هل فية ناس فى الحرفيين بتقطع z3

[DrJomaro]

والمقصات دي موجودة في مصر وهل تنفع تمشي في مصر معانا ولا تبوظ بسرعة؟؟

انتا بصيت على اللينك ؟

[fahd_628]

بص يا mik
lock to lock = يعني عدد لفات الدركسيون من اقصى اليمين لأقصى الشمال
فمثلا عربية زي الe30 برة بيتريقوا عليها و بيقولوا انها عاملة زي أتوبيس المدرسة في دركسيونها علشان يتلف 4 لفات و دا رقم كبير

الرقم دا ممكن يبقى عادي و متحسش بتأثيره , بس في autox او في السباقات او مثلا في الغرز يمين في شمال هتحس بيه ,بدل ما تلف نص لفة شمال و تعدل مثلا هتلاقي لو lock to lock عندك قليل هتحرك الدركسيون حركة أقل = وقت اقل =اسرع

أقصر lock to lock في bmw
z3 non m 2.7
e36 m3 95 3.0
e36 m3 96 +z3 m =3.2
e36=3.5
e30=4
e46 = 3


كلوا بيركب على كلوا مع تعديلات بسيطة و ممكن برضة تزود زاوية فتح العجل برضة بتعديلات بسيطة

اللي راكبين e30 و ركبواعلبة ال e36 بيحسوا بالموضوع دا و بيزود زاوية فتح العجل



اللى أنا مش مصدقة ان فهد قرر يركب حاجة مش بتاعت e36 في عربيتة دا حدث تاريخي

هههههههههههههههههههههه

لأ فعلا انا مش بحب اركب غير الحاجات بتاعت العربية :d

بس بينى و بينك ال z3 عبارة عن e36 حتى اسمها e36/7 :)

فا نقدر نعتبرها e36

على فكرة انت الوحيد الى لقيتة فاهمنى فى مصر :) ياريت اشوفك بقى و نتعرف

[DrJomaro]

ال z3 نصها الأمامي E36
نصها الخلفي E30
تحس انها نتيجة زواج الاتنين

أنا نازل اسكندرية ان شاء الله النهاردة
بعتلك على الخاص

[fahd_628]

ال z3 نصها الأمامي e36
نصها الخلفي e30
تحس انها نتيجة زواج الاتنين

أنا نازل اسكندرية ان شاء الله النهاردة
بعتلك على الخاص

و انا رديت عليك :)

و اسكندرية نورت

[mik_e30]

انتا بصيت على اللينك ؟

ايوة ياكبير شفتة وطبعا وهم بس انت مردتش عليا هل الحجات دي سهلة وتتحمل شوارعنا الحلوة ولا دريفت بس لان حاجة زي كدا هتساعد اوي في الشوارع الديقة والركنة وكدا ولية العربية متنزلش كدا اصلا لو مش خطر او بتبوظ ؟

[DrJomaro]

ايوة ياكبير شفتة وطبعا وهم بس انت مردتش عليا هل الحجات دي سهلة وتتحمل شوارعنا الحلوة ولا دريفت بس لان حاجة زي كدا هتساعد اوي في الشوارع الديقة والركنة وكدا ولية العربية متنزلش كدا اصلا لو مش خطر او بتبوظ ؟

اول حاجة الkit دي ب 1400 يورو
تاني حاجة الجلب فيها poly urethane يعني ناشفة جدا = يعني انتا اللي مش هتتحملها
تالت حاجة الزاوية الكبيرة اوى دي محتاجة تقطع في الرفارف علشان العجل ما يحكش و كتير منهم بيشيل الرفرف اصلا

[MohamedGobran]

عليك و على كمال نصار لان انا مره شوفت عنده z4 e85 متقطعه و حاططها فى العرض عنده فممكن تلاقيها عنده بس معرفش هيرضى يفكلك الحاجات دى من نص ولا لآ و طريقه سهل لو حضرتك من اسكندريه و مش عارف الطريق حضرتك على مطلع كوبرى الحرفيين هتخش يمين عادى و تدخل يمين كأنك داخل الحرفيين عادى جدا و تفضل مكمل على طول لحد ما تلاقى الطريق بيتقسم على طول و يمين و شمال و تلاقى على شمالك حسن دبوس, حضرتك هتكمل على طول و تفضل ماشى لحد ما تلاقى على يمينك حاتم بتاع e92 m هتخش يمين بتاع حاتم ده هتمشى 20 متر و تلاقى كمال نصار على شمالك و وهو كبير جدا وواجهه دورين اسأل عنده بقى و طبعا كلنا هنا عارفيين انه حرااااااق فى الاسعار


لو موضوع كمال نصار ممشيش معاك حضرتك ادخل على كونتاكت كارز و شوف العربيات المستعمله و دور على حد بيبيع z3 و كلمه اساله بتجيب حاجاتها منين من الحرفيين و إن شاء الله تلاقى إلى انت عايزه

[Formulator]

اضحكك على حاجة انتا عارف ال fiat coupe 2.016vt كام
2.5
فرق شاسع في دقة التوجيه و اقل لمسة بتفرق

عارف ال alfa GTV كام
1.75

ماشاء الله عليك..

بس أعتقد الألفا GTV نفس علبة الفيات coupe 2.0 20vt كانت 2.2 lock-to-lock
وتقريبا الـStilo الأبارث 2.4 زيهم؟!!

شوف
هو الرقم الـmental فعلا .. بتاع الـGTA 156/147!!
كانت 1.7 Lock-to-Lock وهى أصلا الطارة بتاعتها صغيرة بشكل مستفز؟؟!!!

(مش عايز أقولك الـ156 العادية 2.1 وإستجابة الدركسيون كانت رهيبة على أى سرعة)

للأسف الشديد العلب دى مابقوش ينزلوها فـ الجديد.. لا فيات (برافو-بونتو) ولا حتى الألفات..
كله فوق الـ2.2 فـ السبور (جولييتا 1.75TBi QV)، والعادى 2.8-2.9؟؟؟!!

بس ال gtv 1.75 دة حاجة انا مش متخيلها !!!!
دية حلوة فى المدينة اوى بس على الطرق السريعة اعتقد حتبقى خطر :d
لو لفيت سنة بسيطة على سرعة حتلاقى العربية حدفت جامد جدا !!!!!!

مفيش الكلام ده ياباشا،
إستجابة وحدة التوجيه للـSteering-inputs من الدركسيون بتتغير تماما على السرعات؟؟!!!

الكلام ده فـ كل الفيات-ألفا، باور هيدروليك أو كهرباء.. whatever الـSteering-Ratio كانت أيه؟!!
بتختلف طبعا من عربية-لعربية حسب الهورسباور والحجم (سبورت ولا عادية)...

بس.. هى ماتتوصفش إلا لما تجربها على سرعات صغيرة + غرز و manoevres على سرعات عالية- هتلاقى إيدك إتبرمجت عليها

Rgds،

[amagroup]

الموضوع شيق وبصراحة انا مستغرب من الكلام ده لاني مجاش في تفكيري قبل كده كلام جميل جدا وشكرا علي المعلومات المفيدة دي