بدء تسليم كروت البنزين

[BMW]

يا جماعة موضوع مهم جدا بخصوص كروت البنزين
شركة efinance المسئولة عن اصدار الكروت اتفقت مع شركة fedex (شركة توصيل طرود) لتوصيل الكروت للمنازل مقابل 20 جنيها مقايل ايصال والمندوب بتاع الشركة حايتصل بيك ماتقلقش مش نصباية .... انا كلمت الشركة واتأكدت وحاتوصلك رسالة فيها كود التفعيل لتفعيل الكارت وكيفية عمل password للكارت
فى ناس ابتدت تستلم الكروت

[aymanshebl]

طب على البركة طب ممكن خطوات الاستلام ازاى يعنى مين هيتصل و كمان كود التفعيل و الباسورد طريقة عملهم و تفعيلهم ازاى

[bmw3m007]

هو انتو قدمتو عليه فين و ازاي يا جماعه ؟؟

[monamize4]

طب و اللى مقدمش ايه ظروفة ؟

[BMW]

اولا
سجل فى الموقع التالى

https://www.esp.gov.eg/CarRegisteration/CarInquiryPage.aspx

ثانيا
حتاخد رقم تسجيل فى نهاية التسجيل .... احتفظ بيه ... واعمل برنت سكرين من شاشة البيانات اللى حتطلع فى اخر التسجيل

ثالثا
ادامك طريقتين لاستلام الكارت
عن طريق المكان اللى انت حتختاره أثناء عملية التسجيل
او
حتتصل بيك شركة ايجيبت اكسبريس للشحن وتوصلك الكارت فى البيت او الشغل ب 20 جم
وفى ناس استلمته فعلا هنا فى المنتدى
راجع المشاركات التالية

http://www.nilemotors.net/Nile/374362-a.html

http://www.nilemotors.net/Nile/374361-a.html

http://www.nilemotors.net/Nile/374120-a.html

[mcit]

تسليم

يا جماعة محدش يعرف عناوين المحطات المشتركة فى منظومة الكارت دى ؟؟؟؟؟

ولا كل المحطات مشتركة ولا اية ؟؟

مش عارف اروح انهى محطة و انا ساكن فى الجيزة مدينة 6 اكتوبر

[aminyassien]

إيه الفائدة اللى هتعود علينا من الكروت دى

[BMW]

كل المحطات حتشترك وتركبلها الاجهزة اللى بتقرا الكروت
والحكومة بتقول ان الفايدة من ورا الموضوع ده
القضاء على التهريب والسرقة
وان النظام ده حيوفر حوالى 30 مليار جنيه للدولة كانو بيروحو فى التهريب والسرقة
وفى ناس بتقول ان النظام ده بداية لرفع الدعم تدريجى عن طريق تطبيق نظام الحصص السنوية بعد لما الحكومة تدرس كميات الاستهلاك

[mk3]

شكرا باسم عوده
وحسبى الله فى كل ظالم

[densfog]

شكرا باسم عوده
وحسبى الله فى كل ظالم

فعلا شكرا باسم عوده ... لو هنشكره على كل حاجه هنشكره كتير جدا

[dede_dodo88]

أنا أستلمته خلاص من أسبوع بس لسة متبعتليش كود التفعيل..
و أخر مره فولت في موبيل العروبة من كام يوم كان معاه جهاز كده زي الـpoint of sale إداني منه receipt بالمبلغ اللي دفعته.. يمكن بيجهزوا خلاص عشان يطبقوا نظام الكروت..

[Samehmx]

مش عارف أسجل عنوان البيت
كل شويه يقولي صيغه تفاصيل العنوان غير صحيحه
ممكن حد يقولي الصيغة دي عامله ازاي عشان انا فعلا اتخنقت