ابيع ولا استني

[rompo10]

انا بعد ال 316 جبت 523 وبفكر ابيع عشان موضوع البنزين لاني قلقان منه وانا تحركاتي كتير جدا ايه رايكم ولو البنزين غلي العربيه دي هاتبقي ببلاش الا ربع

[eslam3344]

كلام حضرتك حقيقي ومن المتوقع زياده بشكل مبالغ فيه بالنسبه للسيارات ذات المحركات 1500 فما اقل فمن وجهة نظر شخصيه لو امكن في المقدره الماديه انك تبيع وتشتري حاجه زي الجيتا بيتهيألي هتبقي في الجووووووووووووووووووووون
-فخامة واداء الالماني
-موتور قوي جدا بس 1.3 فانت كده ضحكت عليهم

[Amr_Moh]

1.3 ??

[A.Adel]

1.3 ??

أكيد يقصد 1400

[A.Adel]

@rompo10

اكيد حضرتك السعر هيتاثر
وكل الاحصائيات بتتوقع انخفاض مبيعات العربيات الاكبر من 1600 بنسبة 30 %

[rompo10]

ارميها يعني ولا ايه

[aboaya]

هى موديل كام وعامله كم اد ايه ومطلوب كام لاني بفكر فيها بس قلقان من ضريبتها

[A.Adel]

ارميها يعني ولا ايه

الإحصائيات دي بالنسبة للموديلات الجديدة

حضرتك مقلتش هي عربيتك موديل كام ؟؟

لو مستعملة موديل حديث يعني قول مثلا من 2005 , هتخسر أكيد بس العربيات دي ليها زبونها


لو مستعملة موديل قديم من 1995-2005 , ده اللي أظن إنه سوقه هيقع جامد
لأن دي شريحة سعرية أقل و هيتشال من عليها الدعم

[rompo10]

انا عربيتي 1999

[A.Adel]

انا عربيتي 1999

شوف حضرتك لما دورت على اسعار 523 موديل 1999
سعرها كان 100-110

رأيي المتواضع

مفيش حد في الفئة السعرية دي عنده استعداد يفول 92 بـ 4.25
وبالتالي المنطق بيقول للاسف هتخسر فيها جامد

يا ريت أكون ساعدتك

[Amr_Moh]

سؤال
هو ليه ال ٢٠٠٠ سي سي فما فوق ملوك بنزين مدعوم
مش دافع جمارك و ضرائب و رسوم تنميه و ترخيص أعلي كتير من ال ١٦٠٠
يعني مسدد الدعم مقدم !!!

[BMW]

اليس من اساسيات الدستور ان جميع المواطنين متساويين فى الحقوق والواجبات؟ فلماذا التفرقة بينهم على اساس السعة اللترية لسياراتهم. يبجب المساواة بينهم فى موضوع ال ١٥٠ لتر الشهرية ومن زاد استهلاكه عن ذلك يشترى لتر البنزين بالسعر غير المدعوم. هكذا تكون العدالة الاجتماعية وهكذا ينص الدستور.

ارجو ان يفتينا احد جهابذة القانون عن مدى دستورية قرار التفرقة بين السيارات وفقا لسعتها اللترية سواء بالنسبة لتمتعها بدعم الوقود او بالنسبة لضريبة تجديد الترخيص السنوى ورسم التنمية، وهل يعتبر ذلك ازدواج فى المعاملة الضريبية بالنسبة للسيارات ذات السعة اللترية المرتقعة

[aboaya]

الف شكر على الافادة الواحد مش عارف يلاقيها من الترخيص ولا البنزين ولا قطع الغيار اللي عماله تنط علشان الزفت الدولار
لنا الله

[rompo10]

شوف حضرتك لما دورت على اسعار 523 موديل 1999
سعرها كان 100-110

رأيي المتواضع

مفيش حد في الفئة السعرية دي عنده استعداد يفول 92 بـ 4.25
وبالتالي المنطق بيقول للاسف هتخسر فيها جامد

يا ريت أكون ساعدتك

هامشيها 80 ولما المتور يبوظ ابقي اجيب غيره اوفر

[eslam3344]

انا اسف كنت اقصد 1.4 غلطة غير مقصوده دي حاجه والحاجه التانيه انك بردوا هتبقي ملك لانك بردوا راكب الماني وللعلم والله انت الكسبان انا اعرف واحد معاه واحده موديل 2009 وماشيه 55 الف عايز يخلص فيها علي 140 وللعلم هي مولده Hp علي الداينو اللي في tps garage عامله 150 HP وشوف وقرر