3 اسئله عن ل 316 موديل 2010

[ZEX5]

ناوى ان شاء الله على سياره 316 موديل 2010

انا سمعت ان
1 - الماتور ضعيف على جسم السياره و سحبها مش حلو

2- الماتور لما يمسك حراره , بيشرخ و دى مشكله فى البى ام عموما

3- قطع الغيار فى التوكيل نفس سعر ال 320

فهل الكلام ده صحيح و لا دى كانت مشاكل و مش موجوده فى 2010 ؟

[waleedss]

ياريت حد من البيمرز ينورنا انا قدامي واحده 316 2010 ماشيه 25 الف كيلوا ب 180 . هل فيه مشاك في الموديل ده؟

[Amr_Moh]

خليك فال e90
318 320
حتي لو رجعت بالموديل ٢٠٠٨-٢٠٠٩

[ZEX5]

ياريت حد من البيمرز ينورنا انا قدامي واحده 316 2010 ماشيه 25 الف كيلوا ب 180 . هل فيه مشاك في الموديل ده؟

شوفلى واحده معاك يا باشا :)

خليك فال e90
318 320
حتي لو رجعت بالموديل ٢٠٠٨-٢٠٠٩

مشكله دعم البنزين هلى اللى مانعانى :(





ده رد الاستاذ Formulator على سؤالى الاول

"
لو بتتكلم عـ الأوتو.. لأ دا الفتيس الجديد (من بعد 2008-2009) عـ الموتور الـ122 حصان (من النص التانى 2007)!
تسارعها معقول أوى بالنسبة لوزنها والـRWD
even أفضل من عربيات كتير جر-أمامى وأخف وزنا "

[waleedss]

عنيا ياباشا لو مخلصتش فيها هابعتلك تفاصيل صاحبها على الخاص. هوا اتردد في البيع بعد م الدولار وصل 7.6 في السوق السودا لان في موجة غلاء تانيه جايه جايه.

[ZEX5]

عنيا ياباشا لو مخلصتش فيها هابعتلك تفاصيل صاحبها على الخاص. هوا اتردد في البيع بعد م الدولار وصل 7.6 في السوق السودا لان في موجة غلاء تانيه جايه جايه.

ربنا يستر و منه لله اللى كان السبب
تسلم عنيك
اى حاجه ياباشا تكون حاله نضيفه و سعرها حلو مش شرط اللى قدامك , و ان شاء الله اللى قدامك تبقى من نصيبك

[mohammedrefaat]

يا جدعاااااااان الحقووووووونى
انا بقالى اكتر من 3 او اربع شهور بدور على عربيه 316 موديل 2010 و مش لاقى اى حاجه نضيفه
ماحادش عنده حاجه نضبفة او قدامه حاجه نضيفه بس ماتكونش رشه و ماتكونش ماشيه كتير

و الاجر و الثواب عند الله و هنيالك يا فاعل الخير و الثواب

[waleedss]

كونتاكت فيهم كام عربية نضيفة بس محتاجة كشف وفصال بتوع كونتاكت بيبيعوا بيع غناوه

[mohammedrefaat]

كونتاكت فيهم كام عربية نضيفة بس محتاجة كشف وفصال بتوع كونتاكت بيبيعوا بيع غناوه

و الله ياباشا انا هرست كونتاكت و بصراحه مافيهوش حاجه حلوه من الاساس غير انه اسعاره غاليه مووووووووووووووت
اكلمه فى التليفون يقولى فابريكا اروح اشوفها و اخد صنايعى معايا الاقيها رشه اشى رفرف - اكصدامات

ده فى مره كلت واحد قاللى فابريكا
روحت شوفتها هى اى نعم ماشيه 36 الف كيلو ... بس لاقيتها رشه جنيبين و اكصدام خلفى اكلمه يقوللى لا مش راشه ياعم ده الصنيعى بيقول كذا يقوللى اللى يقول يقول ياسيدى دى العفره بتاع الدهان باينه فى الابواب من جوه و كمان فى بوهيه على الكاوتشات اللى فى الباب يقوللى لا مافيهاش جرام بوهيا

قلت يبقى انا ابن ستين فى سبعين و عنيا حولا و الصنايعى اللى معايا عنده عته منغولى و انا غلطان انى جيتلك اساسا
و سيبته و مشيتت

[waleedss]

انا شفت عربيه قلتله نكشف عليها في الحرفيين قالي لا اتشائم انها تنزل الحرفيين

[Batman372]

ناوى ان شاء الله على سياره 316 موديل 2010

انا سمعت ان
1 - الماتور ضعيف على جسم السياره و سحبها مش حلو

ليس صحيح ... قوه 122 حصان مش شويه ... و سحبها اكتر من ممتاز .... و يكفى انها مواتير بى-ام ... الفكره ان 316 اضعفهم لكنه يكفى الغرض ...

2- الماتور لما يمسك حراره , بيشرخ و دى مشكله فى البى ام عموما

ليس صحيح !!! الكلام ده ليس له اى اساس من الصحه ... مواتير بى-ام من افضل المواتير على الاطلاق ... و مفيش اى مشكله فى الحراره ... و متسمعش كلام اى حد بيفتى و مش فاهم اى حاجه !!

3- قطع الغيار فى التوكيل نفس سعر ال 320

ما طبعا لازم تكون نفس اسعار ال 318 و 320 و 330 لانهم نفس الفئه و الشيب ... الفرق فقط قوه المواتير و باقى الاوبشنات ...
و نفس الموضوع ايضا فى المرسيدس 180 ... نفس 200 و 250 و 300 ...
و باقى الماركات التى يكون بها فئات ...


فهل الكلام ده صحيح و لا دى كانت مشاكل و مش موجوده فى 2010 ؟

طبعا كله كلام غلط :) و مفيش اى مشاكل من الاساس ... حضرتك دى بى-ام !!!
لان قبل طرح اى موديل بتم عمل عليه اختبارات قاسيه و شديده و ملايين الكيلومترات فى كل ظروف مناطق العالم ...
تحياتى ...

[ZEX5]

^^^

الف شكر يا باشا

[ramymechanics]

انا شفت عربيه قلتله نكشف عليها في الحرفيين قالي لا اتشائم انها تنزل الحرفيين

أنت فصلتنى ضحك :d :d بجد