داينفين سيستم dynavin

[Karim_Monir]

السلام عليكم يا شعب البافاريان
حد يعرف حاجة عن الداينفين ؟؟؟
dynavin

لقيتة من افضل الماركات للعربية ومقر الشركة الاصلي في المانيا مش صيني ولا تايواني
اهم ما فيه ولفت نظري انه بيقرا كمبيوتر العربية بالكامل OBC غير اي DVD تاني اخره دفيدي وجي بي اس وخلاص

حد يعرف معلومات عنه وعن كفائتة خاصة انه بقي بينزل منه اندرويد بس ممنوع من نزول مصر على حسب كلام الوكل بتاعه شركة الندي اللي كانت واخدة توكيل موتيفو عندنا زمان لو تفتكروها
هو بيتباع في المحلات والتوكيلات ب 6000 اللي من غير اندرويد

على امازون الاندرويد ب 900 دولار Amazon.com: BMW E90/91/92/93 06-11 In Dash Touch Screen Android Dynavin D99 GPS Navigation Radio: Electronics
واكيد في بياعين ارخص انا بس بصيت بصة سريعة

حتي جربه او يعرف عنه حاجة ؟؟

[farahat]

Dynavin شركة صيني لكن بتبيع المنتجات بتاعتها في دول أوروبا وأمريكا عن طريق موزعين كبار من فترة طويلة ، وإلي نجاحها في الدول دي إن سعر المنتج رخيص هناك مقارنة بالمنتجات التانية البروفشينال ، وفي نفس الوقت هما بيطوروا المنتج كل شوية وبالتالي القليطي مقبولة إلى حد كبير .
بالنسبة للجهاز بتاع ال-E90 كان فيه مشاكل أول ما نزل من حوالي سنتين تلاتة ، لكن حصل فيه تعديلات كتير وأعتقد مفيش شكاوي منه دلوقتي ، بس برضه خلي في حسابك انك بتجيب منتج صيني لكن نضيف شوية .

[Karim_Monir]

اوبا
طلع صيني هو كمان ؟؟؟؟
اصلي شايفهم في السايت متصورين في المانيا وكاتبين GmbH
قولت اخيرا بقي حاجة نضيفه
طب هل فعلا بيقرا ال OBC كاملة زي درجة حرارة الزيت والمية والحاجت دي اللي مش بشوفها على كمبيوتر العربية اصلا ؟

[farahat]

اوبا
طلع صيني هو كمان ؟؟؟؟
اصلي شايفهم في السايت متصورين في المانيا وكاتبين GmbH
قولت اخيرا بقي حاجة نضيفه
طب هل فعلا بيقرا ال OBC كاملة زي درجة حرارة الزيت والمية والحاجت دي اللي مش بشوفها على كمبيوتر العربية اصلا ؟

ممكن طبعاً تشوف بيه الحاجات دي ، لكن محتاج يتوصل على ال-OBD Port

[Karim_Monir]

ودي سهلة يا باشمهندس ولا صعبة على الفني ؟؟؟

[farahat]

التوصيل على الفيشة نفسها سهل جداً ، بس ما أعتقدش انها هيكون شكلها ظريف من حيث الشكل العام داخل الصالون (شوف مكان فتحة ال-obd في عربيتك حتفهم قصدي )

[M.Elwan]

هما كاتبين أندرويد فوق بس في التفاصيل طلع ويندوز ce
The radio runs off Windows CE 6.0 allowing you to view word ........s, excel sheets, or power point

بالنسبة لكابل obd فده بيشتغل بلوتوث عن طريق obd wireless transmitter وبينزله سوفتوير من الاندرويد ماركت
Amazon.com: XiTech ELM327 Bluetooth OBDII OBD2 Diagnostic Scanner CAN ELM 327 Scan Tool Check Engine Light Car Code Reader: Automotive

[sheko_2000eg]

التوصيل على الفيشة نفسها سهل جداً ، بس ما أعتقدش انها هيكون شكلها ظريف من حيث الشكل العام داخل الصالون (شوف مكان فتحة ال-obd في عربيتك حتفهم قصدي )

1++++++++++++++

[Karim_Monir]

مممم
يعني غالبا موضوع الداتا ده فاكس :-)

[NaderNabil]

كريم...لو هاتقدم على الخطوة دي...اتأكد 100% ان صوت الجهاز كويس قبل ما تركبه...

انا جبت الموتيفو للأوكتافيا و للأسف صوته ماطلعش أفضل حاجة و الأصلي بتاعها كان صوته أنضف

و من الأخر انا شايف انها صفقة خسرانة...الأجهزة دي أي كلام و مصاريف على الفاضي ...

حاول تشوف النافيجيشن الأصلي بتاعها و هاته من ألمانيا,,,جرب كده www.ebay.de ممكن تلاقي عليه

[TheUnknown]

كريم اقرأ الreviews هنا على ال Dynavin D99 :

My rather lengthy Dynavin D99 E9X Android review - BMW 3-Series (E90 E92) Forum - E90Post.com

Dynavin info......D99 (new for 2012) - E46Fanatics

[Karim_Monir]

نادر معنديش اي درايف عشان كدة مش هاعرف اركب الاصلي والداينفين احسن حل
مالهاش موتيفو اا كان معايا ديفيدي اصلي في الكرولا نضيف قوي كان ماركتة اوساكا بدون نافيجيتور
شيلتة عشان اجيب موتيفو ب نافيجتور
وفعلا كان في فرق في الصوت موتيفو اقل بس بقية الامكانيات حلوة ومكاش فارق قوي معايا عشان كان جي ام

وبالنسبة للداينفين انا خلاص مابقتش اسمع اغاني وصوت زي زمان بقيت بصدع ومقضيها تليفونات بس محتاج بقية امكانياته


عمر دي تجربة سيئة جدا :-(

[نينو]

عملت ايه يا كريم مع عمرو عبد الوهاب طمني
اخوك مينا

[Karim_Monir]

لسه يا مينا معملتش حاجة
اصله عنده الداينفين العادي وانا عايز اللي باندوريد بصراحة

[bebon]

انا بقالي فتره مسحول في الحوار ده .. عايز اشتري الاندرويد و شفتوا مع واحد صاحبي ... و هاجيبو ان شاء الله في ال 46 بتعتي ..... معظم الناس بتشكر فيه بس انا مستنيه يرخص كمان شويه عن 850 دولار