رجاء النصيجه بخصوص e39 بقكر في الشراء

[mhmdalsaadany]

السلام عليكم رجاله المنتدى الكرام ورجاله البي ام
انا كنت بفكر في شراء E39 532i او 525i موديل 2001-2003 برجاء النصيحه بخصوص السياره هل اختيار جيد وال لأ انا بركب السياره اسبوعين فقط في الشهر لظروف عملي وانا تقريبا استخدامي متوسط 5000 كم فقط في السنه وهتكون دي العربيه التانيه للعيله يعني للخروجات النضيفه والسفر فقط لا غير
برجاء النصيحه بخصوص قطع الغيار متوسط السعر للحاله النضيفه وهل اشاعه ان بعد شهر 7 وتطبيق نظام الكوبونات العربيات دي هتكون بتراب الفلوس ولا ايه نظامها وياريت لو اعرف مصاريف الترخيص كام لو سمحتوا
ولكم جزيل الشكر

[dramir1]

متابع باهتمام

[inspiron]

أحسن موديل للعربية دي 525i individual موديل 2003
بتكون بمحرك 2500 سي سي 192 حصان
بس بشرط .. الحــــــــــــــالة..بمعني لازم تكون عاملة كيلو متر معقول..مع الأخذ في الإعتبار إن الـ 100 ألف كيلو بالنسبة للعربيات دي ولا حاجة
ويكون حالة الصاج والدهان نظيفة حتي لو رشة.
فيما يتعلق بالشاسيه والموتور والفتيس والعفشة..لازم كشف الوكيل..في أبو رواش طريق مصر الإسكندرية ياخد منك رسوم كشف وتقرير شامل 400 جنيه

بالنسبة للصيانة وقطع الغيار..الصيانة خليك في منصور جسر السويس..أو حميد 6 أكتوبر الحصري
بالنسبة لقطع الغيار..بإختصار ( الحرفيين ) فيها كل ما تشتهي الأنفس للموديل ده.الأسعار علي حسب اللي هتجيبه بس كلها في المتناول.يعني عندك علي سبيل المثال طقم المقصات ورا وأدام بيعمل 2500-2800 جنيه (إستيراد) حالة ممتازة

بالنسبة لموضوع سعرها بعد البنزين..مش هقدر أقولك غير ربنا يستر..حالياً أنا معايا العربية التانية مرسيدس s320 موديل 2002 وبفكر في الموضوع ده كل يوم.بس أنا ماشي بمبدأ..أنا راكب عربية luxury ومبسوط بيها ومريحاني وماسكة نفسها وحالتها 100%..ايه يخليني أفكر في البيع ؟؟ طيب أمال بقا اللي كان معاه العربية دي من أول يد وكان جايبها بمليون جنيه.يا تري حاسس بإيه وهو بيبيع بـ 300 ألف :)...العملية نسبة وتناسب..العربيات العالية دي الدنيا تتشال تتحط هي كده كده خلاص سعرها بالفعل واقع..هيروح فين تاني ؟

[mhmdalsaadany]

الف مليون شكر ليك يا فنجم حضرتك بصراحه شجعتني جدا انا كنت متردد وخايف من موضوع قلة قطع الغيار طيب معلش انا هتقل على حضرتك ممكن متوسط سعر للحاله النضيفه يكون كام وممكن اعرف بعد اذنك الترخيص كام في السنه معلش بتقل على حضرتك وشكرا

[dramir1]

وياريت لو في معلومات عن الرائعة 740 موديل 2000. من حيث قطع الغيار

[inspiron]

الف مليون شكر ليك يا فنجم حضرتك بصراحه شجعتني جدا انا كنت متردد وخايف من موضوع قلة قطع الغيار طيب معلش انا هتقل على حضرتك ممكن متوسط سعر للحاله النضيفه يكون كام وممكن اعرف بعد اذنك الترخيص كام في السنه معلش بتقل على حضرتك وشكرا

الشكر لله يا فندم تحت أمرك..بالنسبة لمتوسط سعر الحالة النظيفة.لو 2002-2003 بتتكلم في حوالي 130-145 ألف جنيه تزيد سِنة أو تقل سِنة..بالنسبة للترخيص العربية بيعاملوها في المرور معاملة الصناعة المحلية..فترخيصها بيكون بالظبط 970 جنيه سنوياً + 200 جنيه تأمين
نصيحة :- العربيات دي عاوز تركبها وانت مطمن..متركبهاش بعد شاب.

وياريت لو في معلومات عن الرائعة 740 موديل 2000. من حيث قطع الغيار

الـ e38 والـ e39 بيشتركوا في حاجات معينة في قطع الغيار.وإن كان في إختلافات بسيطة من ناحية المحرك.لكن كإنتشار قطع غيار..الـ e39 أكتر طبعاً بسبب إنتشار العربية..الـ e38 عربية نادرة شوية

[mhmdalsaadany]

يا باشا ربنا يبارك فيك وجزاك الله كل الخير انا ان شاء الله بحاول ادور على حاجه نضيفه تكون استعمال رجل كبير مش شاب عشان دي المفروض انها هتكون الركوبه النضيفه بتاعتي ان شاء الله وربنا يسهل واشوف حاجه نضيفه حتى لو موديل اقل بس شرط الحاله حتى كمان لو 520 مش مهم المهم عتدي والفيصل الحاله وربنا يسهل بس انا سمعت اسعار اقل يعني من اول 105 لجد 125 مش اكتر بس دا من غير معاينه دا من كونتكت كارز وكلام اصحابي وربنا يسهل ياباشا وشكرا لتعب حضرتك معايا

[inspiron]

يا باشا ربنا يبارك فيك وجزاك الله كل الخير انا ان شاء الله بحاول ادور على حاجه نضيفه تكون استعمال رجل كبير مش شاب عشان دي المفروض انها هتكون الركوبه النضيفه بتاعتي ان شاء الله وربنا يسهل واشوف حاجه نضيفه حتى لو موديل اقل بس شرط الحاله حتى كمان لو 520 مش مهم المهم عتدي والفيصل الحاله وربنا يسهل بس انا سمعت اسعار اقل يعني من اول 105 لجد 125 مش اكتر بس دا من غير معاينه دا من كونتكت كارز وكلام اصحابي وربنا يسهل ياباشا وشكرا لتعب حضرتك معايا

ربنا يصلحلك الحال...الأسعار دي بعيدة عن الـ 2002-2003 النظيف..أنا بايع عربيتي من سنة 523 إنديفيدوال 2001 بـ 140000 جنيه .. وده فيديو ليها شوف حالتها

https://www.youtube.com/watch?v=mmfc4yO7dkw&list=UUu9zSdqD4GloNn_7fWY-dZw&index=10

https://www.youtube.com/watch?v=pIuzHf_qWys&list=UUu9zSdqD4GloNn_7fWY-dZw

غير كواليتي الفيديو إلي 360 بيكسل عشان الصورة تكون واضحة

[dramir1]

ربنا يبارك فيك وجزاك الله كل الخير

[rompo10]

عربيه ممتازه بس تحس انك شايل حاجه تقيله وماشي بيها والعربيه غبيه اوي اوي علي الطريق

[inspiron]

عربيه ممتازه بس تحس انك شايل حاجه تقيله وماشي بيها والعربيه غبيه اوي اوي علي الطريق

أنا ليا وجهة نظر في العربية دي..إن الـ 520 والـ 523 بالنسبة للـ e39 المواتير دي تعتبر متواضعة بالنسبة لحجم العربية ووزنها..يعني عربية زي دي أعتقد الـ 170 حصان شوية عليها..لذلك العربية دي لما نزلت 525 بالـ 192 حصان..فرق السماء من الأرض في الأداء.0-100 7.5 ثانية تقريباً وتوب سبيد 250 .. دلع يعني