قطع غيار اصلية اصلية

[yasser_0339]

للافادة للجميع


ميكانيكي يا جماعة كان شغال في التوكيل ، شغله جامد اوي ، من فنيات ، صيانة دورية ، قطع غيار اصلية اصلية فعلا ، استيراد .


انا بقول كلمة حق مش اكتر ، الراجل ده جامد اوي يا جماعة اوي متخصص كل فئات البي ام عنده جهاز كشف ، صنايعية كبيرة مش عيال صغيرة شغالة وراجل محترم اوي في معاملته وبيراعي ربنا اوي في كل حاجة حتي في المصنعية وفي شغله للعربية بتطلع من عنده بعد الصيانة من كشف وتظبيط مالهاش حل من ثبات وصوت الموتور وسحب العربية .

انا حبيت اقولكم عليه للافادة انا جربت ناس كتير في الصيانة وفي بيع قطع الغيار وبدون ما اجيب سيرة حد واقولك عمل ايه مش بحب اقطع رزق حد . لكن الراجل ده تمام اوي يا جماعة اوي والمهم عند اي حد فينا ان العربية تبقي تمام تماااااااااااااااااام في الاخر . وكمان قطع غيار لما تركبها هتحس بيها في العربية .

ورشته في مدينة النور - من شارع شبرا --------------- 26794132 \ 012 - علي

[نينو]

طيب ياريت يا ياسر تقولنا عملت ايه عندو و اسعارو ايه يعني شوية تفاصيل ولي في الكهربة و العفشة و لا ميكانيكي بس
انت جبت e46 ولا جبت ايه

[yasser_0339]

انا معايا e46

له في العفشة برضه انا بربطها عنده باستمرار ، اما بالنسبة للكهرباء ما اعتقدتش ، احلي حاجة فيه انه مش بيفتي زي الباقي ولو ساعتها انت عنده ومحتاج كهربائي ممكن يتصل بحد متخصص وتروح له ، بالنسبة للاسعار ما اقدرش بصراحة اتكلم فيها ده رزق ، وانا بصراحة مخدتش رايه في اني اضيف اسمه ورقم علي الموقع ـ بس كل اللي اقدر اقوله انه متخصص بي ام فاهم بيعمل ايه ، ولو استمريت عنده بالعربية هتحس بيها بعد كده ، بالنسبة للاسعار اتصل بيه واساله علي اي حاجة او عايز تعمل صيانة اتصل بيه واساله رااااااااااااجل في منتهي الذوق والرجولة بجد

[Karim_Monir]

هو ده يهتبر اعلان بس هاعديهالك
هاها بهزر معاك
فين في مدينة النور من مرور عبود
بيشتغل في e90 ولا لاء
بيشتغل في عفشتها عشان بتحتاج معاملة خاصة ولا ايه

[yasser_0339]

اول ما تدخل مدينة النور في مصنع علي شمالك اول شارع يقابلك يمين وانا حاطط رقم تليفونه اتصل بيه اول ما توصل هناك وبقول حضرتك ده متخصص بي ام فقط لا غير لو جبتله مرسيدس مش هيشتغل فيها بي ام فقط لا غير .