طلب تسعير من خبراء ال بى ام

[drramisalama]

اولا احب اشكر اعضاء نايل موتورز اللى بستفيد منهم كل يوم جديد

انا معروض عليا عربيه مو 88 e30

حالتها كالاتى

فابريكة دواخل راشة برة حالة الدهان جيدة جدا موتور 1800 لسة متسقط من 3 شهور عفشة سبور جنوط سبور 16 وكاوتش جديد فتحة سقف كهربا شغالة 4زجاج كهربا تكيف شغال الصالون مبهدل سوية او بمعنى اصح معمول ريكارو بس مش باحتراف عشان كدة معجبنيش

العيوب الصالون خرم فى الشكمان طرمبة المية محتاجة تغيير وصاحبها قال هيغيرها قبل ما يبيع الكاست عطلان

محتاج مساعدتكم فى تسعير العربية ويا ترى اخبار قطع غيارها اسعارها اية وكمان استهلاك البنزين

خصوصا ان كل ماسال حد يقولى خليك فى جولف او ابيزا المانى برضة وتعلى بالموديل


وشكرا مقدما

[M.Ayman]

بالنسبه لطرمبة الميه خليه يغيرها و يقعد بيها شويه عشان انا بسمع انها بتبوظ بسرعه فى ال 36 معرفش هل هى كده فى ال 30 ولا لأ فاضمن خليه يغيرها و يشغلها شويه عشان تبقى مضمونه الكاسيت مش مشكله اصلاممكن تجيب كاسيت نوع نضيف بدل بتاع العربيه الصالون ممكن توديه لحد نضيف يظبطه بشكل ريكارو صح بنفس الفرش عشان يبقى مبلغ بسيط ,,,, التسعير بقى مع حد من الناس الخبرا فى ال 30 بقى :) ان شاء الله يفيدوك

[sheko_2000eg]

العربية ديه لو فابريكة دواخل هتعمل
35000 ج
و عمر الجر الامامي ما يقارن بالجر الخلفي
و مشاكل الابيزا اكتر بكتير من ال e30
قطع غيار ال E30 هتلاقيها في الموضوع ده

http://www.nilemotors.net/Nile/269240-e21-e30.html

[drramisalama]

bor3ey و sheko_2000eg

انا متشكر جدا ليكو وللردود الوافية والسريعة وشكلوكو كدة هتشجعونى ابقى بى اماوى :)