استشارة عاجله جدا بخصوص زيرو المبلغ250الف

[amro0000]

سلام عليكم /بأختصار ياجماعة لسة احد اصدقائي لسة بايع عربية بي ام دبليو 316 ودلوقتي عاوز يركب عربية زيرو والمبلغ المتاح بلزبط حوالي 250الف جنية اية العروض المقترحة بخصوص الزيرو المبلغ دا يجيب اية زيرو في الايام دي وهل البي ام رفع اسعارة؟ بلنسبة للزيرو ياريت وحوش المنتي يفيدوني ضروري جداا لان المبلغ مش صغير وعاوز احسن اختيار بلنسبة للزيرو ويكون في حدود المبلغ 250الف جنية

[Hosam_Optrawy]

ال 316 الجديدة بتبدأ من 280 دلوقتى على ما اعتقد

لو مش هايزود عن 250 يبقى بيجو 508 او ستروين c5

[hossam_elwani]

يستنى الاسكودا الجديده .. هيا الخيار السليم بعد نزوله من bmw

[A.Adel]

تحت ال 250 فعلا مفيش غير 508 و c5
و ممكن astra تربو برده بس دي اصغر منهم

[Mohyeldin1974]

يدفعهم مقدم ويجيب 316 الجديده ويقسط الباقى
لان C5 و 508 محاجين بنزين 95
والاوكتافيا الجديده فتيس DSG ومحتاجه بردو 95 حتى الجييتا والباسات
للاسف الشديد الفئه السعريه دى تحير اوى لانك اما تنزل وتشوف الاسترا و السيفيك والفوكاس وامبريزا والقشقاى و xv او انك تعلى عنها وتخش فى الفولفو والبى ام
والله اعلم

[amro0000]

والله ياجماعة الفلوس دي كل الي يحتكم عليها ومش هيقدر يقسط بصراحة المشكله انه فكر في الاوبل والستروين بصراحة عربيات مش عجباني وانا نصحت كتير انه يبعد عنها وهوة ميال للبي ام لان كان معاة بي ام 316 i فتحة سقف ولسة بايعها وعلي فكرة هيا البي ام ال 316 لو فبريكة برة وجوة فيها خرابيش وفبريكة ماعادا الاكصدام الامامي وماشية 80الف تتوقعو تعمل كام لاني بردة حاسس انة باع بلخسارة المشكله دلوقتي الي قدامة ان دا المبلغ الي معاة وبلزبط ومفيش امكانيه للزيادة او التقسيط

[A.Adel]

شوف حضرتك ال 316 دلوقتي بقت بتبدأ من 279
و فيه كلام إنها زادت 9 الف تانيين

و بدام حضرتك مش مايل ل citroen و opel
يبقى عندك ال 508

عربية ممتازة و عاملة مبيعات كويسة
و موتورها يشتغل بـ 92 عادي جدا لسبب بسيط

الموتور ده اساسا بتاع bmw-mini group
كان بينزل في ال cooper s

أكيد 95 هيبقى أحسن بس مفيش مشاكل من 92

[horas3000]

ال 316 بقت ب 309 النون ميتالك
و 317 الميتاليك
و حجز 3 شهور

و لو ينفع يزود سيكا و يشوف الفولفو ال s60

[A.Adel]

ال 316 بقت ب 309 النون ميتالك
و 317 الميتاليك
و حجز 3 شهور

ده ال luxury وال exclusive

ال premium دلوقتي برده بقت بـ 289
كانت نازلة الاول بـ 269

[mody1990]

انا راءي ادام نزل من المانى يباه مافيش حاجه هاتعجبو غير الالمانى
يبءا jetta اوbasatاو golf 7او fantazia

[horas3000]

ده ال luxury وال exclusive

ال premium دلوقتي برده بقت بـ 289
كانت نازلة الاول بـ 269

ده صحيح يا زعيم
و انا بصراحه مش معترف بال premium دي
مش حاسسها بي ام اصلا
ده الفلوينس و الجيتا و الاوكتافيا الهاي لاين افخم منها بمراحل
و الفولفو بالنسبه ليها قمة الفخامه
و هي كده تعتبر غليت 20 الف من سعرها في اوتوماك