شباب البى ام .. جاركم من اوبل محتاج خبرتكم.

[MoStAfA-StabS]

السلام عليكم يا رجالة البى ام .... ربنا يديم المحبة و المعروف و يباركلكم جميعا فى سيارتكم ..

انا عندى استفسار بخصوص البى ام لو عاوز عربية حلوه فى حدود 60-65 الف بالكتير تكون مفهاش عيوب كتير زى فتيس و الى اخره ....

بصراحه الموديلات تتوه و انا مش فاهم فيهم ! يا ريت لو فيه تقريير بالاخص على ال 316 و 318

للعلم يفضل ان تكون منيوال انا مش بحب الاوتو ..

و اسعار قطع الغيار شفتها فى الموضوع المثبت بس ايه الفرق بين ال 316 و 318 فى موديل حدود السعر ده

و يا ريت تقولولى كام حصان و بتوصل ل 100 فى اد ايه ... ( العربية اللى حيتم ترشيحها ) شكرا جدا

[icon]

المبلغ ده يجيبلك e36 اللي هي الدبانة .. ودي موديل تسعينات وطبعا هتكون 316 او 318 او 320

[fahd_628]

السعر دة يجيبلك 316 e36 موديل 1991 او 1992

لو مانيوال من 0-100 فى حوالى 13 ثانية

[M.Ayman]

اولا اهلا بيك :) ،،، ثانيا السعر اللي حضرتك بتتكلم فيه يجيبلك دبانه -يعني e36 - موديل العربيه دي يعني ممكن لحد ٩٤ او ٩٥ -كمان في الفتره اللي جايه ممكن الاسعار ترخص في السوق علشان الدعم بتاع البنزين الله يجازيهم بقي - و طبعا الاحسن لو عرفت تجيب موديل ٩٥ مثلا علشان يبقي تكييف touch و abs مثلا بس عموما ال ٣١٦ لو موديل قبل ال ٩٤ هتبقي ١٠٠ حصان و موتورها m40b16 لو ٩٤ لحد ٩٨ هتبقي ١٠٢ حصان و نوتورها m43b16 لو ٣١٨ موديل قبل سنة ٩٤ هيبقي ١١٣ حصان موتورm40b18 لو ٩٤ لحد ٩٨ هيبقي ١١٥ حصان موتور m43b18 دي المواتير الاستوك اللي بتنرل بيها - و اسمها مواتير بيضا - و لو عايز تعرف اكتر عنها ادخل اللينك ده

BMW 3 Series (E36) - Wikipedia, the free encyclopedia

بس غالبا المواتير الاكبر من كده بتبقي مواتير متسقطه دي بتبقي مواتير سودا دي بقي بتبقي احدث و اوفر في استخدام البنزين و دي مواتير من فئه m50 او m52 و ممكن تدخل تعرف عنهم اكتر

BMW M50 - Wikipedia, the free encyclopedia

BMW M52 - Wikipedia, the free encyclopedia

،،،،، علي فكره انا كنت لسه شايف عربيه حلوه قوي ما شاء الله معروضه علي كونتاكت كار من اسكندريه موديل ٩٥ عليها موتور 18is الموتور ال 18is ده ١٤٠ حصان ٤ سلندر و يعتبر مازي للموتور ال ٢٠ (٢٠٠٠ سي سي يعني لو كنت مش فاهم الرقم) الاسود ال ٦ سلندر ،،،، عيبها الوحيد انها اوتوماتيك و انت عايز مانيوال عموما شوفها كده و ربنا يسهل :)

http://www........cars.com/usedcars_...?CarID=1084483

[M.Ayman]

لينك العربيه بيتمسح للاسف ،،، هبعتهولك في رساله

[MoStAfA-StabS]

المبلغ ده يجيبلك e36 اللي هي الدبانة .. ودي موديل تسعينات وطبعا هتكون 316 او 318 او 320

باشا شكرا جدا لرد حضرتك ... بس ايه الفرق بين ال 316 و 318 و 320 ......

[MoStAfA-StabS]

السعر دة يجيبلك 316 e36 موديل 1991 او 1992

لو مانيوال من 0-100 فى حوالى 13 ثانية

شكرا لحضرتك ..

[MoStAfA-StabS]

اولا اهلا بيك :) ،،، ثانيا السعر اللي حضرتك بتتكلم فيه يجيبلك دبانه -يعني e36 - موديل العربيه دي يعني ممكن لحد ٩٤ او ٩٥ -كمان في الفتره اللي جايه ممكن الاسعار ترخص في السوق علشان الدعم بتاع البنزين الله يجازيهم بقي - و طبعا الاحسن لو عرفت تجيب موديل ٩٥ مثلا علشان يبقي تكييف touch و abs مثلا بس عموما ال ٣١٦ لو موديل قبل ال ٩٤ هتبقي ١٠٠ حصان و موتورها m40b16 لو ٩٤ لحد ٩٨ هتبقي ١٠٢ حصان و نوتورها m43b16 لو ٣١٨ موديل قبل سنة ٩٤ هيبقي ١١٣ حصان موتورm40b18 لو ٩٤ لحد ٩٨ هيبقي ١١٥ حصان موتور m43b18 دي المواتير الاستوك اللي بتنرل بيها - و اسمها مواتير بيضا - و لو عايز تعرف اكتر عنها ادخل اللينك ده

BMW 3 Series (E36) - Wikipedia, the free encyclopedia

بس غالبا المواتير الاكبر من كده بتبقي مواتير متسقطه دي بتبقي مواتير سودا دي بقي بتبقي احدث و اوفر في استخدام البنزين و دي مواتير من فئه m50 او m52 و ممكن تدخل تعرف عنهم اكتر

BMW M50 - Wikipedia, the free encyclopedia

BMW M52 - Wikipedia, the free encyclopedia

،،،،، علي فكره انا كنت لسه شايف عربيه حلوه قوي ما شاء الله معروضه علي كونتاكت كار من اسكندريه موديل ٩٥ عليها موتور 18is الموتور ال 18is ده ١٤٠ حصان ٤ سلندر و يعتبر مازي للموتور ال ٢٠ (٢٠٠٠ سي سي يعني لو كنت مش فاهم الرقم) الاسود ال ٦ سلندر ،،،، عيبها الوحيد انها اوتوماتيك و انت عايز مانيوال عموما شوفها كده و ربنا يسهل :)

http://www........cars.com/usedcars_...?CarID=1084483

لينك العربيه بيتمسح للاسف ،،، هبعتهولك في رساله

والله يا باشا ده كتير عليا

شكرا جدا جدا لاهتمامك و رد حضرتك والله ....
فعلا افدتنى كتير و انا قولت اكيد رجالة البى ام كرمه و جامدين الله ينور عليك

بس انا عوز اسأل معلش كام سؤال !

1- ال e30 او e36 ديه موديلات بتتغير بالسنة ولا ايه !
اصل انا كنت فاكر ان 316 حاجه غير ال e36

2- ايه الفرق بين ال 316 و ال 318 !؟

3- اعتقد بعد 94 مش حينفع بالسعر ده حالة نضيفة صح ولا غلط ؟

4- اهتهلاك البنزين ايه اخباره فى موديل 1992 ماتور استوك

----

الفكرة انى بخاف اشترى عربية متعدل فيها ... حضرتك شايف ان 100 حصان قليل عليها ؟
الاعلان موصلش للرسايل حتى اللنك بايض بس انا حبحث عنها فى كونتاكت ..
انا شايف ان حضرتك معاك 316 الماتور ستوك و ايه اخباره معاك ؟

اخيرا متشكر جدا جدا و معلش كترت فى الاسا و ربنا يجازيك كل الخير و يبارك لحضرتك ..

[M.Ayman]

والله يا باشا ده كتير عليا

شكرا جدا جدا لاهتمامك و رد حضرتك والله ....
فعلا افدتنى كتير و انا قولت اكيد رجالة البى ام كرمه و جامدين الله ينور عليك

ربنا يخليك كلك ذوق


بس انا عوز اسأل معلش كام سؤال !

1- ال e30 او e36 ديه موديلات بتتغير بالسنة ولا ايه !
اصل انا كنت فاكر ان 316 حاجه غير ال e36

ايوه فعلا هي موديلات بتتغير بالسنه يعني مثلا اول ما نزل كان e21 او اللي بيسموها الشارك و بعد كده نزل الشكل اللي وراه بتاع ال e30 و ساعات بيقولوا عليها m40 لحد سنة ٩٠ بعد كده من سنة ٩١ لحد سنة ٩٨ الشكل ده هو ال e36 او بيسموها الدبانه و كل الاشكال دي فئه ثالثه يعني 300 و كذا (كذا بقي ده المفروض سعة الموتور) يعني 320 مثلا يعني فئه ثالثه - يا اما شارك يا اما e30 يا اما دبانه ،،، الخ - و عليها موتور ٢٠٠٠ سي سي

2- ايه الفرق بين ال 316 و ال 318 !؟

جاوبتك علي السؤال ده في السؤال الاول بس عموما باختصار ال 316 فئه ثالثه عليها موتور ١٦٠٠ سي سي اما ال 318 فئه ثالثه و عليها ١٨٠٠ سي سي و علي فكره بيبقي جمب اسمهم حرف i يعني ان الموتور injection بمعني 316i او 318i و هكذا

3- اعتقد بعد 94 مش حينفع بالسعر ده حالة نضيفة صح ولا غلط ؟

والله السوق يحكم دور و شوف طبعا لحد قبل حوار الدعم فعلا كان هيبقي اخرك لحد ٩٣ مثلا -و مش بتفرق ٩١ من ٩٢ من ٩٣ كلهم واحد - بس دلوقتي احتمال الاسعار تنزل شويه فتلحقلك حاجه ٩٤ مثلا او ٩٥ ،،،، عموما في موديلات قديمه عن ٩٤ بتبقي نازله استيراد معاقين و مجهزه بال abs و ده المهم في رأيي يعني التكييف بكر ولا touch في نظري مش فارقه انما ال abs لا فعلا انا بعتبره مهم جداااااااااا


4- اهتهلاك البنزين ايه اخباره فى موديل 1992 ماتور استوك

لو الموتور تمام و حالته حلوه متصان يعني و انت ملتزم بالسيرفيس بتاعه هيبقي موفر جداااااااااا بتشم البنزين يعني حتي لو بتجري -بس بيعمل كام كيلو في الصفيحه و الحوار ده والله مقدرش اقولك لاني مش بركز قوي في الحوار ده بس اكيد ان شاء الله تلاقي اللي يرد عليك في الموضوع ده -

----

الفكرة انى بخاف اشترى عربية متعدل فيها ... حضرتك شايف ان 100 حصان قليل عليها ؟

والله بص الموتور اللي في عربيتي كان حلو قوي ماشاء الله و انا شايف عزمه هايل مع ان موتوري كان خلصان تماما و كان شغال بنص عزمه اساسا بيفصل عند rpm ٣ و نص يعني تقريبا قبل ما يبتدي يطلع اقصي ما فيه.... بس طبعا ال ٦ سلندر حكاااايه و يعني مش هتحس بحلاوة بي ام الا لما تركب موتور ٦ سلندر ٢٥٠٠ مثلا او ٢٨٠٠ انما لو علي ال ١٦ فهو كويس و عزمه كافي كمان و لو سرعات ممكن بكارونه مناسبه تجيب ٢٠٠ بيه عادي :)

الاعلان موصلش للرسايل حتى اللنك بايض بس انا حبحث عنها فى كونتاكت ..
انا شايف ان حضرتك معاك 316 الماتور ستوك و ايه اخباره معاك ؟

سيبك مني انا لاني اصلا مكشفتش علي موتوري اصلا لاني كنت ناوي اسقط ،،، بس بصراحه الموتور كان حلو قوي مع ان في ناس بتحس انه تقيل علي بي ام و لكنه والله كان تحفه و عزمه هايل بس كان في مشاكل عندي و بياكل بنزين و حاجات كده و عايز اغير فيه حاجات كتير


اخيرا متشكر جدا جدا و معلش كترت فى الاسا و ربنا يجازيك كل الخير و يبارك لحضرتك ..
العفو و يارب اكون افدتك بحاجه

[icon]

باشا شكرا جدا لرد حضرتك ... بس ايه الفرق بين ال 316 و 318 و 320 ......

316 يعني 1600cc
318 يعني 1800cc
320 يعني 2000cc

وطبعا اختار السعة اللترية اللي تناسبك

[MoStAfA-StabS]

ياااااه يا باشا حضرتك افدتنى افادة رهيبة والله !
اول مره افهم الموديلات ... و بالاخص موضوع الانجيكشن ده انا كنت فاكر كله كله انجيكشن !


متشكر جدا جداا

[MoStAfA-StabS]

316 يعني 1600cc
318 يعني 1800cc
320 يعني 2000cc

وطبعا اختار السعة اللترية اللي تناسبك

شكرا جدا لتوضيح حضرتك كده انا فهمت تمام ... عند حضرتك فكرة عن استهلاك البنزين ؟

316 و 318 و 316i و 318i

[M.Ayman]

ياااااه يا باشا حضرتك افدتنى افادة رهيبة والله !
اول مره افهم الموديلات ... و بالاخص موضوع الانجيكشن ده انا كنت فاكر كله كله انجيكشن !


متشكر جدا جداا

طب الحمد لله ، العفو مفيش اي حاجه كلنا اخوات