إعـــــــلان

Collapse

.

,
See more
See less

تست درايف الحلم.. السفينة العملاقة تيتانيك.. الفئة الخمسة 523i

Collapse
X
 
  • Filter
  • الوقت
  • Show
Clear All
new posts

  • تست درايف الحلم.. السفينة العملاقة تيتانيك.. الفئة الخمسة 523i

    إنه في يوم الثلاثاء 14/7/2008.. و علي ارض محافظة 6 اكتوبر..
    و بالصدفة البحته.. و في الساعة 6.15 مساء.. تحقق احد الاحلام.. بصورة جزئية.. بقيادة احدي قطع بي ام دبليو الفنية الفئة الخامسة 523
    و العربية دي هي اقل فئات الفئة الخامسة..
    كان في موتور شو.. او عرض سيارات معمول في شركة فودافون فرع اكتوبر.. و بحكم التواجد في الشركة.. اتيحت ليا الفرصة مشاهدة المعرض ده...
    باختصار العربيات اللي كانت في المعرض.. بيجو: 206 سيدان - بارس - 307- 207
    هيونداي: أي 10 - أي 30 - ماتريكس - سوناتا - الانترا
    نيسان: تيدا و صني
    اوبل: فيكترا - استرا
    فولكس: جستا و جولف و جولف فارينت.. اللي هي الباسات استيشن واجون..
    و طبعا المتألقات بي ام دبليو كانوا قدام باب الشركة.. كان في اكس 3 و 320.. بس..
    سألت المسئول عن البي ام عن عربيات يتعمل بيها تست درايف..
    قالي للأسف مفيش غير الخامسة بس..523 :) :) :)
    قولتله بمنتهي الصراحة.. انا مستحيل اشتري العربية دي دلوقتي خالص.. عشان ميبقاش فيها احراج اني اطلب اسوقها..
    قالي براحتك يافندم.. من حقط تسوقها و تجربها حتي لو مش هتشتري.. بصراحة كلام بسطني جدا..

    المهم مش هاطول غليكم..في نهاية اليوم.. نزلت و سألت المسئول عن التست درايف.. قالي بعد الراجل اللي بيجرب العربية دلوقتي..
    المهم وصلت.. و ركبت العربية..لوحدي و المسئول عن العربية كان لسة برة..
    قعدت متنح لفترة مش قليلة.. باتفرج.. و باستكشف.. و قلبي بينبض بسرعة جدا جدا جدا.. كأني داخل امتحان.. :) :) :)
    كان المفروض طبعا اني ابهدل العربية دي تصوير.. لك، للأسف مكانش في دماغ للكلام ده..
    كنت باهيأ نفسي للسواقة.. :)
    مصورتش غير الفتيس بتاعها بس اللي كان لغز بالنسبة ليا.. :) :) :) لحد ما الراجل شرحلي ايه النظام و اعمل ايه بالظبط في الاختراع ده.. :) و ادي صورته..


    شرح بقي للفتيس ده بيشتغل ازاي.. :) :) :)
    اولا زرار البي اللي هو البارك.. مالهاش مكان او نقلة.. ليه زرار في الجويستيك ده من فوق.. :)
    نيجي للسواقة بقي.. تدوس بي بتلغي البارك.. و زقة لورا تبقي في الدرايف مود.. خلاص اوتوماتيك..
    زقة قدام تبقي نيوترال.. مور يعني.. و زقة قدام كمان بعد المور تبقي ريفرس.. رجوع للخلف..
    عايز تقلب مانيوال مود اللي هو ستيب ترونيك بقي.. في زرار في الجويستيك من الشمال تدوس عليه و انت بتنقل العصاية للشمال..
    كده بقيت مانيوال.. زقة لقدام تنقل نقلة اعلي.. و لورا تقلل النقلة..
    دملاحظة: (بحكم كوني اوبلاوي.. :) تقريبا نفس نظام الايزي ترونيك بتاع اوبل في الاستخام.. يعني اللي ساق ايزي ترونيك هيعرف يتعامل مع دي بسهولة..)
    طبعا الكلام اللي انا قولته ده معرفتوش لوحدي.. الراجل لما ركب حط المفتاح في المكان المخصص ليه ف التابلوه زي المفتاح العادي بالزبط.. بس هو مش مفتاح عادي طبعا.. هو حطه و قالي دوس علي ستارت ستوب .. دوست و السفينة قامت.. :) :) :)
    طبعا و قالي اتفضل اطلع.. قولتله اطلع مين يا عم الحاج.. مش لما تشرح الاول ده الفتيس يعني اتعامل معاه ازاي..
    اخد حوالي 5 دقايق يشرك الكلام اللي قولتهولكم ده..
    جينا لمرحلة الجد بقي.. :) :) :) قالي اطلع بقي بالعربية..
    طلعان بفضل الله.. و بمنتهي الحرص لحد ما خرجت من بوابة الشركة..
    اخدت حوالي 15 دقيقة سواقة في شوارع مدينة 6 اكتوبر.. جري و شد سجب و مطبات و فرامل و ملفات و تقريبا كل حاجة..
    ملاحظات: الباور ستيرنج بتاعها تقيل شوية..ماعرفش ايه الحكمة..
    دواسة البنزين ليها نظام خاص كده.. لما بادوس عليها الدوسة العادية تحس انها تقيلة جدا..جدا يعني اوفر..
    و طبعا انا مسكتش.. :) :) سألت الراجل.. ايه يا عم الدواسة تقيلة ليه كده..!!!!!
    قالي لأ عشان سعاتك بتدوس عليها عادي.. هي عشان الموتور عنيف.. و عشان يبقي اندر كونترول.. الدواسة بتبقي تقيلة ف الدوسة العادية دي..لكن عشان تجري بقي و العفريت يطلع من القمقم.. دوس الددوسة السحرية.. :) :) :)
    تدوس علي الدواسة من فوق..و قد كان.. :) :) :) و الزق في الكرسي يا ريس.. :) :) :)
    ظبعا ثبات العربية غير طبيعي.. زي طولها بالظبط.. :) :)طويلة جدا..
    ظبعا العزل غير طبيعي.. الموتور كان بيوصل معايا لحد 6 الاف لفة و مش سامع صوت غير صوت خفيف كده مع التكييف و الكاسيت مش شغال.. :) حسيت بالصدفة اني ماشي علي 110 و انا باجرب المانيوال مود.. و كنت لسة علي التالت باين.. :) :)
    العربية و هي بتجري كانت بتاكل الطريق.. زيما يكون الطريق بيتسحب من تحتها..زي السجادة..
    جربت طبعا الايه بي اس.. اكتر من مرة.. و في الملفات محتاجة تعود.. عشان زي ما يكون الواحد بيلف ميني باص..
    العربية دي محتاجة رخصة درجة اولي يا جدعان.. :) :) :) :) :)
    المهم ملاحظاتي بقي قبل ما اقولكم المواصفات الفنية للعربية دي..:
    * الفرش الجلد جوة رهيب.. الجلد مش ناعم كده.. لأ محبب بطريقة مميزة جدا..
    * التكييف رهيب.. كان جامد جدا و هو علي 2 تقريبا او 3 في عز الحر الساعه 6 العصر.. و الشمس جامده قوي..
    * مسند الدراع اللي ورا الفتيس.. :) :) يكفي الواحد يسند عليه راسه.. يعني في حجم المخده تقريبا.. :) :)
    يعني باسند دراعي كله..مش كوعي بس.. و بعا الصور سهل تلاقوها علي النت..
    و طبعا مكان التخزين اللي فيه كبير بحجم مش طبيعي.,. دولاب يعني :)
    * فيها سنسورز ورا و قدام.. و فعلا كنت محتاجها قدام عشانمش شايف اي حاجة من الكبوت الطويل جدا.. :)
    * الكرسي كهربا كل حركاته.. و في اكتر من بروفايل للسواق.. يتخزنوا و تختار بينهم..
    * نظام الiDrive : وده نظام تتحكم بيه في كل حاجة ف العربية تقريبا من بكرة كده و فيها زرار او 2..
    تقريبا معظم وظايف العربية.. منها مثلا كان نظام السنسورز.. و غيرها بعا و اللي مكانش في وقت اجرب و اتفرج عليهم..

    طبعا زهقتوا مني و من كلامي الكتير و عايزين مواصفت العربيات بقي .. :) :)
    نبدأ باول حاجة و دي اللي سوقتها.. :) :)
    523:
    - 6 سلندر 24 صباب.
    - 2497 سي سي..
    - 190 حصان عند 5900 لفة..
    - العزم 230 نيوتن متر عند 3250 و 5000 لفة
    - السرعة القصوي: 233 كم/س
    - التسارع من 0-100: 9.1 ثانية
    - الكاوتش 16 225/55 :) :)
    - فتيس ستب ترونيك 6 سرعات
    - 4 زجاج كهربا تاتش..
    - كراسي اماميه كهربا مع ذاكرة تخزين
    - طركسون مالتي فنكشن..
    - مثبت سرعة مع خاصية اغلاقه..
    - دركسيون متحرك
    - عامود الدركسون مصمم للأمان عند الاصطدام..
    - منبه لمواعيد الصيانات
    - راديو بي ام دبليو مع 8 سماعات مع سي دي درايف
    - مجهز لتركيب 6 سي دي تشينجر
    * مجهزة لدي في دي في الكراسي الخلفية
    * سنسورز للركن بس ورا و قدام
    - بلو توث موبايل
    - فوانيس شبورة
    - اي درايف كونترول
    - المرايات الداهلية و الخارجية مضادة للانعكاسات.. (مش بتعمل زغللة مع النور العالي فيها..)
    - 10 اير باجز.. السائق و الراكب الامامي و 2 جانبيه للراكبين الاماميين و 2 للرأس للراكبين الاماميين و 2 للراكبين الخلفيين.. و 2 لرأس الراكبين الخلفيين.. (انا زهقت من كتر العد.. :) :) :) )
    - ABS
    - Dynamic stability Control DCS
    - Automatic Stability Program + Traction ASC-T
    - Cornering Break Control CBC
    - زيموت كونترول و سنترال لوك.. مع مفتاح مشفر.. و زرار تشغيل و ايقاف المحرك..

    ههههههههههههههههههههه انا تعبت من كتر كتابة موصفات العربية دي اللي هي اقل فئة فيهم.. :) :) :)
    اه بالمناسبة العربية تمنها في مصر 515 الف جنيه علي كونتاكت.. :) :) متنسوش اقل فئة.. :) :)

    هاريح شوية من كتر الكتابة و هاجيبلكم مواصفات الفئات الاعلي..
    سبحانك اللهم ربنا و بحمدك.. اشهد الا اله الا انت..استغفرك و اتوب اليك..

  • #2
    الحق أسجل أول مشاركة
    وبعدين أقرا الموضوع :)

    انت فين يا سيدي من زمان
    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

    Comment


    • #3
      يا علاوي باشا يا جااااامد .....تيتانك مين بس يا جميل من كلامك واضح انها طوربيد ألماني
      [CENTER] [/CENTER]

      Comment


      • #4
        روعة كان نفسي ابقى مكانك
        [CENTER][FONT=Arial Black][SIZE=5][B]ها قد اصبحت "موديل قديم"[/B][/SIZE][/FONT]

        [/CENTER]

        Comment


        • #5
          العربية دي أولما نزلت كان عندي مجلة متخصصة في بي ام

          كانت عاملاها فتاة الغلاف :)

          the all new BMW Submarine

          ومن يومها وأنا بخاف من العربية دي و بسميها الصب مارين (ولو ان كتير مابيفهمونيش) بس أنا حاسس بيها


          كان الله في عونك يا أخ أحمد و ثبتك

          المهم بقى

          اوصفلي شعورك و انت بتدب المفتاح في كالون الحتة الكورسا بعد الركوبة دي

          هههههههههه
          [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

          Comment


          • #6
            نيجي بقي للفئة التانية اللي هي 525 بيزنس.. :)

            اختلافها عن السابقة في المحرك كالتالي:
            - 218 حصان عند 6500 لفة..
            - عزم 250 نيوتن متر عند 2750 و 4250 لفة
            - السرعة القصوي 242 كم/ س
            - التسارع 0-100 في 7.9 ثانية
            - مقاسات الكاوتش 17 225/50
            - التابلوه مطعم بخضب ابانوس..
            - الدركسيون جلد طبيعي
            - فتحة سقف كهرباء
            - تنبيه عند فراغ الاطارات من الهوا..
            - كاوتش مصم للسير بدون هوا بس مش عارف التفاصيل.. RunFlat Tyres

            سعرها في مصر 560 الف

            الفئة التالتة 525 executive
            اختلافاتها عن السابقتين:
            - مقاس الكاوتش 17 245/45 ههههههههههههههه مكتوبه صح.. هي فعلا 245 يا جدعان.. :) :) :)
            - نظام صوتي هاي فاي..
            - شماسات لزجاج الكراسي الخلفية.. يديوية مش كهربا.ز :( :( :(
            - انوار زينون مع نظام توجيه للضوء..
            سعرها في مصر 615 الف

            الفئة الرابعه الاخيرة بقي.. :) :) 530 i
            - 2996 سي سي
            - 272 حصان عند 6650 لفة
            - عزم 315 نيوتنت متر عند 2750 لفة
            - السرعة القصوي 250 كم /س
            - التسارع من 0-100 في 6.6 ثانية زز:)
            - نظام صوتي ب 13 سماعه :) :) :) :) :) :)
            - اضواء امامية متغيره.. بتتحرك يعني..
            - زجاج مزود بطبقة حماية من الشمس..
            - شماسات الكراسي الخلفية كهربا
            سغرها في مصر 725 الف جنيه

            بس كده.. دي الفروق بينها و بين اللي قبلها..
            هي طبعا تجربة اتمناها لكل الناس انهم يجربوها..
            و طبعا اتمني ليكم كلكم كل التوفيق انكم تمتلكوها في يوم من الايام ان شاء الله..
            معلش الموضوع جه متأخر شوية.. بس متزعلشو مني..
            سافرت بعدها مصيف..
            و رجعت مضغوط جدا ف الشغل.. و دخل رمضان.. معلش اعذروني..
            اتمني ان الوصف يكون وافق و شافي.. و علي الاقل يكون فتح المواضيع قدامكم.. :)
            و الي عايز يعرف اكتر يروح يجرب او يدور علي النت..
            في حاجات كتير جدا مجربتهاش بنفسي, عشان مكنتش مركز غير ف السواقة بس..
            ملعبتش في حاجة تانية خالص..
            و طبعا قعدت بعدها اسبوع مش باسوق عربيتي خالص.. :) :)
            بس الحمد لله ربنا انعم علينا بنعمة النسيان.. عشان نعرف نتعايش مع دنيانا.. :) :)
            و الحمد لله عندنا عربيات و كويسين.. و احسن من غيرنا بكتير الحمد لله..
            معلش طولت علييكم بس اتمني انكم تكونوا مستمتعين بيه.. :)
            سبحانك اللهم ربنا و بحمدك.. اشهد الا اله الا انت..استغفرك و اتوب اليك..

            Comment


            • #7
              مستعحجلين علي ايه بس...؟؟ :) :)
              طيب كنتو خلوا التعليق لما تشوفوا الباقي.. :) :)
              عموما.. كويس ان في متابعه للخبر كده وهو لسة طبعه اولي..
              بس البقية نزلت..
              الف شكر ليكم ميعا علي التعليق..
              و خاصة دكتور هشام مراسلنا في الخارج.. و اخونا الفاضل الجميل.. و حبيب قلبي سمسم..
              صاحب الصدمة الاولي في الفئة الاولي.. :) :)
              سبحانك اللهم ربنا و بحمدك.. اشهد الا اله الا انت..استغفرك و اتوب اليك..

              Comment


              • #8
                ازيك يا حماده ايه اخبارك
                هى فعلا جباره
                بس انت نسيت الكومبيوتر اللى فى التابلوه والجوى ستيك بتاعه اللى ورا الفتيس
                معلش ليك عزرك ماهى حاجه تخوت ههههههههههههههههههههه
                واحشنى كتير اتمنى اشوفك عن قريب
                حملت دمى على كفى وما نكست اعلامى وصنت العشب فوق قبور اسلافى[SIGPIC][/SIGPIC]

                Comment


                • #9
                  المشاركة الأصلية كتبت بواسطة ehabthefirst مشاهدة المشاركة
                  ازيك يا حماده ايه اخبارك
                  هى فعلا جباره
                  بس انت نسيت الكومبيتر اللى فى التابلوه والجوى ستيك بتاعه اللى ورا الفتيس
                  معلش ليك عزرك ماهى حاجه تخوت ههههههههههههههههههههه
                  واحشنى كتير اتكنى اشوفك عن قريب

                  ايهاب باشا.. عامل ايه..
                  منسيتش والله عيب عليك,, ماهو اسمه اي درايف.. قولت عليه..
                  بس مكانش ليا الشرف اني اجربه.. كنت مركز ف السواقة عشان الوقت كمان..
                  عشان كان في ناس هتجرب بعدي..
                  اشوفك قريب ان شاء الله..
                  سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                  Comment


                  • #10
                    الشكر ليك إنت يا علاوي باشا ...و حلوة مراسلنا في الخارج ديه
                    [CENTER] [/CENTER]

                    Comment


                    • #11
                      علاوي باشا:)

                      مبروك التجربة....و عقبال مانباركلك علي ال530i ان شاء الله:)

                      فعلا العربيات دي عالم تاني غير اللي احنا بنركبه
                      [CENTER][SIGPIC][/SIGPIC][/CENTER]

                      Comment


                      • #12
                        المشاركة الأصلية كتبت بواسطة NaderNabil مشاهدة المشاركة
                        علاوي باشا:)

                        مبروك التجربة....و عقبال مانباركلك علي ال530i ان شاء الله:)

                        فعلا العربيات دي عالم تاني غير اللي احنا بنركبه
                        الله يبارك فيك يابو نادر..
                        يااااه..؟؟ هل اليوم ده ممكن ييجي..؟؟ :) :) يا رب يا نادر..
                        مانا عرف انها عالم تاني و انت عارف و مجرب الوكتافيا و المرسيدس يا مان..
                        ربنا يوعدنا.. :) :)
                        بس انا مش طماع.. كفاية ال 320 اي.. :)
                        سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                        Comment


                        • #13
                          ألف شكر يا استاذى الفاضل على درس التعقيد ده .........

                          بس ليا استفسار .. لما 523 كده ... امال ال M5 عامله ازاى ؟؟

                          Comment


                          • #14
                            إزيك يا بو حميد

                            تقييم رائع للتحفة

                            Comment


                            • #15
                              ياااااااااااا حلاااااااااااااااااااااوهه

                              ربنا يوعدنا - مقدر شعورك

                              لانى جربت العربية دى لمدة دقيقتين بس وطلعت بيها كام متر ....


                              [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                              [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                              [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                              [/CENTER]
                              [/CENTER]
                              [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                              [CENTER] _______________[B]
                              [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                              [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                              [/CENTER]
                              [B][COLOR=Blue][B][SIZE=2]
                              اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                              _______[COLOR=Blue]_______________
                              [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                              Comment

                              Working...
                              X