ارجو الافاده من خبراء x3

[TeMoON]

السلام عليكم ورحمه الله وبركاته
انا ادامى x3 موديل 2012 ماشيه 30000 كيلو الكامله الكمفورت ب 500000 مع العلم انى هدفع 150 الف واقسط الباقى على 7 شهور والعربيه نضيفه ودا على كلام الى قالى ولسه هاشوفها فا ارجو افادتكم ضرورى لانى حاسس ان 30000 كيلو كتير اوى
وشكرا

[Mohab.Nabil]

هو كتير شوية على سنة فعلا

بس اهم حاجة تكشف عليها فى التوكيل

و هى ثمنها كام زيرو ؟؟ انا اظن انها مش فارقة فرق كبير عن النص مليون

[TeMoON]

هو كتير شوية على سنة فعلا

بس اهم حاجة تكشف عليها فى التوكيل

و هى ثمنها كام زيرو ؟؟ انا اظن انها مش فارقة فرق كبير عن النص مليون

هى الجديده عامله 578 الف وكدا كدا هكشف عليها فى التوكيل بس انا بتكلم على السعر اخباره ايه

[شاهين - بنز]

الصراحة أنا شايف 500 ألف كتير قوي دي زيرو ب 578 ألف على ماأظن
والعربية إتفحتت 30 ألف كيلو في شوارع المحروسة وماأدراك ماشوارع المحروسة يعني 30 ألف كيلو يبهدلوا العفشة هنا كأنك مشيت بيها 100 ألف كم بره مصر
ده غير إن البي إم مش ماسك سعره في المستعمل فأنا شايف إنها تنزل 100 ألف جنيه أقل واجب

[Mohab.Nabil]

هى الجديده عامله 578 الف وكدا كدا هكشف عليها فى التوكيل بس انا بتكلم على السعر اخباره ايه

زى ما انا كنت متذكر فعلا

بصراحة انا لو مكان حضرتك مش هفكر هزود الـ 78 الف دول و اركب عربية على مزاجى باللون اللى عايزه و متأكد 100% ان مفيهاش حاجة حتى لو هاجى على نفسى شوية ..

و انا شايف 500 الف كتير بصراحة ، العربية اكيد فعلا هتحتاج حاجات بعد الـ 30 الف زى ما الاخ شاهين بنز قال

[TeMoON]

زى ما انا كنت متذكر فعلا

بصراحة انا لو مكان حضرتك مش هفكر هزود الـ 78 الف دول و اركب عربية على مزاجى باللون اللى عايزه و متأكد 100% ان مفيهاش حاجة حتى لو هاجى على نفسى شوية ..

و انا شايف 500 الف كتير بصراحة ، العربية اكيد فعلا هتحتاج حاجات بعد الـ 30 الف زى ما الاخ شاهين بنز قال

يا جماعه انا هشتريها قسط هدفع 150 الف وكل شهر هدفع 50 الف فا الاجمالى هيكون 500 الف انا سالت عليها فى البافاريه كان فى واحده x3 2012 ماشيه 10000 كيلو اتباعت ب 500 الف فا انا شايف ان المعروضه عليا دى غاليه شويه مع انى اعرف ان بى ام المفروض بتخسر جامد بعد اول سنه وزى ما الاخ شاهين انها اكيد هتحتاج تغير حاجات من جوة ومشيت فى شوارع المحروسه ولما انا عرفت انها ماشيه 30 الف كيلو استكترت السعر عليها لانى حاسس انها متبهدله رغم ان العربيه نضيفه على كلام الى قالى عليها

[amrico]

78 الف جنيه زيادة وريح دماغك من وجع القلب

[waleedss]

لو مستعمل بمستعمل هات موديل اقدم سنه او اتنين رنجه من 250-300 ياتجيب زيرو

[TeMoON]

الحمد لله يا رجاله لغينا الفكره وما اشترينا العربيه وربنا ستر

[novo]

السلام عليكم ورحمه الله وبركاته
انا ادامى x3 موديل 2012 ماشيه 30000 كيلو الكامله الكمفورت ب 500000 مع العلم انى هدفع 150 الف واقسط الباقى على 7 شهور والعربيه نضيفه ودا على كلام الى قالى ولسه هاشوفها فا ارجو افادتكم ضرورى لانى حاسس ان 30000 كيلو كتير اوى
وشكرا

هيا 2000 ولا 3500

[mohamed_hamdi]

نصيحة يا تيمون باشا بلاش الكمفورت ٢٠١٢ لان في مشكلة فنية في Dynamic Damber control فيها بتعمل حدفة يمين باستمرار و ده سبب ان البافارية نزلت موديل ٢٠١٣ بدون الوظيفة دي

[TeMoON]

نصيحة يا تيمون باشا بلاش الكمفورت ٢٠١٢ لان في مشكلة فنية في dynamic damber control فيها بتعمل حدفة يمين باستمرار و ده سبب ان البافارية نزلت موديل ٢٠١٣ بدون الوظيفة دي

اشكرك يا محمد على النصيحه دى والحمد لله احنا لغينا الفكره اصلا وغير كدا بصراحه انا لست من هواه بى ام ووالدى كان عاوز يجيبها عشان عجباه بس الحمد لله اتلغت فكره بى ام نهائيا وربنا يكرمنا ويصلح حال البلد ولو كدا نروح لمرسيدس معشوقتى الاولى والاخيره

[zangry]

لو هتدفع 500 الف في عربية مستعملة طب ليه ! هات الـ2000 سي سي زيرو بـ450 وتبقي وفرت 50 الف + وفرت فلوس الضريبه + استهلاك بنزين اقل

[Batman372]

لو هتدفع 500 الف في عربية مستعملة طب ليه ! هات الـ2000 سي سي زيرو بـ450 وتبقي وفرت 50 الف + وفرت فلوس الضريبه + استهلاك بنزين اقل

+++111

[احمد فهمى]

هو 30 الف كيلو كتير على اقل من سنه ده استهلاك عالى