موقف في الحرفين

[rompo10]

من فتره لمبه abs بتنور عندي في العربيه وطبعا معاها لمبه التزحلق نزلت القاهره ورحت الحرفين دخلتها علي الجهاز ولقيت حساس الفرده الشمال هو السبب الراجل قالي روح هات واحد جديد رحت ادور كل الناس قالولي الحساس دا مش بايظ وواحد ابن حلال قالي هاكشفلك علي الحساس بجهاز عنده وقالي سليم شوف السلوك ممكن تكون مقطوعه من جوه رجعت للراجل قلتله شوف السلوك قالي انا فاهم شغلي والحساس بايظ ومش هاشوف السلوك قلتله قفل وسيبه ورحت لواحد تاني بس علي قده كده وقلتله فك الحساس وقطع السلك ولقي فعلا السلك مقطوع عمله وركبه واشتغل تمام الحمد الله انا حكيت الموضوع دا عشان كل واحد ياخد باله في التعامل مع الصنايعيه لانهم بيحبوا يريحوا دماغهم والتكلفه نزلت من 400 جنيه ل 20 جنيه

[SAMEH_FOUAD]

الحمد لله

وانا لو منك كنت رجعت للى بيسمى نفسة ميكانيكى دة ,وقولة العيب طلع من السلك ياللى فاهم شغلك , واتق الله قبل ماتدبس ناس فى تغير قطع غيار بارقام فلكية عشان مش قادر تكلف نفسك وتفحص العيب كويس

[engenany]

من فتره لمبه abs بتنور عندي في العربيه وطبعا معاها لمبه التزحلق نزلت القاهره ورحت الحرفين دخلتها علي الجهاز ولقيت حساس الفرده الشمال هو السبب الراجل قالي روح هات واحد جديد رحت ادور كل الناس قالولي الحساس دا مش بايظ وواحد ابن حلال قالي هاكشفلك علي الحساس بجهاز عنده وقالي سليم شوف السلوك ممكن تكون مقطوعه من جوه رجعت للراجل قلتله شوف السلوك قالي انا فاهم شغلي والحساس بايظ ومش هاشوف السلوك قلتله قفل وسيبه ورحت لواحد تاني بس علي قده كده وقلتله فك الحساس وقطع السلك ولقي فعلا السلك مقطوع عمله وركبه واشتغل تمام الحمد الله انا حكيت الموضوع دا عشان كل واحد ياخد باله في التعامل مع الصنايعيه لانهم بيحبوا يريحوا دماغهم والتكلفه نزلت من 400 جنيه ل 20 جنيه

فاهم شغلة!!! نبيه اوى الاخ
كبر دماغك دى عالم عايزة علاج نفسى

[wael30003]

انت لو رحت وحكيت اللى حصل

هيعرف انه بودان من غير ما انت تقوله

مع الاعتذار للودان لأنه فاهم شغله

[نينو]

بس ياريت تقولنا اسم الميكانيكي ده ايه و اللي صلحوه مين عشان نستفاد

[rompo10]

والله ياجماعه انا عارف طريق الورشه لكن ماعرفش رقم البلوك هو اسمه محمد واللي صلح اسمه سيد

[نينو]

هو متخصص بي ام بس