مشكلة ال e46 6 في قفل الازاز بلمسة واحدة

[نينو]

انا عندي حاجة غريبة مرة واحدة الازاز بدل ميقفل من اول دوسة لازم افضل دايس علي الازاز لغاية ميطلع ياتري دي من ايه يعني الاول كنت اول ملمس الزرار يقفل دلوفتي لازم افضل دايس علي الزرار لفوق عشان يقفل الازاز مع العلم ان دي مشكلة ازاز واحد بتاع السواق و باقي ازاز العربية كلو تمام بيقفل و يفتح من اول لمسة اتوماتيك مع العلم برضو ان دي مش مشكلة مفاتيح لاني قبل و مغير المفاتيح يعني مش حاجة جديدة عليا ممكن يكون ده فيوز و لا برمجة و لا ايه بالضبط وشكرا
بس نفسي جد يعبرني لان منتدي البي ام ابتدي ينام خالص و انا مليش خبرة اوي في البي ام و شكرا

[profzizo]

على فكرة أنا حصل عندى نفس العيب فى ال e36 ونفسى أعرف حله أيه . . فى إنتظار الرد

[ahmed_alhadidy]

انا عندي نفس العيب في ال e90 بس في ازاز السواق بس والسبب سويتش الاوتوماتيك بايظ عندي فالزرار مبيلقطش الاوتوماتيك والحل ان الزرار يتغير، معرفش هوا نفس العيب اللي عندك ولا لا

[نينو]

انا فكيت الزرار القديم و بوظتو و كان بيعمل كدة برضو واشتريت زرار جديد و برضو مفيش فايدة بجد زهقت من عيوب العربية دي و تعقيدتها مش عارف ده فيوز و لا سوفت و لا ايه بالضبط واروح لمين كهربائي نظيف انا ساكن في حدايق القبة
شكرا

[TheUnknown]

انت لسه مغير بطاريه قريب؟؟
لو اه ، يبقي ممكن التبرمج الزرار تاني

[نينو]

لا ياباشا مش مغير بطارية بس لو تعرف ابرمج السويتش ده تاني ازاي ياريت تقولي شكرا
اخوك مينا

[نينو]

يا رجالة مش لاقي حل قولولي اعمل ايه

[TheUnknown]

يا رجالة مش لاقي حل قولولي اعمل ايه

انا معرفش في BMW ممكن يتبرمج ازاي لكن عندي في الاوبل الازاز يكون مقفول بفضل دايس لفوق لمده ٥ ثواني ، هو كده اتبرمج بقي one-touch .

ممكن تحتاج حد بtech-2 عشان يبرمجهولك.

[نينو]

معلش فهمني يعني ايه tech 2

[semsem5144]

غالبا برمجة اتوماتيك ازاز الالمانى كله زي بعضه نفس الفكرة فى الاوبل فى المرسيدس كنت بقفل الازاز وارفع المفتاح لفوق 10 ثوانى لغاية مايعمل صوت تكه عاليه كده بيكون اتبرمج

[نينو]

طيب ياريت حد يقولي علي كهربائي كويس و فاهم في البي ام لان عندي المرايات فيها مشكلة وبالمرة يكشف علي زرار الازاز انا ساكن في حدايق القبة ياريت لو حد يعرف يقولي و شكرا