بي ام e90 معرضه للسرقه

[Ahmed_Adham]

بالصدفه لقيت موضوع عن البيمر فئه E عموما وموديلات e90 خاصه اللي فيها start/stop وزياده سرقتها الغير طبيعيه فى انجلترا ومدى سهوله برمجه مفتاح عليها بعد كسر الازاز اللى جنب السواق (واللي مش بيشغل اى انذار) وبرمجه العربيه عشان تقبل المفتاح الجديد عن طريق فتحه ال OBD

ده فيديو السرقه اللى طرح المشكله للمناقشات

Stolen BMW 1M Coupe in less than 3 minutes - YouTube

ودي طريقه لفتح العربيه من غير كسر الازاز



وده فيديو بيوضح سرعه برمجه المفتاح






المقالات والمواضيع التي تناقش المشكله



الحلول المقترحه لحل المشكله تتمثل في

1- قطع وصله ال OBD وتشغيلها فقط عند احتياجها فى مركز الصيانه.
2- الغاء اى slots للمفاتيح الزياده بما ان العربيه بتيجي بمفتاحين لكنها قابله للبرمجه حتى 10 مفاتيح فيفضل الغاء تفعيل ال 8 slots الاضافيه ولكن عيب هذا الحل انه فى حاله فقدان المفتاحين الاصليين والرغبه باضافه مفتاح جديد يجب تغيير الوحده كامله بسعر عالي.


تم حذف الفيديوهات واللينكات بناء علي طلب الاعضاء
مشرف عام 1

[i_Am_Legend]

يادي النيلة...دة السيراتو بقي تبوس ايديها شعر ودقن..

[Land_Cruiser]

حضرتك كده بتدى درس مجانى للحراميه عندنا فى سرقتها بدون ان تقصد. برجاء مراسله الاداره لاغلاق الموضوع

[MohammedAladel]

مفيش حد ما بيغلطش

[ahmed_alhadidy]

حضرتك كده بتدى درس مجانى للحراميه عندنا فى سرقتها بدون ان تقصد. برجاء مراسله الاداره لاغلاق الموضوع

اولا هوا مجهود رائع يشكر عليه العضو ثانيا انا مؤيد للاقتراح دا لانه فعلا درس مجاني للصوص

[Mostafa.Ismail]

حضرتك كده بتدى درس مجانى للحراميه عندنا فى سرقتها بدون ان تقصد. برجاء مراسله الاداره لاغلاق الموضوع

دى فيديوهات موجودة على النت ... يبقى نقفل اليوتيوب والنت وندمر اجهزة الكمبيوتر :)

[Land_Cruiser]

دى فيديوهات موجودة على النت ... يبقى نقفل اليوتيوب والنت وندمر اجهزة الكمبيوتر :)

اذا حضرتك شفته بالصدفه ليس هناك داعى ان تنشره و تخللى اللى ميعرفش يعرف. السرقه اللى بتتكلم عنها الفيديوهات فى انجلترا و دول عندهم شرطه و العربيات بتتسرق فما بالك بالحال عندنا ؟ الدنيا مش ناقصه يا فندم

[Ahmed_Adham]

انا مقصدتش انى ادي درس ولا حاجه أنا بس كنت بحاول أوضح ازاى الموضوع سهل والفيديوهات سهل جدا البحث عنها بكلمات بسيطه على النت وأعتقد مادام اليوتيوب سايبها يبقى مفيش منها خطر. على فكره الفيديو مش باين فيه اسم الجهاز المستخدم خالص ويمكن عشان كده سايبينها اونلاين.

المهم اللى عنده بي ام E90 أو اى فئه فيها زرار Start/Stop ياخد باله ويحاول يتكلم مع التوكيل عن تعطيل بورت ال ODB واللى أنا قريته ان الفئه الجديده F30 مش بيشتغل فيها بورت ال ODB الا والعربيه دايره وبكده يكونو عالجو المشكله الى حد ما.

[naser_56]

ممكن تبعت لينكات الفيديوهات علي الخاص عندي e39 وعاوذ اعمل upgrade لل e90 خخخخخخخ