عاوز سوست e36 سبور

[fahd_628]

السلام عليكم

انا عاوز سوست E36 سبور

عاوز اوطى العربية بس مش عاوز اخليها على الأرض

عاوز اوطيها شوية صغيرة لأنها من قدام عالية جدا

عاوزها تبقى زى كدة



لو حد يعرف منين ممكن اجيب سوست سبور و بكام اكون شاكر جدا

[MMamdouh]

حمادة غزى عندة سوست سبور للE36

المحل جنب طيبة مول

MMamdouh

[fahd_628]

حمادة عندة عفشة Apex فقط !!! و بتوطى العربية 4 سم ورا و قدام !

انا نفسى فى Eibach pro-kit بتوطى العربية 3 سم قدام و 1.5 سم ورا !!!!

ياريت الاقيهم !

و ياريت لو حد يعرف هل فية حد بيبيع السوست دية مستعملة ؟؟؟؟؟

[ahmad--ezzat]

انا سمعت ان سوست النوبيرا تمشى عليها والله اعلم

[fahd_628]

عمرى ما هعمل كدة حرام عليك :)

[ahmad--ezzat]

عمرى ما هعمل كدة حرام عليك :)

????????

[fahd_628]

علشان دية دايو و دية e36

العربيتين مش واحد يعنى !!

مينفعش اركب اى سوستة فى اى عربية

[MMamdouh]

حمادة عندة عفشة Apex فقط !!! و بتوطى العربية 4 سم ورا و قدام !

انا شايفهم عندة و جايب من عندة طقم لE46 و عندة كمان للE30 بس كل دة merwede مش apex

MMamdouh

[MMamdouh]

انا سمعت ان سوست النوبيرا تمشى عليها والله اعلم

سوست النوبيرا ملهاش اى علاقة بالE36

MMamdouh

[fahd_628]

ياريت يا MMamdouh لو حاجة Koni او H&R او Eibach !!!

انا عاوز حاجة من الحاجات دية و يستحسن مستعملة علشان الفلوس بقى انت عارف خصوصا انى لسة مغير عفشة بالكااااااااااااااااامل قدام و ورا جديدة فا كل حاجة تمام خالص و العربية ممتازة بس بتميل فى الملفات !!!

و دة حلة Swaybar اكبر قدام و دة ان شاء الله حجيبة + سوست

[fahd_628]

اية يا جماعة محدش يعرف يفيدنى مين بيبيع سوست مستعملة و بكام ؟؟؟؟؟؟

[DrJomaro]

انا عارف انها مش سكتك بس قولت اقولك كدا كدا ,
ليه مش coilovers علشان تقدر تتحكم في العلو اللي انتا عايزة , و لو حبيت ممكن تختار الSpring rate بردة
بص كدا على ده
Street Tuning Auto Piece BMW Performance Parts - COSMO Racing

[fahd_628]

متشكر جدا يا DrJomaro بس ال Coilovers يا اما يبقو حاجة ماركة كويسة يا اما بلاش !!!

انا بس عاوز سوست تكون كويسة علشان ال Fender gap قدام عندى كبير شوية و مش لايق على العربية + العربية مع العلو دة بتميل شوية فى الملفات !!!

فا السوست هتحل المشكلة

[DrJomaro]

مش بقولك Purest :-))))
الفكرة ان لما تشتري سوست من هنا محدش بيبقى عارف هما ايه ولا الهوا , محتاج يكون عندك انترنت و تاخد الpart number و تعيش بقى
علشان كدة الموضوع في مصر معتمد على التجربة , ركب يا ياشا و امشي بيها يومين و شوف و النظام دا
انا اشتريت كتير , في الأخر عمري ما هشتري سوست من مصر تاني الا لو عارف هما ايه
علشان السوست بتتحكم بشكل كبير في اداء العربية و أنا محتاج أكون عارف ال Specs بتاعت كل حاجة علشان لما أحب اغير, اغير عن فهم و أظبط العربية على Style سواقتي

ربنا معاك و تلاقي الحاجة اللي بتدور عليها

على فكرة أنا كنت شوفت عند زهير من فترة سوست E36
خليني ألف لفة على الأصدقاء , و ربك يسهل

[fahd_628]

مش بقولك Purest :-))))
الفكرة ان لما تشتري سوست من هنا محدش بيبقى عارف هما ايه ولا الهوا , محتاج يكون عندك انترنت و تاخد الpart number و تعيش بقى
علشان كدة الموضوع في مصر معتمد على التجربة , ركب يا ياشا و امشي بيها يومين و شوف و النظام دا
انا اشتريت كتير , في الأخر عمري ما هشتري سوست من مصر تاني الا لو عارف هما ايه
علشان السوست بتتحكم بشكل كبير في اداء العربية و أنا محتاج أكون عارف ال Specs بتاعت كل حاجة علشان لما أحب اغير, اغير عن فهم و أظبط العربية على Style سواقتي

ربنا معاك و تلاقي الحاجة اللي بتدور عليها

على فكرة أنا كنت شوفت عند زهير من فترة سوست E36
خليني ألف لفة على الأصدقاء , و ربك يسهل

يا ساتر يا رب :(

للأسف انا اكتر حاجة بكرها الموضوع دة !!! ان الى بيبيع مش فاهم حاجة خالص و كلة على التجربة

دة انا تقريبا الناس بتاعت الأستيراد بتاعت الأسكندرية كرهتنى بسبب الموضوع دة :D

بدقق فى كل حاجة بزيادة :)

مرة رحت اشترى Rear swaybar و كنت عاوز اقلب العربية M sport suspension الى هية Swaybar قدام 26 ملى و ورا 18 ملى بدال الى راكب دلوقتى ( مفيش Swaybar ورا و قدام 22.5 ملى )

رحت اشترى و كنت لسة جديد بقولة عاوز عامود ميزان E36 خلفى 18 ملى :D و واخد معايا الباكوليز :D هههههههههههههههه

الراجل قالى معندناش الكلام دة :D قالى انا عندى عامود ميزان الى هوة دة و قام مطلعلى بتاع ال E46 :) قولتلة دة E46 و كمان 19 ملى قالى يركب عندك يا باشا اكييد

اخدتة منة و انا متأكد انة مش هيركب عندى و طبعا ما ركبش رحت غيرتة و اخيرا لقيت واحد بتاع E36 17 ملى و قمت واخدة و خلاص !!!!

و حدور على ال 26 ملى قدام :D

المهم ان السوست بتفرق جامد فى العربية و كمان السوست ال 6 سلندر غير السوست ال 4 سلندر !!!!

و فية انواع كتيييييييييييييييييييير Sport و Race و OE و ... كل حاجة معمولة لحاجة و بتهبط تهبيطة معينة !!!

انا زى ما بقولك بدور على Eibach Pro-kit او H&R Sport او كونى و خلاص !!!