سقاطة الباب الخلفي e90 بتعلق

[Amr_Moh]

سقاطة الباب الخلفي e90 بتعلق

سعت تفتح مع الريموت و سعات لا

هل كده مكنه اللوك بتاعت الباب بيظه؟.
اغيرها ولا ليها حل

حد ابلتو المشكلة ديه؟؟

[MohamedGafar]

عربية الكواليتي بتاعها زبالة! أنا عندي الزجاج اللي وراء هو اللي بيعلق لما ينزل لحد الآخر! ساعات يطلع وساعات لأ!!!!

حاولوا كذا مرة فى التوكيل يظبطوه ومفيش فائدة!!!!!

:(

تحياتي.........

[Mohab.Nabil]

عربية الكواليتي بتاعها زبالة!

اسف لتدخلى فى الموضوع بس انا مستغرب بصراحة

بس هل فعلا جودة العربية وحشة كده ؟ .. طيب الواحد يعمل ايه اكتر من كده .. 360 الف جنيه و يركب بى ام و برضه يلاقى مشاكل !!!!

[MohamedGafar]

اسف لتدخلى فى الموضوع بس انا مستغرب بصراحة

بس هل فعلا جودة العربية وحشة كده ؟ .. طيب الواحد يعمل ايه اكتر من كده .. 360 الف جنيه و يركب بى ام و برضه يلاقى مشاكل !!!!

للأسف مش نفس الكواليتي بتاع الألماني بتاع زمان!!! شوف عربيات الثمانينات والتسعينات الألماني ماشية زي الفل لغاية دلوقتي إزاي!!!

لأ مش نفس الكواليتي بتاع زمان أبداً...عندي كباس التكييف باظ وهي عاملة 48000 كيلو وثمنه 12000 جنيه وإضطريت أجيبه من بره ووقف على بالتركيب حوالي 7000 جنيه!!!

وآخرها العربية بتنقط زيت من تحت من جوان من الجوانات ومش فاضي أوديها تتعمل....كل ده وأنا بأمشي بالعربية المشي العادي والجري العادي على طرق السفر ، يعني لا بأشد ولا غرز ولا أي حاجة من الحاجات دي!!!

لا تعليق...........

[maskeen]

على فكره...انا بقى الباب الخلفى شمال زرار الزجاج فيه معلق برضه من يوم ماجبتها من سنتين

وفيه كام مشكله هايفه كده كمان بس انا شارى دماغى...

واضح تماما ان التقفيل المصرى مستحيل يكون زى الالمانى مهما الناس حاولت تثبت ده

[maskeen]

برغم ان راكب e60 موديل 2006
لكن ان شاء الله العربيه الجايه هاتكون واحده من دول
c180
316
S80

لانى مش هاجيب تقفيل مصرى تانى

[Mohab.Nabil]

للأسف مش نفس الكواليتي بتاع الألماني بتاع زمان!!! شوف عربيات الثمانينات والتسعينات الألماني ماشية زي الفل لغاية دلوقتي إزاي!!!

لأ مش نفس الكواليتي بتاع زمان أبداً...عندي كباس التكييف باظ وهي عاملة 48000 كيلو وثمنه 12000 جنيه وإضطريت أجيبه من بره ووقف على بالتركيب حوالي 7000 جنيه!!!

وآخرها العربية بتنقط زيت من تحت من جوان من الجوانات ومش فاضي أوديها تتعمل....كل ده وأنا بأمشي بالعربية المشي العادي والجري العادي على طرق السفر ، يعني لا بأشد ولا غرز ولا أي حاجة من الحاجات دي!!!

لا تعليق...........

ربنا معاك يا باشا و ان شاء الله تبقى اخر الاعطال .. دا الواحد كان بيقول لو ربنا كرمه و ركب البى دابليو هيشيل من دماغه موضوع الاعطال و الحاجات اللى تضايق ديه .. ربنا يبارك لك فيها يا باشا و يحميها من كل شر ان شاء الله

[Mohab.Nabil]

على فكره...انا بقى الباب الخلفى شمال زرار الزجاج فيه معلق برضه من يوم ماجبتها من سنتين

وفيه كام مشكله هايفه كده كمان بس انا شارى دماغى...

واضح تماما ان التقفيل المصرى مستحيل يكون زى الالمانى مهما الناس حاولت تثبت ده

برغم ان راكب e60 موديل 2006
لكن ان شاء الله العربيه الجايه هاتكون واحده من دول
c180
316
s80

لانى مش هاجيب تقفيل مصرى تانى

دا عيب اوى و الله الكلام ده .. هو احنا فى البلد ديه مش مكتوب لينا ان احنا نستمتع بالحاجة ؟؟

يعنى الواحد هيعمل ايه غير انه يركب اعلى عربيات فى الفئة بتاعتها و برضه يقابل مشاكل

بصراحة انا مستغرب جدا من الكلام ده و زعلان و لولا ان الكلام دا من الملاك و من ناس محترمة جدا كنت هقول ان هدفه تشويه الماركة ..

[maskeen]

العربيه معايا ممتازه وعيوبها قليله فعلا انا لازم اكون عادل..
لكن انا علشان مهندس وفى التصميم بقيس كل شىء بقاعدة "value-for-the-money"

يعنى انا كان معايا كورولا 2003 ..مشيت بها 240 الف..الصيانات ف المواعيد بسعر معقول...عمر ما ميكانيكى عمل فيها حاجه..الحاجات اللى باظت كانت
-طقم درياج ب 900 جنيه بعد 120 الف كم
-مساعدين ب 1400 ب 160 الف
-كباس تكييف ب 2000 بعد 190 الف

ودمتم..واتباعت بالتليفون ف 2011 ب 66 الف جنيه

يبقى دى مثال حى على الكفاءه والقيمه المحفوظه

[ENG\AHMED]

سقاطة الباب الخلفي e90 بتعلق

سعت تفتح مع الريموت و سعات لا

هل كده مكنه اللوك بتاعت الباب بيظه؟.
اغيرها ولا ليها حل

حد ابلتو المشكلة ديه؟؟

الحركة دى قابلتنى فى الاوبل قبل كده
كان الباب اللى ورا شمال يعلق فى الفتح والقفل من الريموت لو السقاطة طالعة لفوق , لكن لما انزلها بالايد الباب يفتح ويقفل عادى مع الريموت والسقاطة مبتتحركش لفوق ... المهم العربية بقالها سنين على الوضع وانا مكبر دماغى منها

السنتر فى الفكترا كان مع الكالون فى وحدة واحدة والاكرة والسقاطة داخلين على الوحدة بـ links , عندك مش عارف الوضع ايه بس مش هتلاقى فروق كبيرة

[MohamedGafar]

آه نسيت أقولكم إن ماكينة الزجاج جوه الباب المجري بتاعها على قوائم بلاستيك هي والقاعدة بتاعتها ، الغرض من اني أبلغكم انكم تخلوا بالكم إنكم ماترزعوش الباب جامد (خاصة من الأطفال) لأنها ممكن تنكسر بسهولة وحصلت مع واحد صاحبي فعلا.

[Amr_Moh]

رشيت عليه

wd40


و شغال بشكل افضل