صيانة 316i - 21000 - في التوكيل

[Grendizer]

السلام عليكم
حبيت أشاركم أول تجربة ليه في توكيل BMW فرع القطامية
العربية : 316i خليجي
تم تسليم العربية الساعة 10 صباحاً وكلموني الساعة 1 بعد الظهر قالولي العربية خلصت
وعلى فكرة دي أول صيانة تتعمل للعربية من ساعة ما اشترتها !! (أنا المالك الأول)

المهم تم تغيير التالي :
- زيت
- فلتر زيت
- فلتر هواء
- فلتر تكييف

التكلفة 1450 جنيه !!
هل كده كويس ولا السعر مبالغ فيه؟

وقالولي أن العربية محتاجة لتيل فرامل أمامي ب 1200 جنيه بس ماوافقتش وحسيت انه نصب

تحياتي

[fahd_628]

اول غيار زيت على 21 الف !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

[zangry]

غريبة موضوع الزيت ده !! كتير جدا 21 الف والمفروض ان التيل بيقعد اكتر من كده الا لو حضرتك بتجري على سرعات عالية وتفرمل

[Grendizer]

وهو ده اللي سألني عليه المهندس هناك وكان مستغرب جداً جدا !!!
الحكاية إن العربية كانت بدبي والتوكيل هناك قالي ماتجيش تعمل صيانة غير لما يطلعلك سيرفيس!!
يعني العربية فيها كومبيوتر ذكي بيفضل يغير مواعيد الصيانة على حسب سواقتك وإستعمالك!!! وده اللي أنا مشيت عليه

لما قولت الكلام ده للمهندس هنا قالي ده كلام فاضي ولازم كنت تغير الزيت بعد ال 10000 وكل 10000 بعد كده
طيب أعمل آيه كومبيوتر العربية ماطلعش أي رسائل سيرفيس تماماً الا دلوقتي !!

طيب دلوقتي مين الصح هنا ولا دبي؟؟؟؟
ملاحظة : مهندس الصيانة بدبي كان إنجليزي واللي هنا أكيد مصري :)
شكراً

[Grendizer]

والمفروض ان التيل بيقعد اكتر من كده الا لو حضرتك بتجري على سرعات عالية وتفرمل

أنا قولت كده برضو
بس يمكن عندك حق أنا كنت بجري بيها فعلاً في دبي (انت عارف الطرق هناك حرير x حرير) وكانت مغرية أوي للجري
يمكن ده السبب .....

[maskeen]

انا لا اثق فى توكيل بى ام فى مصر مطلقا

وبالفعل الزيت ممكن يقعد عادى لحد 21 الف...المهم فى اى زيت هو عدد دورات البروده والتسخين..مش الكيلومترات

[Amr_Moh]

السلام عليكم

المهم تم تغيير التالي :
- زيت
- فلتر زيت
- فلتر هواء
- فلتر تكييف

التكلفة 1450 جنيه !!
هل كده كويس ولا السعر مبالغ فيه؟

اعتقد معقول. بس ممكن توضح سعر كل بند فالفاتورة علي حدي

[sheko_2000eg]

مش مطمن للكلام علي فكرة

[Grendizer]

اعتقد معقول. بس ممكن توضح سعر كل بند فالفاتورة علي حدي

الزيت (شيل) : 350
فلتر الزيت :65
فاتورة تغيير الزيت بعد المصنعيات والضريبة = 550

فلتر هواء : 150
فلتر التكيف : 340
تغيير زيت فرامل = 127
فاتورة الهواء والتكيف + باقي الصيانة من تركيب وخلافة بعد المصنعيات والضريبة = 899

تحياتي

[Grendizer]

مش مطمن للكلام علي فكرة

من أي ناحية بالظبط؟

[Batman372]

وهو ده اللي سألني عليه المهندس هناك وكان مستغرب جداً جدا !!!
الحكاية إن العربية كانت بدبي والتوكيل هناك قالي ماتجيش تعمل صيانة غير لما يطلعلك سيرفيس!!
يعني العربية فيها كومبيوتر ذكي بيفضل يغير مواعيد الصيانة على حسب سواقتك وإستعمالك!!! وده اللي أنا مشيت عليه

لما قولت الكلام ده للمهندس هنا قالي ده كلام فاضي ولازم كنت تغير الزيت بعد ال 10000 وكل 10000 بعد كده
طيب أعمل آيه كومبيوتر العربية ماطلعش أي رسائل سيرفيس تماماً الا دلوقتي !!

طيب دلوقتي مين الصح هنا ولا دبي؟؟؟؟
ملاحظة : مهندس الصيانة بدبي كان إنجليزي واللي هنا أكيد مصري :)
شكراً

بعد التحيه ،
التفسير ببساطه ان سرفيس الزيت طلع لك عند 21 الف لان البرمجه من دبى كانت كده ... و ده الى بيحصل فى المانيا ايضا ... نوعيه الزيوت هناك تستحمل حتى 25 الف كم ...
اما فى توكيل مصر فيتم البرمجه كل 12 الف كم ... يعنى السيرفيس القادم للزيت لك حيظهر بعد 12 الف كم ...
بخصوص التيل وارد جدا انه يحتاج التغيير عند 20 الف لانك بتجرى جامد و بالتالى تحتاج لفرمله قويه لتوقيف العربيه و ده بياكل التيل اكتر من الطبيعى ...و ده الى حصل فعلا معايا بالظبط فى c200 مو 2009 لانى ايضا بجرى جامد و كنت مستغرب لكن عند تغييره لقيت فعلا فيه فارق كبير بين سمك المستعمل و الجديد ... لذلك انصحك بتغييره ... لانك كده حتخرب الطنابير و هى ب 5 الاف !!!
تحياتى ...

[Grendizer]

بعد التحيه ،
التفسير ببساطه ان سرفيس الزيت طلع لك عند 21 الف لان البرمجه من دبى كانت كده ... و ده الى بيحصل فى المانيا ايضا ... نوعيه الزيوت هناك تستحمل حتى 25 الف كم ...
اما فى توكيل مصر فيتم البرمجه كل 12 الف كم ... يعنى السيرفيس القادم للزيت لك حيظهر بعد 12 الف كم ...
بخصوص التيل وارد جدا انه يحتاج التغيير عند 20 الف لانك بتجرى جامد و بالتالى تحتاج لفرمله قويه لتوقيف العربيه و ده بياكل التيل اكتر من الطبيعى ...و ده الى حصل فعلا معايا بالظبط فى c200 مو 2009 لانى ايضا بجرى جامد و كنت مستغرب لكن عند تغييره لقيت فعلا فيه فارق كبير بين سمك المستعمل و الجديد ... لذلك انصحك بتغييره ... لانك كده حتخرب الطنابير و هى ب 5 الاف !!!
تحياتى ...

شكراً جداً للإفادة والنصح :)
حروح طبعاً أغير التيل في أقرب فرصة بإذن الله

تحياتي

[Amr_Moh]

Dear batman
is ....l manufacturing oils for Egypt different than UAE ?
شل التري اكيد مواصفاته سثابته
كمثال

[ahmedsadek82]

زي ما batman قال , برمجة معاد تغيير الزيت بتختلف من منطقة لأخرى , لكن بعد ما غيروه في مصر حتلاقي العداد بيعد من 12000 كيلو مش 21000 , على فكره التوكيل بتاع بي ام في مصر احسن توكيل في مصر و فاهمين كويس , على فكره التيل بيبانلك على الشاشة فاضل عليه كام كيلو (امامي و خلفي)

[Ahmed Selim]

بعد التحيه ،
التفسير ببساطه ان سرفيس الزيت طلع لك عند 21 الف لان البرمجه من دبى كانت كده ... و ده الى بيحصل فى المانيا ايضا ... نوعيه الزيوت هناك تستحمل حتى 25 الف كم ...
اما فى توكيل مصر فيتم البرمجه كل 12 الف كم ... يعنى السيرفيس القادم للزيت لك حيظهر بعد 12 الف كم ...

صح الكلام ده..........فيه عربيات كتير هنا مواعيد صياناتها مختلفة عن مصر.