إستفسار بخصوص تعديل BMW 316 e21 1982

[creator]

السلام عليكم .. أعضاء منتدى نايل موتورز المحترمين جداً .. أنا قريت مواضيع كتير عندكوا .. فلقيت ناس كتير هنا .. بتحب تخدم بجد .. وبتفهم جداً .. ما شاءالله عليكم .. وربنا يكرمك .. :)

أنا أحمد ضياء من شبين الكوم

وبصراحة نفسى أركب BMW بس طبعاً عارفين التكلفة عالية لشراء BMW موديل جديد .. :(

أنا قدامي عربية BMW 316 e 21 1982
هو طالب فيها 17.000 جنية
هى رخصتها هتنتهي كمان شهر .. وكدة كدة هعلمها بإسمي .. حالتها كويسة كعفشة وموتور

هى لونها أسمر .. بس شكلها مش عاجبني إصراحة

لإن هى فوانيسها الامامية .. فانوس واحد مش إتنين

... فكنت بسأل لو حبيت أعمل فيها تعديلات

أولاً ... إنى أرشها تاني
ثانياً ... عمل أعتاب وإكصدامات
ثالثاً... أغير الجنوك
رابعاً .. أغير الشبكة الامامية والفوانيس .. للموديل الأعلى . ده ممكن

ويارررررررررريت التكلفة هتبقة تقريباً كام .. :)

وهبقة متشكر ليكم .. أنا بجد نفسى أركب العربية دي .. وعاوز يبقة شكلها حلو .. إن شاءالله .. :)

هى ماتورها 1600

:)

[Patrickologyy]

عايز تعدلها ل e30 يعنى ؟!

[creator]

عايز تعدلها ل e30 يعنى ؟!

في الشكل .. أيوة يا باشا :)

[sheko_2000eg]

لو هتعدلها e30 ادام و ورا هتكلفك بالمصنعيات 7000ج تقريبا غير الرش

[creator]

لو هتعدلها e30 ادام و ورا هتكلفك بالمصنعيات 7000ج تقريبا غير الرش

متشكر يا باشا على ردك .. إلى في محله فعلاً


بس ممكن حضرتك تقولي .. الـ 7000 جنية ... هيبقو تكلفة أيه بالظبط .. يعني هيتفير فيها أيه .. مش كل حاجة تمنها بالتفصيل ... عشان متعبش حضرتك معايا :)

ومتشكرين جداً لحضرتك على ذوقك وإهتمامك .. ووفقك الله :)