تيجى نعمل عربيه m3 e46 مع بعض........................

[yascro]

الفكره انى عندى عربيه 318 موديل 2002 و حسيت بالملل من ادائها (محدش يستغرب عشان انا بسوق super bick)
و كنت هكتب موضوع انى عايز اغير المساعدين اللى قدام بمساعدين اعتماديتهم عاليه فقلت اخلى الموضوع شامل تعديل كامل للعربيه
و ممكن بدل الام باور نسقط موتور 30
عايزين اى حد عمل التجربه دى او عايز يخوضها يحط افكار
يعنى نجيب سيستم بس و لا نشترى عربيه من بره و نشحنها نصين ؟
منتظر مشاركاتكم وارائكم

[tito29]

صباح الخير يا عمدتنا الغالي

نظرا أني كنت من راكبي البي أم القدامي فياريت تسمح لي بالرد علي حضرتك
أنا حأحكي لحضرتك تجربتي الشخصية مع بي أم 316 كانت بتاعتي و عدلتها بالكامل لتصبح 325 و هي كانت e30 موديل 1990 و الموضوع ده من فترة كبيرة يمكن من أكتر من 6 سنوات

نقطة البداية بتكون سيارة أستيراد (مقطعة بس كاملة) و يتم الأتفاق مع صاحب المحل علي نظام ميكانيكي كامل و بالعفشة و الضفيرة و العدادات و الكردان و الكبالن و كافة كل حاجة سوف أحتاجها
وقتها دفعت 12000 جنيه قطع غيار و مصنعيات أخري كتير موت زي كهربائي و سروجي و عفشجي و بلاوي كتير
المشكلة الحقيقية أللي واجهتني أن السيارة فقدت الأعتمادية يعني أخطاء الصنايعية و أهمالهم الفظيع أدي الي مشاكل بالجملة و أعطال بلا حدود و كرهت العربية لأني مش قادر أعتمد عليها في مشوار واحد
طبعا مع الصبر بدأت المشاكل تقل شوية شوية و بصراحة الأداء كان خرافي و تهون من أجله البهدلة و قلة القيمة
قصدي أنك لازم تبقي عامل حساب الصنايعية و قرفهم
و الأفضل لو أنت لسه ناوي علي المشوار ده أنك تشتري سيارة كاملة نصفين (موجودة ال m3 و كتير كمان) من الحرفيين أو غيرها
و لو عايز حاجة أقل تكلفة و أقل في المشاكل يبقي خليك في ال 328 لأن الموتور ده يمتاز بأعتمادية عالية و قليل المشاكل و قطع غياره متوفرة و طبعا حتحتاج عفشة كاملة ستة سلندر بس عموما حتبقي العملية أسهل بكتير من ال m3 و مشاكلها أقل و فرق الأداء مش مستاهل فرق المشاكل المتوقعة
قصدي أن فرق الأداء ما بين ال 318 حاليا و ال 328 رهيب و بأقل قدر من المشاكل المتوقعة بالأضافة أن التكلفة مش حتكون مخيفة يعني حاجة كده بتاعة عشرين حتي خمسة و عشرين ألف جنيه و ألله أعلم برضه بس أكيد أقل من نصف تكلفة ال m3
و ربنا يقدم ألي فيه الخير لحضرتك و برضه الأعضاء المحترمين علي درجة عالية من الخبرة أكيد حايفيدوا حضرتك

و السلام عليكم.

[seko_66]

اولا مبروك مقدما على التعديل وثانيا خليك فى 2800 افضل فى قطع الغيار والصيانة .

[yascro]

صباح الخير يا عمدتنا الغالي

نظرا أني كنت من راكبي البي أم القدامي فياريت تسمح لي بالرد علي حضرتك
أنا حأحكي لحضرتك تجربتي الشخصية مع بي أم 316 كانت بتاعتي و عدلتها بالكامل لتصبح 325 و هي كانت e30 موديل 1990 و الموضوع ده من فترة كبيرة يمكن من أكتر من 6 سنوات

نقطة البداية بتكون سيارة أستيراد (مقطعة بس كاملة) و يتم الأتفاق مع صاحب المحل علي نظام ميكانيكي كامل و بالعفشة و الضفيرة و العدادات و الكردان و الكبالن و كافة كل حاجة سوف أحتاجها
وقتها دفعت 12000 جنيه قطع غيار و مصنعيات أخري كتير موت زي كهربائي و سروجي و عفشجي و بلاوي كتير
المشكلة الحقيقية أللي واجهتني أن السيارة فقدت الأعتمادية يعني أخطاء الصنايعية و أهمالهم الفظيع أدي الي مشاكل بالجملة و أعطال بلا حدود و كرهت العربية لأني مش قادر أعتمد عليها في مشوار واحد
طبعا مع الصبر بدأت المشاكل تقل شوية شوية و بصراحة الأداء كان خرافي و تهون من أجله البهدلة و قلة القيمة
قصدي أنك لازم تبقي عامل حساب الصنايعية و قرفهم
و الأفضل لو أنت لسه ناوي علي المشوار ده أنك تشتري سيارة كاملة نصفين (موجودة ال m3 و كتير كمان) من الحرفيين أو غيرها
و لو عايز حاجة أقل تكلفة و أقل في المشاكل يبقي خليك في ال 328 لأن الموتور ده يمتاز بأعتمادية عالية و قليل المشاكل و قطع غياره متوفرة و طبعا حتحتاج عفشة كاملة ستة سلندر بس عموما حتبقي العملية أسهل بكتير من ال m3 و مشاكلها أقل و فرق الأداء مش مستاهل فرق المشاكل المتوقعة
قصدي أن فرق الأداء ما بين ال 318 حاليا و ال 328 رهيب و بأقل قدر من المشاكل المتوقعة بالأضافة أن التكلفة مش حتكون مخيفة يعني حاجة كده بتاعة عشرين حتي خمسة و عشرين ألف جنيه و ألله أعلم برضه بس أكيد أقل من نصف تكلفة ال m3
و ربنا يقدم ألي فيه الخير لحضرتك و برضه الأعضاء المحترمين علي درجة عالية من الخبرة أكيد حايفيدوا حضرتك

و السلام عليكم.

شكرا يا تيتو ع الرد و انا فعلا شايف ان سيستم 28 او 30 كفايه

[yascro]

اولا مبروك مقدما على التعديل وثانيا خليك فى 2800 افضل فى قطع الغيار والصيانة .

الله يبارك فيك بس انا قلقان جدا من انى ادخل ف حوار كل يوم عند الصنايعيه بموت من الموضوع ده

[kar!m]

واحد صاحبي لسه عاملها في عربية أخت بتاعتك .. و حسب كلامه ان الموضوع وقف انه تقريبا مدفعش فرق .. عشان باع موتوره و الشكمان و العفشه و كل حاجه.

هو عدلها كلها ل 325.

[yascro]

واحد صاحبي لسه عاملها في عربية أخت بتاعتك .. و حسب كلامه ان الموضوع وقف انه تقريبا مدفعش فرق .. عشان باع موتوره و الشكمان و العفشه و كل حاجه.

هو عدلها كلها ل 325.

استاذنك تجيب لنا من تفاصيل لو تكرمت

[novo]

الفكره انى عندى عربيه 318 موديل 2002 و حسيت بالملل من ادائها (محدش يستغرب عشان انا بسوق super bick)
و كنت هكتب موضوع انى عايز اغير المساعدين اللى قدام بمساعدين اعتماديتهم عاليه فقلت اخلى الموضوع شامل تعديل كامل للعربيه
و ممكن بدل الام باور نسقط موتور 30
عايزين اى حد عمل التجربه دى او عايز يخوضها يحط افكار
يعنى نجيب سيستم بس و لا نشترى عربيه من بره و نشحنها نصين ؟
منتظر مشاركاتكم وارائكم

اشتري عربية كاملة أفضل
ال325 ب 35 ألف كاملة
330 ب40 ألف كاملة

أسعار السستمز ب25 ألف ال325 و ب30 ألف 330

[Karim_Monir]

واستحمل تقف جنبها مش اقل منشهر الى 2 بدون مبالغة
و 4 شهور متابعة

[MohaMed_Refaat]

معلش سؤال برة الموضوع لو نزلت بعربية من الكويت لمصر هل ممكن اسقط موتور فى مصر واقلبها ام وارجع بيها ولا حيبقى فى مشاكل من اى نووووع ؟؟

[naser_56]

اولا مستحيل حد هيجمع نفس تجميع الوكاله وانته عندك البايك وعارف ان كل مسمار وليه عزم ربط معين فما بالك بميكانيكه مصر ؟؟ ده لما بيفك حاجه بسيطه بتلاقيه بيطلعلك مسامير زياده هههههه

وثانيا حتي لو ركبت m3 مش هتديك المتعه ولا التورك بتاع البايك فما بالك بال ٣٠

[inspiron]

شوف ده كده :)

http://www.youtube.com/watch?v=gctsqTAOPYw

BMW e46 V8 M5 - YouTube

[yascro]

شوف ده كده :)

BMW E46 M3/M5 engine 5.0 V8 400 HP - YouTube

BMW e46 V8 M5 - YouTube

كبرت ف دماغى