سعر كاوتش Run Flat 225/45/17

[GeneralX]

يا شباب انا محتاج اشتري طقم Run Flat 225/45/17 حد عدة فكرة الفردة تعمل كام تقريبا و اشتريها منين بسعر كويس و هل اجيبها كونتينينتال زي الاصلية ولا في انواع تانية ارخص و نفس الجودة؟

[ALKareem]

عرب كوم الي في مدينة نصر ورا سيتي ستارز الفردة اسعارها من 700 و انت طالع حسب النوع :)

[hasona6001]

انا جبت من عند الكمال فى البطل احمد عبد العزيز فى حدود 850 و كانت كونتينتال

[Ahmed_Adham]

سؤال في السريع يا جماعه. هيه العجله الرن فلات بتتلحم بلزقه من جوه زي العجله العاديه ولا ليها لحام خاص؟

[maskeen]

ايه الاسعار دى؟؟
الراجل بيقول 17 ... ورن فلات...كونتيننتال!!

الفرده دى مش اقل من 1600 يا جماعه

[GeneralX]

بالظبط يا شباب مع كامل شكري لتجاوبكم لكن انا بسأل علي فردة معينة زي ما انا كاتب مقاسها فوق و اكيد لن تقل عن 1500 باي حال :)

ياريت لو حد معاة 320i E90 يقوللي جاب الفردة دي بكام و هل اجيب كونتي زي الاصلية ولا في انواع تانيه افضل زي بريدجستون او بيريللي رن فلات

[GeneralX]

طب انا لسة سائل علي الاسعار من محل في المعادي و فاللي علي ال 225/45/17 RFT
ميشلان 2200
كونتينينتال 1650
بيريللي P Zero 1350

الاسعار دي معقولة ولا غاليه؟ و هل في حد جرب بيريللي؟ و ايه نظامها؟

[massoh]

بص يا زعيم أنا لا أدعى الخبرة فى الرن فلات خصوصا أنى لسه ماغيرتش بس أنقل نتيجة بحثى على النت والمنتديات لانى احب أخذ خبرات الأخرين فى الإعتبار : نتيجة البحث اللى كان الشهر اللى فات بالترتيب وممكن يختلف او يكون فيه احسن منه الله اعلم انا مش خبير بس انقل رائى وتفكيرى :
michelin - pilot sport ps2 zp
bridgeston potenza re960 as pole
pirelli p zero nero
goodyear efficient grip

وطبعا كونت من الماركات المحترمة جدا بس حضرتك خذ الموديل بالضبط واكشف عليه انه مطابق للمواصفات اللى راكبة عندك وانها for all season / summer tire
وانا لو مكانك حاقارن بين اللى راكب فيها فعلا لو مش مضايقنى حاجيب زيه او اجيب ما هو افضل وهنا اعتقد المشيلان لو هو اللى انا كاتب عنه يبقى اختيار موفق - اكشف عليه فى النت وتاكد من تاريخ الانتاج وطريقة التخزين
ومبروك مقدما وربنا يكفيك شر الطريق

[massoh]

وده لينك لاختيار جضرتك بس نصيحة اى حاجة تكون OEM

http://www.tirerack.com/tires/TireSearchResults.jsp?tireIndex=1&autoMake=BMW&autoYear=2011&autoModel=328i+Sedan&autoModClar=Base+Model&frontWidth=225%2F&frontRatio=45&frontDiameter=17&frontSortCode=49650&rearWidth=255%2F&rearRatio=40&rearDiameter=17&rearSortCode=50150&tab=All

[maskeen]

صدقنى فكك من رن فلات ده خالص
ماينفعش ف مصر خالص الا لو كل سواقتك ع السريع وطرق نضيف
وناشف وبيتعب العفشه

ركب كاوتش عاى ووفر 2000 جنيه ف الطقم

[novo]

يا شباب انا محتاج اشتري طقم run flat 225/45/17 حد عدة فكرة الفردة تعمل كام تقريبا و اشتريها منين بسعر كويس و هل اجيبها كونتينينتال زي الاصلية ولا في انواع تانية ارخص و نفس الجودة؟

أنا اشتريت الفردة بريدجستون 16 رن فلات بس h مش v ب800جم
خد بالك ان الفرق كبير فى السعر بين الv و الh فياريت تتأكد انت بتشتري ايه و سعره فى كل حته كام

[ALshahba]

انا كنت حجيب رن فلات بس السعر مكانش معايا
وجبت العادي بس كونتينينتال ....... ممتازه
الرن فلات بتعمل بدأ من 1400 >>>> 215/55/r16
والنوع بتاعك تمنه 1500 للفرده بالترصيص والتركيب والهوا نيتروجين

من عند واحد ثقه بتعامل معاه من فتره وهو امين جدا فى التعاملات

والرن فلات بصفه عامه ناشفه بس علي عفشة bmw ماتقلقش منها ....... بس للاسف صيانتها مش عند اي حد لازم واحد يكون عارف انها رن فلات لان ليها لحام خاص ..... واصلا هيا خرمها من اي مسمار صعب جدا

بالتوفيق

[GeneralX]

و الله انا اصلا قرفان من الرن فلات و نشوفيتها و صوتها المزعج علي الطرق المكسرة بس للاسف مفيش مكان للاستبن و الشنطة صغيرة اصلا و مش مستحملة فخلاص امري لله رن فلات و خلاص و كفايه راحة البال لو حصلي اي مشكلة في الطريق.

انا محتار بين الكونتينينتال زي الاصليه او اجرب البيريللي.لو حد جرب البيريللي رن فلات بقولنا تجربتة :)

و شكرا علي تعاونكم يا شياب :)

[Ahmed Amin]

صدقنى فكك من رن فلات ده خالص
ماينفعش ف مصر خالص الا لو كل سواقتك ع السريع وطرق نضيف
وناشف وبيتعب العفشه

ركب كاوتش عاى ووفر 2000 جنيه ف الطقم

فعلاً الرن فلات مش مناسب لطرق مصر,
من ناحية إن الاسفلت جوا البلد وحش, بمعني مش ناعم زي اللي عال سريع, وحتي اللي عال سريع مش كله ناعم دي حاجة,
والحاجة التانية أن طرقنا معظمها غير نضيفة, مسامير حفر بلاعات نقر خوازيق مطبات.

هتبقي تكلفة عالية عليك أنك تجيب رن فلات عن العادي + قلة راحة عن الكاوتش العادي
أنا من رأيي ممكن تيجيب ال Spare wheel اللي بتبقي رفيعة أوي دي وتحطها في الشنطة حتي لو شايف أنها هتاخد مساحة من الشنطة ومش عملية,
بس هيا في كل الاحوال هتبقي أضمن لك لو حصل حاجة للفردة الرن فلات وكنت في مكان مفهوش محلات تصليح كاوتش او تشتري منه كاوتش,

لازم في ظروف جو وطرق مصر أستبن من الرفيع أوي دا للناس اللي معاهش أستبن بحجم الجنط العادي,
واللي أخرة تمشي بيه بسرعة 80 كيلو مش زي الجنط العادي

[GeneralX]

انا كنت حجيب رن فلات بس السعر مكانش معايا
وجبت العادي بس كونتينينتال ....... ممتازه
الرن فلات بتعمل بدأ من 1400 >>>> 215/55/r16
والنوع بتاعك تمنه 1500 للفرده بالترصيص والتركيب والهوا نيتروجين

من عند واحد ثقه بتعامل معاه من فتره وهو امين جدا فى التعاملات

والرن فلات بصفه عامه ناشفه بس علي عفشة bmw ماتقلقش منها ....... بس للاسف صيانتها مش عند اي حد لازم واحد يكون عارف انها رن فلات لان ليها لحام خاص ..... واصلا هيا خرمها من اي مسمار صعب جدا

بالتوفيق

شكرا لمشاركتك و ياريت لو اعرف المحل اللي بتتعامل معاة فين

فعلاً الرن فلات مش مناسب لطرق مصر,
من ناحية إن الاسفلت جوا البلد وحش, بمعني مش ناعم زي اللي عال سريع, وحتي اللي عال سريع مش كله ناعم دي حاجة,
والحاجة التانية أن طرقنا معظمها غير نضيفة, مسامير حفر بلاعات نقر خوازيق مطبات.

هتبقي تكلفة عالية عليك أنك تجيب رن فلات عن العادي + قلة راحة عن الكاوتش العادي
أنا من رأيي ممكن تيجيب ال Spare wheel اللي بتبقي رفيعة أوي دي وتحطها في الشنطة حتي لو شايف أنها هتاخد مساحة من الشنطة ومش عملية,
بس هيا في كل الاحوال هتبقي أضمن لك لو حصل حاجة للفردة الرن فلات وكنت في مكان مفهوش محلات تصليح كاوتش او تشتري منه كاوتش,

لازم في ظروف جو وطرق مصر أستبن من الرفيع أوي دا للناس اللي معاهش أستبن بحجم الجنط العادي,
واللي أخرة تمشي بيه بسرعة 80 كيلو مش زي الجنط العادي

و الله فكره تستحق الدراسة.المشكلة ان BMW مصممة العفشة علي Run Flat اصلا فمش عارف اذا كان التبديل لكتوتش عادي مضر ولا لأ,لو كان عادي يبقي اكيد اريح كنير