بيمراوي جديد وشوية اسئلة عن e90-316

[Karim_Monir]

السلام عليكم يا شعب البافرايا
الحمد لله جبت 316-2007
طبعا مانيوال عشان انا عاشق للمانيوال بغباء وبحب احس العربية تحت رجلي واحس موتورها
المهم عندي شوية اسئلة
لمبة الصيانة لما اشتريت وكانت عاملة 67 الف كم كانت بتقولي فاضلك 9 الاف
دلوقتي بعد ما مشيت 3 الاف بتقولي فاضلك 8 الاف
هي بتكون تقريبا ولا ايه
ودي لمبة صيانة ايه بالظبط
انا غيرت زيت الفتيس عشان كان فيه عض بسيطة وراحت بعد تغيير الزيت
وشكرا شريف ياسر اللي صدعته لغاية ماعرفنا نوع الزيت وانا حطيت فالفولين وممتاز معايا

انا اشتريت زيت موتور كاسترول 5-40 5 ليتر هل ده كويس ولا لاء ليها
ولا فالفولين 5-30 افضل ؟
واقعدة فيها قد ايه عشان عارف مواتيرها حامية انا في تويوتا كنت بقعدة 15 الف مستريح او اكتر
والفلتر الاصلي اجيبة منين وبكام
عايز اغير زيت الباور وزيت الفرامل عشان اكون مطمئن
اغيرهم ايه وفين
البوجيهات سحب واستهلاك البنزين كويس والحمد لله كدة انا مش هاغيرها بس انا مش عارف صاحبها غيرها امتي
انا معرفش اي حاجة عن هيتوري العربية غير اللي كشفت عليه وشفته بعيني
غير كدة ماشوفتش صاحبها عشان المعرض كان رخم شوية

عايز اغير كاوتش وانا جنط 16 وهيا فيها كونتينتال
اغير ب بريجدستون ران فلات ولا ادرينالين
ولا اغير كونتينتال برضه
ران فلات ولا عادي
العربية جاي مفيهاش عدة اجيب شنطة العدة منين وبكام

عايز جنوط بتاعتها ال 16 الاسبور عشان هي جنط عادي ومش طايق شكلها كدة
بيتقال في كان جيل ليكود بيتباع في الماركت بتاع الكاوتش الران فلات لو اتخرم ايه الكان ده وبيتجاب منين واستعماله ازاي
فاضلي شوية عالتيل والمساعدين
اجيب تيل ايه ومنين وبكام نضيف اصلي
واجيب مساعدين ببطاحات ايه وبكام
البيض والبارات منين وبكام

معلش عالاسئلة الكتير ساعدونا احنا ياما ساعدنا الناس :-)
اخر حاجة تعاطفك لوحده مو كفاية اتبرع ولو بجنيه :-)

كان مالها التويوتا :-)
بس بصراحة مع بي ام بتحس انك ملكت الطريق

[novo]

السلام عليكم يا شعب البافرايا
الحمد لله جبت 316-2007
طبعا مانيوال عشان انا عاشق للمانيوال بغباء وبحب احس العربية تحت رجلي واحس موتورها
المهم عندي شوية اسئلة
لمبة الصيانة لما اشتريت وكانت عاملة 67 الف كم كانت بتقولي فاضلك 9 الاف
دلوقتي بعد ما مشيت 3 الاف بتقولي فاضلك 8 الاف
هي بتكون تقريبا ولا ايه
ودي لمبة صيانة ايه بالظبط
انا غيرت زيت الفتيس عشان كان فيه عض بسيطة وراحت بعد تغيير الزيت
وشكرا شريف ياسر اللي صدعته لغاية ماعرفنا نوع الزيت وانا حطيت فالفولين وممتاز معايا

انا اشتريت زيت موتور كاسترول 5-40 5 ليتر هل ده كويس ولا لاء ليها
ولا فالفولين 5-30 افضل ؟
واقعدة فيها قد ايه عشان عارف مواتيرها حامية انا في تويوتا كنت بقعدة 15 الف مستريح او اكتر
والفلتر الاصلي اجيبة منين وبكام
عايز اغير زيت الباور وزيت الفرامل عشان اكون مطمئن
اغيرهم ايه وفين
البوجيهات سحب واستهلاك البنزين كويس والحمد لله كدة انا مش هاغيرها بس انا مش عارف صاحبها غيرها امتي
انا معرفش اي حاجة عن هيتوري العربية غير اللي كشفت عليه وشفته بعيني
غير كدة ماشوفتش صاحبها عشان المعرض كان رخم شوية

عايز اغير كاوتش وانا جنط 16 وهيا فيها كونتينتال
اغير ب بريجدستون ران فلات ولا ادرينالين
ولا اغير كونتينتال برضه
ران فلات ولا عادي
العربية جاي مفيهاش عدة اجيب شنطة العدة منين وبكام

عايز جنوط بتاعتها ال 16 الاسبور عشان هي جنط عادي ومش طايق شكلها كدة
بيتقال في كان جيل ليكود بيتباع في الماركت بتاع الكاوتش الران فلات لو اتخرم ايه الكان ده وبيتجاب منين واستعماله ازاي
فاضلي شوية عالتيل والمساعدين
اجيب تيل ايه ومنين وبكام نضيف اصلي
واجيب مساعدين ببطاحات ايه وبكام
البيض والبارات منين وبكام

معلش عالاسئلة الكتير ساعدونا احنا ياما ساعدنا الناس :-)
اخر حاجة تعاطفك لوحده مو كفاية اتبرع ولو بجنيه :-)

كان مالها التويوتا :-)
بس بصراحة مع بي ام بتحس انك ملكت الطريق

كاسترول تغيره كل 15000ألف عادي و هو و عن تجربة ممتاز بس لازم تجيبة من موزع معتمد
ممكن كاسترول المعادي و هتلاقى عندهم فلاتر بي ام الأصلية و بأسعار ممتازة
الزيت هتحط dot 5.1 و العربية مفيهاش عده لأنها رن فلات
تصليح الخروم أنا بصلح عند أي حد بتاع كاوتش ( المهم اني أثق فيه) و مفيش مشاكل بس fit and fix بيصلحوا عادي و الخرم ب20جم
جنوط الأسبور هتكلم الراجل ده و اسمه أحمد 01003778293 و عنده الجنوط الاصلية بتاعت ال320 استيراد و أسعاره ممتازة و هو يعرفني و يعرف شريف كويس
موقع ليكوي مولي هيوضحلك اللزوجة المطلوبة لزيت الباور و الكمية و برضه الفرامل

[Karim_Monir]

الزيت جبته من بنزينة طاقة وكيل كاسترول مصر
طب ايه الكان الجيل الليكود ده اللي بيتحط في البلف لما تتخرم ؟

احمد ده في الحرفيين ولا فين
انا سمعت كمان عن زهير كويس ولا فاكس

[sheko_2000eg]

اولاً : الف مبرووووووووووووووك يا كيمو و ربنا يكفييك شرها .

لمبة الصيانة لما اشتريت وكانت عاملة 67 الف كم كانت بتقولي فاضلك 9 الاف
دلوقتي بعد ما مشيت 3 الاف بتقولي فاضلك 8 الاف
هي بتكون تقريبا ولا ايه
اللمبة اديتك معاد بناءاً علي استحدام المالك السابق
(الكنترول بيسجل كل حركة - كل دوسة فرامل - كل دوسة بنزين في الحرق - كل تسقيط نقلة في الغيار ) و بناءاً علي التسجيلات ديه بيقدر يحدد مدة قطعة الغيار .
و طبعا لما انت ركبت العربية بسواقة هدية شوية فالمعدل اقل .
المهم / انت تروح عند الشيح طارق الكيلو 4.5 تحط العربية علي الكمبيوتر و طلع قطع الغيار اللي عايزة تتغير و تغيره و يعملك ريسيت للصيانة.

ودي لمبة صيانة ايه بالظبط
انا غيرت زيت الفتيس عشان كان فيه عض بسيطة وراحت بعد تغيير الزيت
وشكرا شريف ياسر اللي صدعته لغاية ماعرفنا نوع الزيت وانا حطيت فالفولين وممتاز معايا
عيب عليك انا تحت امرك و الله - احنا احوات يا كيمو

انا اشتريت زيت موتور كاسترول 5-40 5 ليتر هل ده كويس ولا لاء ليها
كاسترول كويس جدا لكن صدقني افصل زيت للبي ام هو ليكوي مولي و اعمل حسابك بعد ال 100 الف لازم تحط زيت 20/50 او 15/40
ولا فالفولين 5-30 افضل ؟
واقعدة فيها قد ايه عشان عارف مواتيرها حامية انا في تويوتا كنت بقعدة 15 الف مستريح او اكتر
الزيت لو 5000 لازم يتغير عند 5000 ك مفيش تهريج في الموضوع ده .
والفلتر الاصلي اجيبة منين وبكام
اغلب قطه الغيار هتلافيها عند عمرو اول محل علي الشمال بعد البنزينة في شارع دمشق - مصر الجديدة.

عايز اغير زيت الباور وزيت الفرامل عشان اكون مطمئن
اغيرهم ايه وفين
في مركز تغير زيت ورا قسم تان مدينة نصر الحي السادس
و حط زيت ليكوي مولي او شيل.

البوجيهات سحب واستهلاك البنزين كويس والحمد لله كدة انا مش هاغيرها بس انا مش عارف صاحبها غيرها امتي
مش مهم هو غيرهم امته انت غيرهم و انت عند الشيح طارق و سجل انت غيرتهم امته.



عايز اغير كاوتش وانا جنط 16 وهيا فيها كونتينتال
اغير ب بريجدستون ران فلات ولا ادرينالين
ولا اغير كونتينتال برضه
ران فلات ولا عادي
ركب كونتينتال عادي بلاش الرن فلات عشان مش نافع في مصر.

العربية جاي مفيهاش عدة اجيب شنطة العدة منين وبكام.
عدتها الاصلي في شارع دمشق بردو .

عايز جنوط بتاعتها ال 16 الاسبور عشان هي جنط عادي ومش طايق شكلها كدة
الحرفين ملايانه و اكيد هتلاقي عند ميدو برفورمنس الجنوط الاسبور الاصلي بتعتها .


فاضلي شوية عالتيل والمساعدين
اجيب تيل ايه ومنين وبكام نضيف اصلي
واجيب مساعدين ببطاحات ايه وبكام
البيض والبارات منين وبكام
شارع دمشق او التوفيقة او التوكيل و ربنا معاك.

معلش عالاسئلة الكتير ساعدونا احنا ياما ساعدنا الناس :-)
اخر حاجة تعاطفك لوحده مو كفاية اتبرع ولو بجنيه :-)
لما اشوفك هزبطك ب 5 جنيه يعم و لا يهمك هههههههههه

كان مالها التويوتا :-)
بس بصراحة مع بي ام بتحس انك ملكت الطريق
احساس يستحق التضحية .

[تامر.محمد]

ألف مبروك يا كريم :))

[Land_Cruiser]

ألف مبروك و عقبال الفئه السابعه ان شاء الله

[kariemelsayed]

مبروك عليك الاول بس هوا في معارض بتبيع مستعمل و اشتريت منين و شكرا

[novo]

الزيت جبته من بنزينة طاقة وكيل كاسترول مصر
طب ايه الكان الجيل الليكود ده اللي بيتحط في البلف لما تتخرم ؟

احمد ده في الحرفيين ولا فين
انا سمعت كمان عن زهير كويس ولا فاكس

معرفش ايه الجل ده الصراحة

أحمد فى الهرم (و شريف ممكن يكلمهولك و تضبط السعر) و زهير كويس و الراجل اللى اديتك الكارت بتاعه ممتاز برضه (طارق عبد الموجود)
الصيانة ممكن تعملها عند سيد سعيد ممتاز و هو صديق أحمد قدورة بالمناسبة
بالنسبة للزيت فcastrol هو الزيت المعتمد من بي ام و أهم مميزاته قلة البخر

مبروك

[Karim_Monir]

الله يبارك فيكم
شريف شكرا جزيلا هاصدعك تاني
سيد سعيد حطيتها عالجهاز عنده اطفي لمبات الايرباج لما فتحت لما فكيت الكراسي :-(
الواد ابنه برضه سريع وفاهم ولاقط الشغل كويس من ابوة واحسن وفاهم عفشة حلو
وعرفتة عالمنتدي عشان يظبط الناس لما تجيله
كتير قلقوني من اغيير البوجيهات برة لانها روح العربية وبتكون مرطبة وقالولي ادفع كتير شوية وغيرها في التوكيل دي بالذات غير اي حاجة
صحيح اي كاتينة سير ولا جنزير

ياسر ليه احطلها زيتتقيل كدة بعد ال 100 مش كدة يخنق الموتور ؟؟؟

[Kareem.ElAraby]

يباركلك فيها و يكفيك شرها و شر العين

متابع

[horas3000]

الف مبروك يا كريم باسا
و ربنا يحفظها لك

و بالنسبه للزيت
اي نوع مكتوب عليه انه مطابق ل bmw ll-04
يبقي موافق عليه من بي ام دبليو
و عموما اغلب العربيات البي ام بينصح لها بزيت 5w-30

[zegna]

هيا طاسات ولا اية؟؟وجبتها بكام؟

[نينو]

الف مبروك يا كريم انا كنت محتاس زيك كدة و مازلت برضو لاني مغير من اوبترا و جبت e46 بس الناس هنا بجد محترمة اوي انا بشكرك و الله العظيم انك عملت منتدي زي ده عندك نوفا و شيكو ناس محترمة جدا و بيحبو يساعدة الناس والاستاذ شريف انا مصدعة معايا بجد و انسان في قمة الاحترام انا روحت عند الشيخ طارق غيرلي زيت بس هو حطلي شيل اصفر انا قولتلو عاوز كاسترول قالي معنديش و خد مصنعية 100 جنيه علي تغير زيت و فلتر و فلتر تكييف و فلتر هواء و البضاعة من عندو خد كلو 600 جنيه و انا بيني و بينك مش مستربح لشيل الاصفر ده خالص للموتور انا انشاء الله هكلم شريف و هسالو علي شوية حاجات عاوز اجيبها لان هو مرجع للبي ام هو و نوفو لتاني مرة بقولك الف مبروك و ربنا يباركلك فيها و يستر طريقك و شكرا يا شيكو و يا نوفو
اخوكم مينا

[titos_81]

الف مبروك يا باشا على العربيه و يكفيك شرها و يديك خيرها ان شاء الله و العربيه كاتينه صلب مش سير يا باشا و موضوع البوجيهات المرطبه دى افتكاس مصرى بحت لما بيركبوا بوجيهات مش بتاعت العربيه و متظبتش معاهم انا ححاول اجبلك نوع البوجيهات بتاعتها و ارقامها فى اقرب وقت

[egyptiandiver]

مبروك عليك