مشكله في الفرامل

[Maged.Esmail]

السلام عليكم

العربيه BMW e46 318i 1999
يا شباب انا عندي مشكله في العربيه لما بدوس فرامل و انا علي سرعه بلاقي العربيه فيها رعشه او رجره علي حسب سرعه العربيه لو بجري بسرعه من اول 80

بس الرجره علي مثلاً 160 بتبقى فظيعه بحس ان العربيه هاتتفكك من بعضها طبعا و الدريكسيون بيتأثر بي كل الكلام دا
انا مش عارف اعمل ايه ياريت لو حد يساعدنى ويوقولي ممكن أصلح المشكله دي عند مين والتكلفه

[mem]

ما تقلقش المشكله بسيطه
الطنابيير عندك عايزه تتخرط
خلى حد يخلع لك الطنابير وروح عند خراط كويس قوله عايز اخرط الطنابيير ده او قول له عايز امسهم
وكله هيبقى تمام

[نينو]

طنابير و يستحسن تغيرهم انا كان عندي نفس الحكاية في e46 وغيرت الطنابير

[tone]

مشكلة طنـــــــــــــــــــــــــــابير

[Maged.Esmail]

انا غيرت الطنابير القدام لما غيرت الركبتين قدام
كنت إشتريت ركبتين إستيراد كاملين مع العلم إن المشكله كانت موجوده قبل ما أغير الركبتين

دلوقتي أغير الطنابير الخلفيه ولا أخرط الطنابير كلها؟؟

[Maged.Esmail]

مفيش جديد يا شباب؟

[titos_81]

الطنابيير مش صح انها تتخرط و خصوصا الى قدام عشان مفرغه من جوه و الخرط بيضعفها و ساعات مش بييجى مظبوط و الرجه تزيد شوف لو الطنابيير فيها عتب جامد من ناحيه الشفه اللى بره تبقى متاكله و لازم تتغير و لو التيل سليم ركبه مع الطنابيير الجديده و هو حيطبع و الفرامل حتظبط متقلقش