اظبت التابلوه عند مين؟

[dr_omzy]

السلام عليكم ازيكم يا رجالة عندي مشكلة في الدرج بتاع التابلوه بتاع e36 مش عارف هو محتاج رجلاش ولا ده بسبب كسر عموما مين ممكن يعملو هنا في القاهرة؟ وعندي سؤال تاني سلك البوجيه رقم 4 مقطوع ممكن اجيبو استيراد لوحده وبكام ولا لازم طقم كامل وبكام برضه وهل ينفع اركب سلك عربية تانيه بي ام برضه او اي نوع تاني يكون نفس المقاس والشكل؟؟؟؟؟ وشكرا جزيلا

[karimjackmoham]

اولا الدرج ... اى سروجى يبصلك عليه لو فيه كسر ولا حاجه ممكن تجيبه استيراد بس معرفش سعره
ثانيا .... سلوك البوجيهات ممكن تجيب واحد بس لو عايز مش لاوم تجيب طقم ... هو ب 50 جنيه ... اما بقى انك تركب سلوك عربيه بى ام تانيه ... ممكن عادة بتكون المواتير زى بعض الاطوال بتاعت الاسلاك زى بعض الموبينه متشابهه .... فعادى

[dr_omzy]

thanx 3la radk w ehtmamak bas ana kont sa2alt 3la al selk 2aloly al wa7ed b 150 geneh esterad !!!!!!

[karimjackmoham]

لااا كتيراوى .... احنا هنا فى الاسكندريه ب 50 جنيه لو عايز ابعتلك فى السوبر جيت و لما اجى القاهره ابقى حاسبنى

[dr_omzy]

متشكر جدا على زوقك انا خلاص جبتو من الحرفيين من واحد اسمو البينا في شارع المرسيدس بس مرضيش خالص باقل من 60 جنيه وهحاول اشوف بقا موضوع التابلوه ده عشان عملي دوشة وصداع