الشيخ طارق وصيانة دورية واسعاره-تقرير

[Karim_Monir]

السلام عليكم ورحمه الله
روحت زيارة للشيخ طارق اللي في الكيلو 4.5 عشان اعمل شوية حاجات في صيانة دورية
غيرت زيت وفلتر هوا وفلتر زيت وبوجيهات بوش
العربية 1600 2007
الوقت اقل من ساعة
الشغل سريع ونضيف وفاهمين وهو شخصيا امين جدا والصنايعية محترمين
وخليته يكشفلي على العفشة عشان اعرف هاغير ايه قريب
ولقيت عندي تيل وطنابير امامية
ومساعدين وجلب مساعدين
بس لسه عليهم شوية بين 7 و 10 الاف كم

وكان عندي صوت في الدوار الصبح بيعلي صوت العربية شوية
قاللي ده بلية الدينامو الخارجية (السنتريك) زي ما قال
سالت عليها كتير في الحرفيين مالقتهاش قاللي هاجيبهالك قولتلة جديدة والماني قالي طبعا
فعلا جابها جديدة والماني اصلي ب 500 جنيه ورحت ركبتها النهاردة ومستني اشوف النتيجة والعربية باردة الصبح
الخلاصة شخص امين وفاهم لكن يعتمد عليه في الصيانات الدوية اكتر من تشخيص مشاكل وده راي ناس كتير فيه
امين واسعاره حنينة جدا
تغيير البلية خد 50 جنيه
فتر هوا وزيت بفتر وبوجيهات خد 100 جنيه
خدت البوجيهات البوش من عنده ب 250 جنيه
وفلتر الهوا ب 180 جنيه
كله اصلي
دي اسعار كويسه ولا ايه ؟
واجيب مساعدين امامي ايه عشان لسه محتار
بلشتين ولا ساكس ؟؟

[egyptiandiver]

مبروك

[Ahmed Selim]

السلام امانة يا نجم

[MohammedAladel]

هى دى 316 i ؟؟

وألف مبروك تعيش وتصين :)

[Batman372]

الاسعار اكيد كويسه جدا
عايز ارخص من كده كمان :)
تحياتى ...

[maskeen]

بصوا..كلمه لوجه الله
الشيخ طارق امين ومؤدب وكل الصنايعيه عنده محترمين ومالهمش ف اللوع
وهو حافظ للبى ام و عنده ولد طويل كده اسمه احمد شيك متخصص فى التشخيص بالكومبيوتر..ماشى بالاب توب على طول.
لكن..وده عيبه الوحيد والخطير...لو فيه مشكله ومش محددة السبب بشكل واضح..بيقعد يجرب فيك! بيبدأ بالسهل ويفضل يجرب لحد مالمشكله تتحل
لو عندك مشكله غير محدده وشاكك..روح التوكيل يعرفوها ايه وبعدين روحله يصلحها..وكده تبقى خسرت بس كشف التوكيل بس تضمن الحل

[Mo3taz Selim]

كريم بك
ماشاء الله .... نقول مبروك

[احمد عتمان bm]

الف مبروك يا جميل و انشا الله المشكله تكون اتحلت
بس كنت عاوز اعرف فيت الشيخ طارق بالظبت ؟

[h.c.ronaldo]

فين مكانه ده ياباشا

[Amr_Moh]

اسعار التوكيل بدون الضريبة
فلتر هواء 120
فلتر تكيف 295
غيار فلتر زيت 65
بجيهات 4x110
........شل oil qty5 x 70

[Karim_Monir]

الله يبارك فيكم
هو اسعارة رخيصه وفعلا واضح ان معندهمش تشخيص مشكلة جيد
الصوت راح الى حد كبير الصبح
وهاجربها تاني اصلها مش بتبان غير وهي باردة قوي وانا بقالي كام يوم مش بنزل لدور برد شديد

مكانه في الكيلو اربعه ونص تحت كوبري الجيش وانت جاي من السويس علي ايدك اليمين بعد بنزينة شيل في جامع كبير
ادخل يمين بعد الجامع يمين في يمين
بين مدخل المسجد وصيدلية في مدخل صغير بيدخل لمربع هو فيه

عمرو انت منتاكد من سعر فلتر الهواء ؟؟؟
هو ديهولي ب 180 جنيه الاصلي
ازاي التوكيل بيبيعوه ب 120

[Amr_Moh]

عمرو انت منتاكد من سعر فلتر الهواء ؟؟؟
هو ديهولي ب 180 جنيه الاصلي
ازاي التوكيل بيبيعوه ب 120

الأسعار من فاتورة بتاريخ ٢٠/٥/٢٠١٢ بالبارت نمبر لصديق لي كنت معاه بيعمل صيانة ال-٧٠ وخت صورة من الفاتورة عشان أعرف الأسعار
بدون ضريبة

الفاتورة فيها أيضاً السير ب-٣٤٩

[Amr_Moh]

ممكن نأكد الأسعار لو حد من الرجالة هنا عمل صيانة حديثا بعد التاريخ دة

[Karim_Monir]

ده قريب بس ما تزيدش من 120 ل 180 جنيه
محتاج ارجع لبتوع قطع الغيار عشان اعرف برضه سعره كام
عشان لو كدة اشتري انا قطع الغيار وانا رايح

[maskeen]

غالبا ال 120 جنيه دول بتوع فلتر الزيت
لان ماحدش هايغير زيت من غير فلتر
وفلتر الزيت بره ب 70