قررت اشترى bwm e46 2005 highline

[abo_elhol]

السلام عليكم يا رجاله
انا لسه بايع عربيتى الدبانه ونويت ان شاء الله اشترى e46 2005 highline و قدامى حاجات كتيير بس كان داخل دماغى عربيه بس 325i مش 318i فانا خايف منها بس هيا خصيره الصراحه وهى غاليه اوى كدة عن ال 318i الفرق كان كبيير فى السعر
فبعد ازنكوا يا جماعه قولولى اخلينى ف ال318i وخلاص ولا ال 325i
وشكرا يا جماعه

[Ghost2]

خليك في ال 318 اوﻻ مش هتندم عربية حلوة و عاقله ولو هاي ﻻين هتستمتع بيها جدا عن تجربة

[ahmed_alhadidy]

325i الهاي لاين بتقل في السعر عن ال 318i الهاي لاين بسبب الضريبه وان الناس بتبعد عن المكن الكبير، انا قدامي واحده 325 تخلص علي 125 الف وصاحبها عارضها بقاله اكتر من 6 شهور والعربيه مش بتتباع بسبب الضريبه بالذات خصوصا انها 2005 ولسه قدامها سنتين لما تنزل الحد الادني، بس كركوبه ومتعه ارشحلك ال 325i

[abo_elhol]

325i الهاي لاين بتقل في السعر عن ال 318i الهاي لاين بسبب الضريبه وان الناس بتبعد عن المكن الكبير، انا قدامي واحده 325 تخلص علي 125 الف وصاحبها عارضها بقاله اكتر من 6 شهور والعربيه مش بتتباع بسبب الضريبه بالذات خصوصا انها 2005 ولسه قدامها سنتين لما تنزل الحد الادني، بس كركوبه ومتعه ارشحلك ال 325i

125 !!!! الاسعار الى شفتها غير كدة خالص
يعنى قدامى واحده 2004 318i وطالب 145 الف
والتانيه ال2005 325i طالب فيها 170 الف !!! طبعا كولو فابريكه بره وجوة وهاى لين
وفى تالته 2005 318i وطالب 150 الف
وفى 2005 318i بس فيها بوهيه وطالب 140 الف
كولو دى اول كلمه
يعنى الاسعار دى عاليه ولا ايه انا بصراحه نفسى فى 325 بس عاوز حاجه نضيفه ومش لدرجه 170 الف جنيه ييعنى ! وشكرا يا باشا عل الرد :)

[ahmed_alhadidy]

كل ال 318 اللي ذكرته اسعاره طبيعيه وممكن تكسر فيها بنسبه بسيطه لكن ال25 سعرها مبالغ فيه جدا وزي ما بقولك اخرها 130 الف لانها عربيه سوقها تقيل ومش اي حد بيشتريها ولو عاوز مكنه كبيره اشتري بدالها e39 525 او 523 وهتعمل في رنج ال 130 وكماليات اعلي من ال e46 وثبات اكتر، عاوز تتاكد من كلامي ادخل علي كونتكت كار وسيرش علي 325 هتلاقي الاسعار اللي بقولك عليها دي وربنا يوفقك للي فيه الخير ليك

[midnightman_74]

كل ال 318 اللي ذكرته اسعاره طبيعيه وممكن تكسر فيها بنسبه بسيطه لكن ال25 سعرها مبالغ فيه جدا وزي ما بقولك اخرها 130 الف لانها عربيه سوقها تقيل ومش اي حد بيشتريها ولو عاوز مكنه كبيره اشتري بدالها e39 525 او 523 وهتعمل في رنج ال 130 وكماليات اعلي من ال e46 وثبات اكتر، عاوز تتاكد من كلامي ادخل علي كونتكت كار وسيرش علي 325 هتلاقي الاسعار اللي بقولك عليها دي وربنا يوفقك للي فيه الخير ليك

بس كدة الأسعار بعيدة اوى عن الزيرو
طب الناس كدة تشترى زيروا لية ؟؟

[ahmed_alhadidy]

اللي بيشتري زيرو بيشتري عربيه عشان يريح دماغه من المصاريف وقطع الغيار دا بالاضافه لان فيه ناس بيقولك انا مركبش عربيه فيه حد قبلي ركبها ومعرفش فيها ايه انا اجيبها من الزيرو احسن عشان ابقي عارف تاريخها، كل واحد دماغه مريحاه