ممكن حد يجى معايا يشوف العربية دى

[medo_egypt86]

ممكن حد يجى معايا يشوف العربية دى او قولو لى اقدر اكشف عليها فين
سيارة bmw 316 i لقطة -حالة ممتازة جداً-فبريكة بالكامل جوه وبره-مانيوال-فتحة سقف اوريجينال-زجاج كهرباء -مرايات كهرباء- وحدةرفع -باور ستيرنج- إنذار-سنترلوك- جنوط سبور-فرش جلدبيج اوريجينال بحالة جيدة جدا-موافقة استيرادية-الحالة العامة للسيارة ممتازة جدا
مطلوب فيها 67.000
مكتوب عاملة 200000كم

[moumen_hs]

أحسن مكان ممكن تكشف علية فية هما البافارية على دائرى المعادى - التجمع بس اعتقد الكشف عندهم غالى شوية

[medo_egypt86]

أحسن مكان ممكن تكشف علية فية هما البافارية على دائرى المعادى - التجمع بس اعتقد الكشف عندهم غالى شوية

هيبقى الكشف بكام ويا ريت اعرف تعمل كام العربية لو بالحالة اللى مكتوبة دى؟

[mahmoud_anwar]

هيا موديل كام شكلها m40 موديل 90

[M.Ayman]

لو m40 اظن يبقي كده غالي قوي عليها ،،،، بس لو دي دبانه و مفيهاش مصاريف يبقي حلو السعر ده ليك وللبيبيع

[medo_egypt86]

هيه موديل 93
فى حد هيجى معايا اصلها بصراحة اول مرة هتفرج على بى ام يعنى اكشف عليها واتفرج

[adolf]

هيبقى الكشف بكام ويا ريت اعرف تعمل كام العربية لو بالحالة اللى مكتوبة دى؟

اعتقد ان كشف التوكيل فى حدود ١٢٠٠ جنيه بس هما عندهم مشكلة انهم هايدولك معاد بعيد.......اقترح انك تروح تكشف عند الشيخ طارق تحت كوبري الجيش على طريق السويس

[sheko_2000eg]

لو احتجتني كلمني و انا معاك قلباً و قالباً.

[M.Ayman]

هيه موديل 93
فى حد هيجى معايا اصلها بصراحة اول مرة هتفرج على بى ام يعنى اكشف عليها واتفرج

طيب تمام يعني e36 ،،،، نصيحه لوجه الله متعتمدش علي حد انت روح شوف العربيه و اركبها و شوف مريحاك ولا لأ كل حاجه فيها شغاله ولا لأ تكييف شغال حلو ولا لأ اسمع صوت الموتور صوته هادي مش بيعلي و يوطي سحبه حلو مفيش اي اصوات من العفشه .... الخ من الاخر يعني اول حاجه تركب العربيه و تتأكد من انها حلوه و مصروف عليها ايه اللي ناقصها او مش شغال و مستريح فيها ولا لأ لما تعدي المرحله دي و تمام العربيه حلوه و داخله دماغك بقي ... كلمني او اسأل هنا الاعضاء الكرام عن سمكري حلو في الحرفيين مثلا زي سمير علي يكشف علي جسم العربيه و ان كانت راشه اي حاجه ولا لأ و كده و برضه تسأل علي حد يكشف علي الموتور و يحطه علي الجهاز علشان يعرف ان كان قرأ اي اعطال او حاجه العربيه طلعت تمام تاني يوم تطلع مع صاحبها علي المرور تخيب شهادة بيانات و يدفع المخالفات اللي عليه بعد كده تروحوا علي الشهر العقاري يعملك عقد مسجل بقي و اديله فلوسه و برضه نصيحه تانيه متستناش لحد ما الترخيص ينتهي روح جدد علطول علشان تبقي في الامان و ضامن ان العربيه اترخصت بدون مشاكل ان شاء الله و ربنا ان شاء الله يكرمك و تطلع عربيه حالتها محترمه

[M.Ayman]

ياريت كمان بعد ما تعدي اول مرحله بانك ركبت العربيه و عجبتك تمام تسأل صاحبها و قوله بأمانه ربنا كده العربيه فيها حاجه ولا لأ علشان طبعا هنروح لسمكري كبير ان شاء الله هيكشف اي حاجه لا قدر الله فيها و مصاريف كتير يعني لو فيها حاجه خليك امين و عرفني بدل ما ادفع فلوس كشف علي الفاضي و هو هيكون راح و جيه معاك من غير فايده و ضيع وقته

[sheko_2000eg]

قبل ما تروح تكشف اتفق مع صاحب العربية ان لو في حاجة في دواخل العربية او نصين او اي حاجة غلط هو اللي هيدفع تمن الكشف لو طلعت سليمة انت اللي هتدفع تمن الكشف.
و انا عندي السمكري اللي يعرفلك العربية ديه حالتها ايه و مكانه في مدينة نصر - الحي السابع.
عشان مشوار الحرفييين ده مشوار غبي الصراحة.

[M.Ayman]

قبل ما تروح تكشف اتفق مع صاحب العربية ان لو في حاجة في دواخل العربية او نصين او اي حاجة غلط هو اللي هيدفع تمن الكشف لو طلعت سليمة انت اللي هتدفع تمن الكشف.
و انا عندي السمكري اللي يعرفلك العربية ديه حالتها ايه و مكانه في مدينة نصر - الحي السابع.
عشان مشوار الحرفييين ده مشوار غبي الصراحة.

[medo_egypt86]

كاملة اوتوماتيك ـ حالة نادرة بالكاتلوجات ـ رخصة 3 سنوات ـ استخدام راقى ولا تحتاج لاى مصاريف
دى عربية تانية بس صورها تحفة عاملة 230000 مو 92 316 بس بيتكلم فى سعر 77000
دى توبها كام
علشان اتكلم معاه فى السعر واتوكل على الله واكشف عليها

[sheko_2000eg]

كاملة اوتوماتيك ـ حالة نادرة بالكاتلوجات ـ رخصة 3 سنوات ـ استخدام راقى ولا تحتاج لاى مصاريف
دى عربية تانية بس صورها تحفة عاملة 230000 مو 92 316 بس بيتكلم فى سعر 77000
دى توبها كام
علشان اتكلم معاه فى السعر واتوكل على الله واكشف عليها

الموديل ده اخره 65000 الا لو مسقط سيستم 2800

[medo_egypt86]

الموديل ده اخره 65000 الا لو مسقط سيستم 2800

طيب ممكن رقمك علشان اكلمك تيجى تتفرج معايا عليها لو حضرتك فاضى