مساعدة من احسن Bimmers في مصر بخصوص E38

[ARMahfouz]

السلام عليكم ورحمة الله ....

انا متابع للمنتدى من فترة و الحمد لله ان فيه منتدى زي ده يجمع اكتر ناس بتفهم في bmw في مصر....

انا والدي داخل على منعطف تاريخي (من وجهه نظري) لأنه قرر يشتري E38 740i 1996

فياريت استفاد من خبراتكوا وتقولولي اهم مميزات وعيوب العربية دي خصوصا بالنسبة لأعطالها وقطع غيارها والذي منه ...... !!!

[احمد فهمى]

طبعاً واضح ام والدك بيفهم لأنو اختار عربيه لا يوجد لها مثيل فى الكفائه والامان والكماليات وطبعاً ال٧٤٠ نادره شويه فى مصر لأنها كانت مقربه للمليون جنيه فى سنتها وكانت اغلى عربيه فى مصر حتى من المرسيدس ال s وكان الدارج منها فى مصر ٧٢٨ ودي كانت ٢٨٠٠ سي سي نفس المحرك بتاع ال٥٢٨ و٦ سلندر على خلاف ال ٧٤٠ محرك ٤٠٠٠ سي سي و ٨ سلندر وعايز ابلغك ان بعد كل ده استهلاك البنزين مش فارق كتير عن ال٦ سلندر بى ام على العكس اوفر فى السفر على السرعات بكتير وطبعاً عيب انى اتكلم على كماليات لأن مفيش حاجه فيها مش موجوده وانا كلامى واضح العربيه فيها كل حاجه وطبعاً سعرها اليوم سعر الكرولا تقريباً بس اهم حاجه الحاله وقطع غيارها فى الحرفيين مش لاقى اللى يشيلها زي ما انت عايز وبالتوفيق

[ARMahfouz]

الف شكر ياباشا وجزاك الله كل خيــــــــــر !!!

[احمد فهمى]

الشكر لله ولو احتجت نصيحه او معلومه فى العربيه او قطع الغيار بلغنى والله المستعان

[inspiron]

تعقيب صغير..في عام 96 العربية دي كان سعرها 750000 جنيه ( 740li ) وكان سعر مرسيدس s class w140 المعروفة بإسم شبح ( s500 ) سعرها في ذلك الوقت 860000 جنيه..يعني الـ e38 مكنتش أغلي ولا حاجة..

ملحوظة الأسعار دي موثوق منها وتقدر تسأل بردو

[inspiron]

وممكن تشوف الفيديو ده وقرر

دي المرسيدس

https://www.youtube.com/watch?v=Ts20pVZbZEg

ودي البي ام

https://www.youtube.com/watch?v=swEj0XeYE68

أظن الفرق واضح جدا لصالح مين

[hanyhosney]

عربيه جميله وقطع غيارها موجوده مش بكثره بس موجوده استاذ عماد المصري في الدقي عندو واحده كل حاجه فيها فابريكه ممكن ترحله لو احتاجت اي قطعه غيار

[mailo]

أظن الفرق واضح جدا لصالح مين

فرق من ناحية إيه بالضبط

[inspiron]

فرق من ناحية إيه بالضبط

موتور ده أولا...وسع صالون ثانيا,,بعض الكماليات ثالثا ,, مظهر عام ( أذواق )

[sheko_2000eg]

انا والدي معاه اختها بس 750 5400سي سي موديل 98
قطع غيارها عالية شوية لكن في المقابل رفاهية فائقة الحدود
و خلي بالك دي احسن فئة سابعة بي ام نزلتها .

[احمد فهمى]

تعقيب صغير..في عام 96 العربية دي كان سعرها 750000 جنيه ( 740li ) وكان سعر مرسيدس s class w140 المعروفة بإسم شبح ( s500 ) سعرها في ذلك الوقت 860000 جنيه..يعني الـ e38 مكنتش أغلي ولا حاجة..

ملحوظة الأسعار دي موثوق منها وتقدر تسأل بردو

لا برافو عليك على الاضافه ومش محتاجين نتأكد احنا فى ٢٠١٢ وكلو بيتباع بربع الثمن او اقل من اللى سيادتك وضحتو