ضغط الاطارات المناسب ل رن فلات 17"

[GeneralX]

السلام عليكم,

شباب انا عندي 320i بجنط 17 رن فلات.الضغط المكتوب في الكاتالوج هو حوالي 32 امامي و 36 خلفي.بس كذا حد نصحني ان كدة كتير قوي خاصة في الصيف.هل من الافضل التزم بالارقام دي ولا اقضيها 30 عادي.و هل في مميزيات او عيوب لكل طربقة؟

[Karim Ibiza]

خليك ماشى على الكتالوج لأن الضغط واحد فى كل المقاسات
اللى بيفرق الوزن
وعشان كده هتلاقيه كاتبلك الضغط بنص الحمولة والضغط بالحمولة الكاملة

[Karim_Monir]

مع احترامي للي نصحوك هو هايفهم اكتر من اللي صنع العربية ؟؟ :-)
على فكرة اهم حاجة في المحافظة على عمر الران فلات وبالذات اللو بروفايل انك ماينزلش الضغط عندك ابدا عشان لو نزل هايحمل على كتف الكاوتش ويقطعه بسهولة جدا خاصة ان ارضنا مطبات شنيعه

[Ahmed_Adham]

نفس الكلام اللي بيقولهولي بتاع الكاوتش لما أقوله 35 يقولي هيه 30 يا بيه أقوله اللي عملوها قالو 35. أعتقد كلهم بيكررو نفس الكلام ومش فاهمين ان حتى نفس مقاس العجله ممكن ياخد قيم ضغط مختلفه حسب وزن العربيه.

على فكره فرق الصيف من الشتا كله على بعضه درجتين ضغط زياده وده مش هيأثر على حاجه لأن العجله ليها أقصى ضغط 44 (عندي) والفرق بين البارد (عربيه واقفه بقالها كام ساعه) من السخن (عربيه ماشيه على الطريق) 4-5 درجات بالكتير.

[Karim Ibiza]

المعلومة بقى الأهم انك عشان تظبط الضغط صح يبقى لازم تظبطه والعجل بارد ويفضل لو تظبطه عند اى بتاع كاوتش جنب بيتك بس يكون العداد بتاعه سليم

[Karim_Monir]

والافضل اشتريلك مقاس ضغط ديجتال لان معظم اللي عند بتوع الكواتش بايظين بجد

[svneleven]

والافضل اشتريلك مقاس ضغط ديجتال لان معظم اللي عند بتوع الكواتش بايظين بجد

فعلا معظمهم بايظ. أنا جايب واحد لكن أنالوج مش ديجيتال و بروح لبتاع الكاوتش حتي لو العربية سخنة أخليه يظبط علي 35 و لما أرجع أركن العربية أسيبها تبرد و أنزل الصبح أقيس و أخرج هوا لحد ما أظبط كله 32 و شكرا.

[alzelafy]

من ضمن اخطائهم عدم الاهتمام بتركيب الكاوتش حسب اتجاة النقشه و يقلك كلو ماشى يعنى هى كدة مش هتمشى؟؟؟؟ حاجه غريبه جدا المفروض نراجع على كل صنايعى شغال فى العربيه و الواحد يبقى له خبرة عشان مبيوظش حاجه

[Karim_Monir]

فعلا معظمهم بايظ. أنا جايب واحد لكن أنالوج مش ديجيتال و بروح لبتاع الكاوتش حتي لو العربية سخنة أخليه يظبط علي 35 و لما أرجع أركن العربية أسيبها تبرد و أنزل الصبح أقيس و أخرج هوا لحد ما أظبط كله 32 و شكرا.

بس الصح لو مقاسك 16 29 قدام و 32 ورا
هاتلاقية مكتوب عالباب

[massoh]

طب سؤال : هل اغير واحط نيتروجين ؟؟ ولا مش فارق فى الرن فلات؟؟؟ ارجو النصيحة مع توضيح المزايا والعيوب

[gebreel]

هو الرن فلات في ال316 الجديدة فيه هواء ولا نيتروجين؟

[svneleven]

بس الصح لو مقاسك 16 29 قدام و 32 ورا
هاتلاقية مكتوب عالباب

كلام حضرتك تمام. أنا بتكلم علي الانترا لأني كان معايا الانترا 2012 و كنت بعمل فيها كده علي 32. ال بي أم لسه جايبها من كام شهر و من ساعتها ما بصتش علي الكاوتش. ان شاء الله هظبط أول ما أنزل 29 قدام و 32 ورا زي ما حضرتك قولت.

[Karim_Monir]

بس خد بالك انك 17 لان ممكن يكون ليها مقاس تاني
ونصيحة لازم تكشف هوا كل اسبوع
انت لو بروفايل واكيد ران فلات وده سر صحتة الضغط المظبوط عشان العربية وزنها طن ونص

[svneleven]

أنا عندي الجنط ال 16 و راجعت القايم لقيت مكتوب 2 بار قدام و 2.5 بار ورا مع حمولة 4 أفراد. بما أن البار حوالي 14.5 psi يبقي 29 قدام و 36 ورا. ده كده هتبقي العفشة ناشفة مووت.

[Karim_Monir]

أنا عندي الجنط ال 16 و راجعت القايم لقيت مكتوب 2 بار قدام و 2.5 بار ورا مع حمولة 4 أفراد. بما أن البار حوالي 14.5 psi يبقي 29 قدام و 36 ورا. ده كده هتبقي العفشة ناشفة مووت.

انا بظبط 29-32
علي حمولة فردين اللي هو معظم الوقت بفردين في العربيه
مش ناقص دبه كفاية الران فلات والعفشة الناشفة