اول مشاركةلية فى منتدا البى ام ارجو الافادة

[salehkaj]

بسم الله الرحمن الرحيم

انا جبت بى ام 94 اوتوماتيكe36 فيها موتور 1800
العربية فيها لمبة التيل منورة على طول
2-الزجاج الامامى اللى عند السائق واللى جانبة مبينزلش مرة واحدة لازم تدوس وتسيب تدوس وتسيب عشان ينزل سنة سنة مبينزلش على طول على الرغم من ان اللى وراة كويس
3- المراية اليمين تحس ان الموتور ضعيف فى بعض الاتجاهات والشمال كويسة
وانا جبت حوالى اربع مريات استيراد جربتهم نفس العيب بالظبط فى المراية الشمال

ارجو الاهتمام لانى سمعت حجات كتير من ناس مش متخصصة بس فاهمة اللى يقولى ان الكونترول
واللى يقولى دفيرة
انا الحقيقة تاية مش عارف اعمل اية خايف اروح لكهربائى يفتى ويعك

ارجو الاهتما بالرد جزاكم الله كل خير

[MohamedGobran]

بالنسبه للمبه بتاعه التيل منوره لان التيل او السينسور بتاعه محتاج يتغير لان فكره اللمبه دى ان فيه سينسور بيركب على تيل الفرامل و أول ما التيل يقرب يخلص السينسور ده بيحك فى الطنابير فيخلى اللمبه دى تنور والموضوع بسيط أو مفيهوش حاجه و ده شكل السنسور



و ده شكله و هو راكب


بالنسبه لموضوع الزرار ممكن يكون الزرار نفسه محتاج يتنضف علشان فيه حاجه على الاتوماتيك بتاعه او يكون محتاج يتغير بس نضف الاول وشوف او فك الزرار بتاع الازاز إلى ورا و ركبه فى الادام و شوف هيحصل ايه

اما بالنسبه للمرايه انا مش فاهم الموضوع أوى فممكن حضرتك توضح اكتر و جربت المرايات التانيه مكان الضعيفه ولا الناحيه التانيه

.... ننتظر برضو اقترحات بقيت رجاله البى ام هنا ممكن يكون رأئيهم مختلف عنى :)

[salehkaj]

استاذ/ محمد جبران الف الف شكر على اهتمامك انت راجل محترم
بالنسبة للمراية اليمين
انا لما بحركة بالموس بتاع المريات بتحس ان الموتور بيشتغل وفتفس الثنية يضعف وصوتة يضعف ومتتحركش المراية اما اليمين شغال كويس الحمد لله انا جربت حوالى اربع مرايات يمين نفس المشكلة يعنى العيب مش من موتور المراية

[MohamedGobran]

استاذ/ محمد جبران الف الف شكر على اهتمامك انت راجل محترم
بالنسبة للمراية اليمين
انا لما بحركة بالموس بتاع المريات بتحس ان الموتور بيشتغل وفتفس الثنية يضعف وصوتة يضعف ومتتحركش المراية اما اليمين شغال كويس الحمد لله انا جربت حوالى اربع مرايات يمين نفس المشكلة يعنى العيب مش من موتور المراية

يا باشا على ايه بس احنا فى الخدمه :) :) :)

موضوع المرايه انت خلى حد يبص على السلك الى طالع من المرايه و ماشى فى الباب ممكن تكون حته منه ملمسه او فيها قطع و بص برضو على سنون الفيش يمكن يكون فيها حاجه و بص برضو على الفيوزات و ان امكن شوف حد فك الوحده بتاعه تحكم المرايات و جرب يمكن يكون العيب فى الزرار نفسه لما تقلب الزرار شمال يبقى المشكله :) .. يعنى خلينا ناخدها حاجه حاجه و ان شاء الله نوصل لحل