سؤال عن فتيس البي ام 2013

[topstar]

ازيكم يارب الكل يكون بخير...

كان عندي كام سؤال محيرني..

1- انا لحظت ام معظم البي ام اكتر حاجه بتبوظ فيها الفتيس وناس كتير بتشتكي من الموضوع غير المرسيدس نادر اوي لما حد يقول الفتيس او العربيه فيها عيب..وسمعت من ناس شغاله في البي ام ان الباور بتاع الماتور اعلي من بور الفتيس ودي كانت المشكله اللي بتبوظ الفتيس..هل ليها حل في 2013 ولا زي ما هي ؟
2-يا تري حد شاف الــ 318i 2013 الجديده وجربها او عارف امكانيتها ايه بس مش مجرد كلام من النت لاني لفيت كتير علي النت ودورت..

3- الــ 328i الجديده ايه رايكم فيهم انا شفتها في مصر بس عجبني شكلها والاستايل بتاعها حد يعرف ايه نظامها كأنوع من انواع البي ام بما ان في اشكال وانواع كتير في البي ام

معلش انا طولت عليكم بس انا هشتري بي ام وخايف اوي من حوار الفتيس اللي بيبوظ بسرعه مع ان العربيه غاليه ... وبفكر اشتري مرسيدس c180 خوفا من البي ام

اسف مره تاني لو كنت طولت عليكم

[fahd_628]

لأ المشكلة الوحيدة هى فى فتيس ال e46 من 99 ل 2000

غير كدة مسمعتش عن اى مشاكل

[topstar]

يارب زي ما بتقول عشان انا مش عايز اجيب عربيه وفي الاخر الاقي الفتيس ادخل في متاهه تانيه خالص

[Batman372]

بعد التحيه ،

- انا كان معايا 4 بى-ام مختلفين من 2001 حتى 2009 بدون اى مشاكل من اى نوع ... فلا تقلق لان لو اى بى-ام من الزيرو و صياناتها دوريه فى مواعيدها و قطع غيار اصليه لا تسبب اى مشكله لصاحبها ...
- غير كده كأى عربيه قديمه و كم كتير و اى حد بيشتغل فيها و هكذا ... يعنى متبهدله متبأش بى-ام و اكيد مشاكلها كتيره ...
- مو 2013 بها فتيس 8 سرعات جديد بالكامل و حتى اليوم لم اقرأ ان به مشاكل ... و غالبا مش حيكون لان الناس دى مش بتنزل اى جديد الا لما يتم عليه اختبارات قاسيه فى كل ظروف التشغيل ...
- حضرتك متألقش من ايه حاجه لانك حتشترى زيرو و عندك ضمان سنتان غير بعد كده حاجه اسمها good will حتى سنتان زياده بالنسبه للقطع التى من المفترض انها تحت الاستعمال الطبيعى تعيش عمر العربيه life time مثل الموتورو الجير بوكس و خلافه .......
تحياتى ...

[heero_49]

الفتيس الجديد وهمى وهو كان فتيس الفئة الخمسة ونازل 8 سرعات و ال8 بيبدء معاك على 200 والعربية كلها ممتازة بس مفيش 318 من الشكل الجديد النازل منها حاليا 320 و328 و330

[topstar]

انا بشكركم بجد... وانا عامه روحت بافاريا انهارده وده صحيح مفيش غير 320 الشكل الجديد ده اول موديل ولاقيت الهاين لاين بــ 375 .. والعاديه فاتحه سقف برضو وفيها شويه امكانيات وشاشه وكله برضو بــ 345 بس طبعا بختلاف الفرش والنواكل اللي جوه وبره العربيه بس بصراحه تحفه ....

بس سؤال لــ Batman

انا سمعت ليك ضمان لحد 50 الف كيلو او علي ما اعتقد 70 الف كيلو مش سنتين
وسؤال المفروض بما انك ركيب بي ام تتوقع حسابي في الشهر او كل سيرفيس للعربيه تتوقع اعمل حسابي في حدود كام؟؟؟؟؟

[Kareem.ElAraby]

متابع

[Batman372]

انا بشكركم بجد... وانا عامه روحت بافاريا انهارده وده صحيح مفيش غير 320 الشكل الجديد ده اول موديل ولاقيت الهاين لاين بــ 375 .. والعاديه فاتحه سقف برضو وفيها شويه امكانيات وشاشه وكله برضو بــ 345 بس طبعا بختلاف الفرش والنواكل اللي جوه وبره العربيه بس بصراحه تحفه ....

بس سؤال لــ Batman
انا سمعت ليك ضمان لحد 50 الف كيلو او علي ما اعتقد 70 الف كيلو مش سنتين
وسؤال المفروض بما انك ركيب بي ام تتوقع حسابي في الشهر او كل سيرفيس للعربيه تتوقع اعمل حسابي في حدود كام ؟؟؟؟؟

- لو حضرتك بتتكلم على الضمان العادى فهو سنتان بدون حد اقصى للكم شامل كل العربيه .
- لو بتتكلم على نظام النيه الحسنه good will بعد انتهاء الضمان الطبيعى فهى مسأله ترجع لرأى بى-ام المانيا لان الوكيل (البافاريه) بيبعت الحاله بالتفصيل و يتم الرد من المانيا حسب كل حاله - فى حالتى انا كانت 523/e60 مو 2006 و عند اقتراب انتهاء الضمان كنت بحس بهزه خفيفه فى الجيربوكس لما اجيب المارشدير r مباشره من ال d بالمرور السريع جدا على ال n .... فقالوا ان ده طبيعى نظرا لعكس كل التروس مره واحده ... و لكنى اصريت على ارسال الحاله لالمانيا فكان الرد اعطائى good will بضمان اضافى لمده سنتين اخرى على الجيربوكس ... و حاله اخرى لصديق لى انه بعد انتهاء الضمان ب 4 شهور تم تغيير له طرمبه الميه بلا اى مقابل تحت نظام النيه الحسنه ...
- بما انك شارى بى-ام زيرو ... سيرفيس الزيت + فلتر كل 12/15 الاف كم او سنه ايهما اقرب حوالى 750 جم ... و انساها حتى 40 الف كم بعد كده فقط تيول اماميه .... و تغيير زيت فرامل كل سنتين بحوالى 350 جم ...
- الخلاصه لا تستمع لاى كلام و اطمئن جدا لانك حتركب احلى عربيه و افضل خدمه سيرفس بعد البيع بالتواصل مع بى-ام المانيا ...
تحياتى ...

[topstar]

شكرا ليك يا باشا بجد ومعلش انا تعبت معايا ومعلومات صحيحه لاني سألت في التوكيل بس كنت عايز يكون التأمين عندهم لاقيته بيقولي 15 الف جنيه في السنه وبتقل شويه شويه مع كل سنه بس لسه مش عارف بس بيكون تأمين شامل بدل وجع القلب في شركات التأمين

[heero_49]

شكرا ليك يا باشا بجد ومعلش انا تعبت معايا ومعلومات صحيحه لاني سألت في التوكيل بس كنت عايز يكون التأمين عندهم لاقيته بيقولي 15 الف جنيه في السنه وبتقل شويه شويه مع كل سنه بس لسه مش عارف بس بيكون تأمين شامل بدل وجع القلب في شركات التأمين

ده بيكون تامين شامل على العربية وبيكون تعاملك مع البافرية ملكش دعوة بشركات التامين والمحاضر والكلام المتعب ده

[topstar]

اه ما ده اللي انا عرفته تأمين شامل

[Batman372]

اه ما ده اللي انا عرفته تأمين شامل

- خد بالك من نقطه التامين دى و اسأل و اتأكد كويس لان التعامل مع البافاريه مباشره بدون الرجوع لشركه التامين او عمل اى محاضر يكون الضرر و التلفيات حتى مبلغ معين مثل 10 الاف جم ... اكتر من كده يجب عمل محضر و التعامل مع شركه التامين كالمعتاد ...

- بالنسبه ل 15 الف جم تامين على 365 الف جم كتير اوى ... لان فى مرسيدس مثلا فهما متعاقدين مع شركه التامين aig ... و كنت مأمن اول سنه على c200 و هى زيرو ب فقط 9700 جم شامل 100% قيمه العربيه و كانت وقتها زيرو ب 388 الف جم و يقل مبلغ التأمين بعد ذلك 10/15% سنويا .... و لكن كما وضحت يتم التعامل مع التوكيل فقط بدون الرجوع لشركه التامين او عمل اى محاضر عندما يكون الضرر و التلفيات حتى مبلغ 10 الاف جم ... اكتر من كده يجب عمل محضر فى قسم الشرطه و التعامل مع شركه التامين عن طريق التوكيل ...

تحياتى ...

[topstar]

اوكي يا باشا وهقولك قبلها بس بعيد العيد ان شاء الله :) ادعولي بس تتم علي خير

[احمد فهمى]

موضوع متور اقوى من فتيس ده مش صح طبعاً دى بي ام كل حاجه محسوبه بدقه انت لا تتخيلها وانا مشفتش عربيات بتغير فتايس غير فى حوادث وموديل ١٩٩٩ ل٢٠٠٠ واتعدل غير كده انسى طبعاً ولو هتأمن امن عندهم افضل الف مره غير كده بى ام حافظ عليها وعلى صياناتك تعيش العمر وفعلاً موضوع النيه الحسنه حصل مع ناس كتير واحد صاحبى عربيتو ٢٠٠٨ عامله ١٠ الاف كيلو فقط كان راكنها فى الجراج اكتر من ٣ سنين كان بيسخنها من وقت للتانى وفجأه قطعت اتضح انو كنترول قطع وبعتو لبى ام بره عشان العيب غريب مع ان العربيه خرجت من الضمان بسنين بس عامله ١٠ الاف فغيرولو الكنترول ببلاش وادولو ضمان سنتين عليه مع ان العيب سببو عدم تحريك العربيه وده يعتبر عيب من المستخدم بس حاجه محدش يعرفها نهائى ان مينفعش تدور عربيه نص ساعه كل اسبوع او كل اسبوعين من غير ما تتحرك بيها لازم شحن البطاريه والكهربا داخل العربيه تاخد دورتها الكامله وطبعاً بي ام افضل من مرسيدس واشترى الفئه الاعلى مش مبلغ والكماليات اكتر من المتخيل مقارنه بالرقم الفرق كفلوس من خامات وخلافو وبالتوفيق

[Amr_Moh]

لأ المشكلة الوحيدة هى فى فتيس ال e46 من 99 ل 2000

غير كدة مسمعتش عن اى مشاكل

عندي صديق معاه ٢٠٠٢ . من كام يوم بطلت تجيب مرشدير .. كزا حد شخصها محتاجه ڤلڤ بدي . يعنى محتاج فتيس كامل لئن محدش حيرضي يفكه من فتيس سليم .

حد عنده اقتراحات ؟
e46