اجيب منين ال Frame بتاع الزجاج الخلفى لل e36 ؟

[nadarottyy]

ال Frame الى عندى اتكسر ونشف ولازم اغيرة عشان الزجاج يركب كويس
اجيبوا جديد ولا استيراد والسعر كام هنا وهنا ؟

[M.Ayman]

متابع :)

[profzizo]

متابع لأنى كمان محتاج واحد لعربيتى

[M.Ayman]

:) كلنا متابعين كده ... اومال مين هيرد xd

[sheko_2000eg]

اللي هيرد وصل ههههههههه
شوف يا سيدي الفيرام ده في منه جديد في شارع دمشق ب 120ج
و الاستيراد هتلف عليه شوية بس اكيد هتلاقيه عند عصام العمدة و غالبا نفس السعر.
راي حاول تجيبه جديد.

[M.Ayman]

طب سؤال معلش علشان اتأكد بس مش الفيرام ده هو نفسه اللي اسمه جوان زجاج ؟

[maskeen]

مش هاتلاقيه غير ف التوكيل...انا جبته لعربيتى لما الزجاج الخلفى اتكسر بسبب المظاهرات...تمنه كان عندى 350 جنيه

[sheko_2000eg]

ايوة الفريم هو الجوان

[M.Ayman]

ايوة الفريم هو الجوان

شكرا علي الرد

[samehelrewesh]

الجوان دا انا لسة جايبه من التوكيل اللى فى ش دمشق اللى فى وش رابسو الميكانيكى
جبته لل46 كان 220 تقريبا
روح اسال عليه هناك احسن ونصيحة بلاش استيراد عشان هتلف عليه
ووضعه لما بيتفك ويركب مش بيرجع لوضعه الطبيعى

[nadarottyy]

انا جبت ال Frame خلاص من عند شريف عبد المنعم فى الحرفيين الاصلى بتاعها ب 200 جنية انا سالت علية فى التوكيل عامل 250 جنية بس مش موجود عندهم
بس ملوحوظة ال Frame بيتباع 3 حتت بس مش كامل يعنى الجزء الى فوق والجنبين بس لكن الجزء الى تحت بيتجاب لوحدة بس دة معرفش سعرة كام