تربيط العفشة بنفسي .... ممكن؟

[Seifmando]

السلام علبكم

هل ممكن اربط العفشة لعربيتي بنفسي
وايه هي الأدوات المستخدمة
وياريت لو شرح تفصيلي او فيديو يشرح القصة لأني خائف ابوظ حساس ولا حاجة

شكراً مقدماً

[amrelsaqqa]

لو غاوى الموضوع ده يبقى لازم تشوفه عملى في عربيتك الاول
يعنى روح لحد يربطهالك بس ركز معاه وشوف المفاتيح اللى بيشتغل بيها وكدة


ولو ان رأيي الشخصى انها حاجة مش مستاهلة بصراحة لان تربيط العفشة مش غالى وفي نفس الوقت محتاج عدة خاصة وبهدلة للواحد والواحد مش هيبقى خايف ان اي حد يعمله ،

عكس بعض الحاجات بيكون الدافع انك تعملها بنفسك انك ما تأمنش الصنايعي يمد ايده فيها وانك ممكن تعملها بحرفية اعلى منه احيانا

[mshmshm3]

بص انا زيك كدة بحب اعرف كل حاجة و اتعلم و اجرب و ابوظ ساعات
بس حتة العفشة عشان تبقي مالك صح و تشتغل صح عايزة ونش يرفع العربية و تشتغل

[Seifmando]

السلام عليكم
بالظبط كدا انا بحب اعمل الحاجات السهلة في العربية بنفسي
وبعد ما كانت العربية دي بالنسبة لي بالذات عبارة عن صندوق اسود مينفعش حد يدب فيه مفك غير التوكيل بقيت الحمد لله اعرف أغير بوجيهات وفلتر هوا وزيت وتكييف وزيت فرامل واهي بداية
وان شاء الله ناوي اعرف كل حاجة فيها من اول تربيط العفشة لحد ان شاء الله ما هجيب السوفت وير بتاع الكشف والصيانات بإذن الله

فكنت عاوز بس اعرف لو فيه حد فعلاً يفيدني او حتي يدلني علي فيديو

[hasona6001]

ايدي على كتفك ، انا داخل علي تغير زييت ، و عارفه نظري ، و بيني و بينك خايف انفذ عملي ، بس انا معاك و اتمني انك اي معلومة تجيلك او تعرفها تنزلها هنا عشان نتعلم كلنا ،

[Seifmando]

أكيد ان شاء الله