن الكواليتي بتاع العربية دي زي الزفت!

تحياتي.

غالبا بيجيبوا عربيات فرز تانى
تصور عندى مثلا الشماسة فيها مرايا بداخل فريم بلاستيك, فى يوم كده بانزل الشماسة لقيت الفريم و المرايا وقعوا عليا . قولتلهم صلحوها قالولى لأ بنعمل اوردر بإتنين شماسة من بره قولتلهم شكرا و انا صلحتها لوحدى.
يعنى فعلا الخامات الداخلية المستخدمة فى العربية سيئة جدا

تحياتى

[MohamedGafar]

غالبا بيجيبوا عربيات فرز تانى
تصور عندى مثلا الشماسة فيها مرايا بداخل فريم بلاستيك, فى يوم كده بانزل الشماسة لقيت الفريم و المرايا وقعوا عليا . قولتلهم صلحوها قالولى لأ بنعمل اوردر بإتنين شماسة من بره قولتلهم شكرا و انا صلحتها لوحدى.
يعنى فعلا الخامات الداخلية المستخدمة فى العربية سيئة جدا

تحياتى

لسه الموضوع ده حاصل معايا فى الشماسة اليمين إمبارح!!!!

للأسف!

تحياتي.