سؤال لخبراء bmw

[eAmo]

السلام عليكم انا عضو جديد بالمنتدى وبأذن الله عاوز اجيب bmw 316 -2002 -2004
وكنت عايز رأى خبراء المنتدى فى السيارة من حيث

1- الاداء وقوة المحرك

2- اسعار قطع الغيار ومدى توافرها

3- الكماليات المتاحه بالسيارة

4- استهلاك البنزين

ولكم جزيل الشكر واسف على الاطاله

[icon]

هو ايه حكاية e46 .. فجأة كدة كله بقي بيدور عليها .. ايه يا جدعان ده كدة سعرها هيرفع اكتر ما هو رافع

انا كمان بدور علي حاجة زي كدة .. وفيه عضو محترم معانا لسة عامل موضوع من كام يوم برضو بيدور عليها

عموما انا متابع مع سيادتك

[eAmo]

شكرا لمرورك الكريم وانا فى انتظار رد خبرراء المنتدى

[نينو]

والله انا دايخ بقالي اسبوعين نفسي اركب بي ام ومعايا في حدود 130 الف مش عارف اجيب ايه لاني عمري بصراحة مركبت بي ام ياريت اهل الخبرة يقولو لان انا كان معايا اوبترا فمش عارف اي حاجة بس انا نفسي في حاجة شكلها فخم و استهلاك بنزين معقول و متكنش اكتر من 1800 سي سي و شكرا ليكم يا احسن رجالة

[نينو]

مستني حد يقولي اعمل ايه

[احمد فهمى]

معلش بس ٣١٦ من ٢٠٠٢ ل ٢٠٠٤ تقريباً مصر كلها فيها عربيتين ومانيوال مش اوتو وجمارك يعنى الوكيل مبعش ٣١٦ انت تقصد ٣١٨؟؟؟؟؟ لو كده هتلاقى طبعاً كتير بس اشترى هاى لين بلاش بيز لاين بس اهم حاجه الحاله طبعاً بس هى ١٩٠٠ سي سي مش ١٨٠٠ وطبعاً عربيه مفيش كلام وقطع الغيار استيراد مش لاقيه اللى يشيلها والجديد موجود فى كل مكان من اول الصينى الى الالمانى وزى ما وضحتلك اهم حاجه الحاله

١- الاداء دى بى ام دبليو يعنى اخر اداء او قوه تسأل عليها
٢- قطع الغيار وضحتلك بس السعر حسب امكانياتك تقييم غالى او مش غالى
٣-كماليات مينفعش تتعد طبعاً بس الهاي لين فيها كل ما تتخيله ولا تتخيله
٤-استهلاك بنزين مش هتحس بفرق ملحوظ من الاوبترا
والله المستعان

[نينو]

عم احمد انا مش عارف اقولك ايه بس بجد انت اخ جدع
دلوقتي يا احمد انا قدامي واحدة 318 هاي لين موديل 2002 صاحبها طالب فيها 105 هل كدة السعر كويس و لا كتير و تخلص علي كام هي تقريبا رشة برة نظافة و عاملة 180 الف كيلو وانا مش عارف
معلش هتعبك معايا و تقولي ايه رايك هي كاملة فيها فتحة سقف وجنط تقريبا قالي هي كاملة كلو
شكرا ليك و لتعبك معايا

[sheko_2000eg]

السيارة الرائعة BMW E46
من اجمل السيارات الشبابية عيبها الوحيد
بتشرخ بطاحات و لكن ليه علاج بعمل شداد علي الموتور.
انا في وحدة قدامي حالتها كويسة اوي متلعبش بيها و كده يعني
موديل 2000 متسقطلها موتور 2300 سي سي معدلة M3
عفشة 6 سلندر مع الماتور رخصة سارية
مطلوب 110000 ج فابريكة دواخل و جنوط M رشة برة نضافة بس.
صورتها :

هي العربية اللي في النص.
للاستعلام كلمني 01000240620

[نينو]

شيكو انا عاوز حاجة حنينة عليا انا اول رة هركب بي ا م بس ليا عندك طلب لو جبت عربية اكشف علليها فين غير بافارية
انا قدامي واحدة 2002 هاي لاين عاملة 200 الف كبلو مجنطة و فتحة سقف كاملة يعني
المهم صاحبها بيقولي ب 105 انا مش عارف السعر كويس و لا لا مع العلم انها رشة كلها برة لكن جوة فايريقة ياريت تساعدني يا شيكو لاني اول مرة اركب بي ام و شكرا ليكم كلكم انا بتعبكم معايا

[sheko_2000eg]

شيكو انا عاوز حاجة حنينة عليا انا اول رة هركب بي ا م بس ليا عندك طلب لو جبت عربية اكشف علليها فين غير بافارية
انا قدامي واحدة 2002 هاي لاين عاملة 200 الف كبلو مجنطة و فتحة سقف كاملة يعني
المهم صاحبها بيقولي ب 105 انا مش عارف السعر كويس و لا لا مع العلم انها رشة كلها برة لكن جوة فايريقة ياريت تساعدني يا شيكو لاني اول مرة اركب بي ام و شكرا ليكم كلكم انا بتعبكم معايا

سعرها كويس
و اباه كلمني و انا اقولك ممكن تكشف فين
مع اني افضل التوكيل طبعا.
01000240620

[نينو]

شيكو انا انهردة شفت العربية هي لونها بيستاج عاملة 320 الف كيلو موديل 2002 صاحبها بيقولي رشة برة كلها وهيوديها الحرفين يظبط خلاطة الباور وماسك 105 الف و بيقولي اكشف عليها في اي مكان يعجبك هي هاي لاين ياريت اعرف منك تصلحها غالي اوي ولا معقول مع العلم اني معايا اوبترا هي 2000 سي سي

[Batman372]

شيكو انا انهردة شفت العربية هي لونها بيستاج عاملة 320 الف كيلو موديل 2002 صاحبها بيقولي رشة برة كلها وهيوديها الحرفين يظبط خلاطة الباور وماسك 105 الف و بيقولي اكشف عليها في اي مكان يعجبك هي هاي لاين ياريت اعرف منك تصلحها غالي اوي ولا معقول مع العلم اني معايا اوبترا هي 2000 سي سي

320 الف كم فى عشر سنين ؟؟؟ يعنى متوسط 32 الف كم كل سنه ؟؟؟ دول ملاكها كانوا بيناموا فيها زى ما بيقولو :) اكيد طبعا كتير جدا و العربيه حتكون مستويه بمعنى الكلمه !!! و كمان بيروح بيها الحرفيين ... اكيد من غير ما اشوفها محتاجه عربيه كامله .... مع احترامى و لاتسوى و ابعد عنها تماما لان الى حيشتريها ميفتكرش انه حيركب بى-ام ...
و محدش يقولى دى بى-ام و تستحمل و الكلام ده .... تحياتى ...

[نينو]

شكرا ليك يا بات مان و لو في حاجة ظهرت قدامي هقولك وشكرا

[احمد فهمى]

عم احمد انا مش عارف اقولك ايه بس بجد انت اخ جدع
دلوقتي يا احمد انا قدامي واحدة 318 هاي لين موديل 2002 صاحبها طالب فيها 105 هل كدة السعر كويس و لا كتير و تخلص علي كام هي تقريبا رشة برة نظافة و عاملة 180 الف كيلو وانا مش عارف
معلش هتعبك معايا و تقولي ايه رايك هي كاملة فيها فتحة سقف وجنط تقريبا قالي هي كاملة كلو
شكرا ليك و لتعبك معايا

الشكر لله انا معملتش حاجه
بالنسبه للسعر هو عادى بس ١٨٠ الف كيلو كتير نصيحه اشترى تحت ال١٠٠ الف