تستاهل البي ام و لا بلاش منها !!

[samehshokry]

هتلاقى فرق جامد فى المصاريف ( قطع غيار و صيانة ) + تعب و دوخة فى البحث عن قطع الغيار و التصليح
هتلاقى عربية افضل و متعة قيادة

وخصوصا في الغردقه ، هيطلع عيني عشان الاقي قطع الغيار . بس بصراحه هموت عليها
خايف احسن اجيبها و ادبس فيها

[شريف حجازي]

بص شكلك حابب البي ام علي فكرة طول ما انتا حابب البي ام مش هترتاح غير لما تجيبها عموما هيا عربية ركوبة وجميلة وحمالة بس عايزة مراعية للصيانة في مواعيدها تظبيط قطع غيار اصلية علشان تعمر معاك وتعرف ان في اعيادة البيع بتخسر وده طبيعي مع البي ام علشان زبونها عزيز شويتين ومبروك مقدما

[M.Ayman]

انا معرفش اسعار قطع الغيار في اللانسر ايه بس ابسط حاجه علبه الدركسيون سعرها استيراد ١٠٠٠ جنيه مش ٤٠٠٠ غير بقي لو جديده معرفش تعمل كام ...... الدبانه فعلا اسعار قطع غيارها حلوه جدا هتسرفس يعني زيت شل اصفر ٥٠٠٠ مع فلتر بنزين مثلا سعرهم مش غالي عادي زي اي عربيه عاديه ايه تاني مخوفك منها !؟ .... مع العلم حاجتين تاخد بالك منهم اولا حالة العربيه اللي هتاخدها جيب عربيه خلصانه مش محتاجه جنيه افضل من انك تعمل واحده ثاني حاجه متسمعش كلام واحد بس او تاخد رأي واحد بس اسأل كتير و اسمع اراء كتير منها الفتي و منها الجد الاسعار مش اول تاجر تشتري منه لف و اسأل و اعرف رينج الحاجه كام سعره حلو ولا غالي حاله الحاجه ايه .... الكلام ده بقي بالتعود واحده واحده هتمشي فيه ان شاء الله

[youssef_nassef]

انا راكب لانسر كريستاله 99 و كنت عاوز ابيعها و اجيب بي ام e34 - او e 36 سواء 318 او 316 مش مهم
بس كنت دايما بسمع عن القطع الغيار الغاليه بتاعه البي ام ... فكنت عايز اعرف كمقارنه ما بينها و بين الكريستاله من حيث قطع الغيار ... فعلا هنشقلطني و لا الناس مزوداها
مره قريت ان علبه الدركسيون ب 4000 جنيه بس ماكنتش عارف بتاعه انهي موديل ....

ياريت الافاده عشان ابقي فاهم الخطوه دي هقدر عليها و لا هصرف عليها اكتر من سعرها بعد ما اجيبها
و خصوصا ان فيه حد قال ان الواحد يخلي حسبه 10000 جنيه بره سعرها عشان اظبطها ...
مع اني بعد ما جبت الكريستاله ظبطها بعد ماجبتها من طقم سرفيس و و طقم جنوط وغيره ماكلفتنيش اكتر من 2000 او 2500 ..... فياريت الايضاح و شكرا

بص يا بيه فى فرق شاسع جدا بين الكريستاله و البى أم مش بس فى أسعار قطع الغيار والصيانه بس كمان فى فرق الثبات والأداء و عزم و إمكانيات العربيه ولو ركبت بى إم مش حتعرف تركب لانسر تانى أبدا و بالنسبه انك بتقارن بين E36 و E34 فدى حاجه و دى حاجه تانيه خالص الE36 عربيه شبابيه وصغيره مقارنه ب E34 وانا عن نفسى ركبت الأتنين و مبسوط من الE34 أكتر مع انها 518 والE36 كانت 328 بس انا مش بقارن مواتير علشان المقارنه مش حتبقى فى صالح ال 1800 c.c بس العربيه أكبر و أعرض وأريح و أثبت وغير الكماليات بتاعتها الفابريقه أكتر بس المهم زى ما قال الزميل انت محتاج أيه من العربيه

[samehshokry]

بص شكلك حابب البي ام علي فكرة طول ما انتا حابب البي ام مش هترتاح غير لما تجيبها عموما هيا عربية ركوبة وجميلة وحمالة بس عايزة مراعية للصيانة في مواعيدها تظبيط قطع غيار اصلية علشان تعمر معاك وتعرف ان في اعيادة البيع بتخسر وده طبيعي مع البي ام علشان زبونها عزيز شويتين ومبروك مقدما

بصراحه عندك حق ، شكلي مش هرتاح غير لما اجيبها
بس بقول بيني و ما بين نفسي اني ممكن اقعد ازن عليها لغايه ما اجيبها و بعدين الاقيها عورتني في مصاريفها و اندم اني جبتها .. بس بصراحه عجباني
شكرا يا باشا علي مرورك و ردك

[samehshokry]

انا معرفش اسعار قطع الغيار في اللانسر ايه بس ابسط حاجه علبه الدركسيون سعرها استيراد ١٠٠٠ جنيه مش ٤٠٠٠ غير بقي لو جديده معرفش تعمل كام ...... الدبانه فعلا اسعار قطع غيارها حلوه جدا هتسرفس يعني زيت شل اصفر ٥٠٠٠ مع فلتر بنزين مثلا سعرهم مش غالي عادي زي اي عربيه عاديه ايه تاني مخوفك منها !؟ .... مع العلم حاجتين تاخد بالك منهم اولا حالة العربيه اللي هتاخدها جيب عربيه خلصانه مش محتاجه جنيه افضل من انك تعمل واحده ثاني حاجه متسمعش كلام واحد بس او تاخد رأي واحد بس اسأل كتير و اسمع اراء كتير منها الفتي و منها الجد الاسعار مش اول تاجر تشتري منه لف و اسأل و اعرف رينج الحاجه كام سعره حلو ولا غالي حاله الحاجه ايه .... الكلام ده بقي بالتعود واحده واحده هتمشي فيه ان شاء الله

يا سلام عليك طمنتني ...
بس فيه ناس بتقول ان اسعار الدبانه في قطع الغيار معقوله
انما اسعار موديلات من 99 ل 2002 هو اللي غالي شويه
الكلام ده صحيح ؟

[samehshokry]

بص يا بيه فى فرق شاسع جدا بين الكريستاله و البى أم مش بس فى أسعار قطع الغيار والصيانه بس كمان فى فرق الثبات والأداء و عزم و إمكانيات العربيه ولو ركبت بى إم مش حتعرف تركب لانسر تانى أبدا و بالنسبه انك بتقارن بين E36 و E34 فدى حاجه و دى حاجه تانيه خالص الE36 عربيه شبابيه وصغيره مقارنه ب E34 وانا عن نفسى ركبت الأتنين و مبسوط من الE34 أكتر مع انها 518 والE36 كانت 328 بس انا مش بقارن مواتير علشان المقارنه مش حتبقى فى صالح ال 1800 c.c بس العربيه أكبر و أعرض وأريح و أثبت وغير الكماليات بتاعتها الفابريقه أكتر بس المهم زى ما قال الزميل انت محتاج أيه من العربيه

انا متفق معاك جدا انه فيه فرق في القوه و الثبات و الاداء بين الاتنين
انما ايه حكايه فرق شاسع في اسعار قطع الغيار و الصيانه دي
انت هتوغوشني ليه

من ناحيه ال e34 - و ال e 36
بيتهيألي لو جبت e 34 - 318 من موديل 99 الي 2001 .. هتبقي زي الفل من حيث الشكل ( صغيره و شبابيه ) و من ناحيه استهلاك البنزين ,,, و خصوصا لو طلع موضوع البنزين الجديد ده بجد