سيارة الحلم بالنسبة ليا .. ياريت ارائكم ومشاركتكم واقتراحتكم e36

[kok200]

بسم الله الرحمن الرحيم

رغم اني ركبت عربيات كتير الحمد الله .. اصدقاء علي عائلة علي شغل فا اتاح ليا تجربة الكثير من انواع السيارات لكن موديل 1 الي فضل ديما في خيالي مش بيفارقني .. وهيا e36

العربية دي لما كنت بشوف اي حد راكبها وبعدلها ديما بتخيل نفسي مكانو .. لأنها بتجمع بين حاجات كتير

فخامة وثبات وقوة وتقدر تعدل عليها وتوفر فيها جميع الكماليات المتاحة والمتخيلة

وسعرها مناسب

السؤال هنا بقي لو انا حبيت اشتري e36 مش نصين .. ولو حبيت اشدها واوصلها للمنظر دة
واركب المالتي فانكشن وسوند سيستم والكيت بتاع ال m كامل وارمي جنط
واحط مكنة 2000 تكون قوية واعدل عليها كا نظام تبريد وعادم وبوجيهات ومساعدات خارجية عشان تطلع افضل طاقة
من الاخر تطلع زي الصور

تتكلف كام قبل التعديل وبعد التعديل
واية رائيكم في الموديل دة مواصفات عيوب مميزات كل شئ

مع العلم انا راكب اوكتافيا 2007 لكن مش ملكي هيا بتاعت والدي وهيا تحت ايدي لأن تحركاتو قليلة الحركة دي خصوصا مع توافر عربية الشغل

[fahd_628]

التعديل دة بحر ملوش اخر :)

يعنى مفيش مصروف معين تقدر تحطة علشان تعمل عربية زى دية

انت ممكن تخلى شكلها كدة بس انت عامل التعديل غلط !!!

انا بالنسبالى اولا المحرك !!!

لازم يكون 6 سلندر علشان تستمتع بالعربية ( من اول 2000 سى سى ) من اول 8000 لغاية 35 الف لسيستم ال M !!!

تانى حاجة العفشة

مساعدين سبور + سوست سبور علشان توطى العربية ( قص السوست و الكلام دة مينفعش !!! ) 5000 جنية

Coilovers و دة طبعا الأختيار الأفضل و بيعمل من اول 6000 لغاية 10 او 11 الف !!

ثالث حاجة الجنط و الكاوتش ( متجيبش اكبر من 17 ) تقريبا 10,000 لو حتجيب جنط و كاوتش جديد 5,000 لو مستعمل

رابع حاجة المنظر الخارجى

اكصدامات و عتب M بحوالى 4000 جنية

خامس حاجة رشة نظيفة للعربية حوالى 5000 جنية !!!

الكلام دة كلة اسعار تقريبية بس انت كدة بتعمل عربية بمعنى الكلمة !!!

[kok200]

يعني العربية ممكن تتكلم في رينج كام فلوس قبل التعديل وبعد التعديل

وهل يفضل شراء جاهز ؟؟

[AlGazar2]

فى اقتراح مش عارف صح ولا غلط ان انت تجيب العربيه ضايعه من كل حاجة يعنى مفيهاش حاجة شغاله خالص بس الشاسيه بتاعها سليم و مفيهوش الهوا
و تجيب عربيه m مثلا نصيين و تشيل و تركب و تعمل تقويات فى الشاسيه و بكده هتكون ظبط العربيه على مزاجك و ركبت عربيه احلامك و من غير ما تصرف كتير على عربيه سليمه عشان تجيبها و بعد كده تعدل قطاعى فتشترى الحاجة على كذا مره

كان فى عضو ناقل تجربه حد عمل الموضوع ده بس على عربيه جديده زيرو لانه كان عايز m و تمنها فى مصر مبالغ فيه

[M.Ayman]

التعديل دة بحر ملوش اخر :)

يعنى مفيش مصروف معين تقدر تحطة علشان تعمل عربية زى دية

انت ممكن تخلى شكلها كدة بس انت عامل التعديل غلط !!!

انا بالنسبالى اولا المحرك !!!

لازم يكون 6 سلندر علشان تستمتع بالعربية ( من اول 2000 سى سى ) من اول 8000 لغاية 35 الف لسيستم ال M !!!

لو عايز تسقط بلاش ال 3500 سي سي لانها هتكون مكنه بيضا يعني تكنولوجيا قديمه و فحت بنزين ممكن تسقط 2500 سي سي سودا m50b25 -و قدام ممكن تتربنها كمان لو انت عايز - او تجيب مكنه 2800 سودا سنجل فانوس سي سي m52b28 بلوكه الومنيوم او تجيب نفس الموتور امريكي بلوكه زهر علشان لو في دماغك تربو و كده .... بوجه عام لو ليك في الشد مكنه 25 او 28 حلوه و مش هتضيع بنزين كتير طول ما انت ماشي هادي

تانى حاجة العفشة

مساعدين سبور + سوست سبور علشان توطى العربية ( قص السوست و الكلام دة مينفعش !!! ) 5000 جنية

Coilovers و دة طبعا الأختيار الأفضل و بيعمل من اول 6000 لغاية 10 او 11 الف !!

انا معنديش فكره كبيره عن العفشه و اسعارها فمش هقدر افتي و اقولك اي معلومات جديده بس ممكن تفضل حتي بالعفشه ال ٦ سلندر العاديه و تهبطها و تركب ultra racing kit -هما بيبقوا 6 شدادات بس غالبا مش هتلاقي اكتر من ٤ شدادات في مصر - لو ركبت الكيت كامله صدقني هتغنيك عن العفشه الsport و ممكن تدخل تدور علي كل شداد بيعمل ايه لعربيتك و ده بيتجاب واحده واحده و عمومات الكيت المتاحه في مصر غالبا هتعمل في حدود 3500 جنيه مثلا ممكن تزيد شويه او تقل شويه بس ممكن تجيبها علي مراحل كل شهر شداد مثلا

ثالث حاجة الجنط و الكاوتش ( متجيبش اكبر من 17 ) تقريبا 10,000 لو حتجيب جنط و كاوتش جديد 5,000 لو مستعمل

لو جديد تايواني بكاوتش جديد هيعمل في حدود ال 5500 جنيه مثلا لو استيراد نضيف حاجه BBS او ac schnitzer برضه هيبقي في نفس الحدود جديد اورجنال في الجنوط يعتبر انتحار لأنه بيبقي نار في السعر

رابع حاجة المنظر الخارجى

اكصدامات و عتب M بحوالى 4000 جنية

ممكن الباكتات تعمل 800 - 1000 انت و اللي تعرف تجيبه لان الموضوع فصالي بحت و الكيت ال M3 ممكن تعملها كلها مع بعض و ده الافضل علشان توفر 3500 - 4000 جنيه و طبعا لازم تتأكد ان الاكصدام الخلفي M مش مركبلك Diffuser علي اكصدام ٤ سلندر عادي ولا حاجه و لما ان شاء الله تنوي هبقي اوريلك الفروق البسيطه اللي بينهم

خامس حاجة رشة نظيفة للعربية حوالى 5000 جنية !!!

الرش ممكن يعمل 3000 -و كده ممكن يكون غالي كمان- و يبقي skins حتي في البطانه بس طبعا العربيه بتاخد شوية فلوس زياده سمكره و دي بقي علي حسب حالة العربيه


لكلام دة كلة اسعار تقريبية بس انت كدة بتعمل عربية بمعنى الكلمة !!!

انا حاولت اقربلك الاسعار اكتر لان الاسعار دي بتاعت اليومين دول في الحرفيين

و بعد كل الصرف ده هتلاقي نفسك معاك عربيه ما شاء الله تحفه و بتمن فيرنا F/O اوتوماتيك جديده مثلا :D انوي انت بس لما تبتدي اعمل شغلك بنفسك في عربيتك علشان تطلع علي مزاجك و تعرف انت حتي تتعامل بعد كده في الاسعار و مع الصنايعيه و مع تجارها في الحرفيين و غيرها

[kok200]

بجد مش عارف اقولكم اية ردودكم جميلة

موضوع الماتور انا المهم عندي ماتور عمر افتراضي ممتاز - اعطالو قليلة ويكون متوسط القوة .. بمعني انا واحد كنت راكب لانسر اوتوماتيك... واوكتافيا حاليا 2007 .. ومش من النوع الي بجري .. الفكرة عايز انجز في الطريق بسبب اني شغال في شرم الشيخ فا محتاج حاجة نبلة

السؤال هنا .. هل لما انزل من اوكتافيا وانط في e36 واحولها للمنظر الي وريتهولكم فوق .. ابقي غبي ؟ مع العلم فرق الفلوس هيتشال في بنك

[ahmed_alhadidy]

انا رايي تجيب عربيه واقعه وتظبطها علي مزاجك, انا قدامي واحد اشتري e36 موديل 94 ب 45 الف جنيه بس الاساسيات سليمه وسقط مكنه 2500 بعفشه 6 سلندر وكيت m وسمكره ودوكو كامل وصرف حوالي 25 الف جنيه, يعني وقفت عليه بحوالي 70 الف وركب عربيه علي مزاجه

[M.Ayman]

انا رايي تجيب عربيه واقعه وتظبطها علي مزاجك, انا قدامي واحد اشتري e36 موديل 94 ب 45 الف جنيه بس الاساسيات سليمه وسقط مكنه 2500 بعفشه 6 سلندر وكيت m وسمكره ودوكو كامل وصرف حوالي 25 الف جنيه, يعني وقفت عليه بحوالي 70 الف وركب عربيه علي مزاجه

45 الف في موديل 94 و اساسياتها سليمه -ما شاء الله- ده راجل ابن حلال و ربنا كرمه .... العربيات اللي بالاسعار دي مش موجوده و لو هو لقاها ده من سعده بس :) رينج الاسعار اللقط بيبقي في الخمسينات مش الاربعينات خالص

بالنسبه لصاحب الموضوع لو مش هامك خالص الجري يبقي موتور 20 اسود vanos حلو جدا معاك ادائه احلي من العربيات اللي ركبتها موفر في البنزين و فيه قوة السته سلندر اللي تحببك في البي ام و ربنا يوفقك بعربيه حلوه اهم حاجه تكشف و تتأكد ان العربيه سليمه علشان تركب علي نضافه و تصرف علي حاجه تستاهل

[fahd_628]

انا برضة اعرف واحد جاب عربية ضايعة من برة و جوة و مكنة ب 45 الف موديل 93 و صرف عليها وقفت علية بحوالى 80 - 85 الف و بقت زى الفل و 2800 !!!

[ahmed_alhadidy]

45 الف في موديل 94 و اساسياتها سليمه -ما شاء الله- ده راجل ابن حلال و ربنا كرمه .... العربيات اللي بالاسعار دي مش موجوده و لو هو لقاها ده من سعده بس :) رينج الاسعار اللقط بيبقي في الخمسينات مش الاربعينات خالص

بالنسبه لصاحب الموضوع لو مش هامك خالص الجري يبقي موتور 20 اسود vanos حلو جدا معاك ادائه احلي من العربيات اللي ركبتها موفر في البنزين و فيه قوة السته سلندر اللي تحببك في البي ام و ربنا يوفقك بعربيه حلوه اهم حاجه تكشف و تتأكد ان العربيه سليمه علشان تركب علي نضافه و تصرف علي حاجه تستاهل

الاسعار اللي بقولهالك دي طبيعيه لان واحد تاني اشتري عربيه سليمه اساسيات مكنه كانت تقريب ٩٥ ب٥٣ الف فلما دي تعمل ٤٥ الف والمكنه ضايعه فدا طبيعي، اما السليم تماما فاسعاره بتبدا من ٦٥ الف وطي اللي مش هتصرف عليها حاجه فلو هتعدلها هتقف عليك بخساره فالاحسن تجيب عربيه واقعه وتعملها علي مزاجك

[ahmed_alhadidy]

انا قدامي واحده في اسكندريه لونها احمر مارلبورو تقريبا ٩٥ او ٩٤ فيها فاتحه سقف صاحبها بيعدلها وهيبيعها هيا واقفه في tuning center دلوقتي وبيسقطلها مكنه ٢٥٠٠ وعفشه ٦ وكيت m

[kok200]

يعني احنا بنتكلم في 75 الف جنية ويبقي معايا اسد من ساسو لراسو صح

[ahmed_alhadidy]

يعني احنا بنتكلم في 75 الف جنية ويبقي معايا اسد من ساسو لراسو صح

قول ان شاء الله وحط بردو خمس الاف كدا علي جنب لاي مشكله ممكن تقابلك مكنتش متوقعها

[ahmed_alhadidy]

للحذف

[ahmed_alhadidy]

للحذف