رفرف e36 جديد مش استيراد

[dr_omzy]

السلام عليكم
هو فيه رفرف امامي ل e36 بيتباع جديد مش استيراد حتى لو تيواني ولا صيني حتى
زي باقي العربيات
ولو فيه اجيبو من عند مين؟؟؟

[fahd_628]

فية طبعا

تلاقية فين مش عارف :)

[MohamedGobran]

انا مش فاكر اسم المحل الصراحه بس هو أول ما تخش الحرفين ادامك يا تمشى على طول يا الطريق يلف معاك يمين او تخش شمال فى اتجاه شارع المرسيدس .... هتخش الشارع إلى بيوديك على شارع المرسيدس هتلا واحد كده على اليمين اسأل عنده علشان كنت شايف واحد طالع من عنده برفرفين جداد إلى لونهم اسود دول :)

[dr_omzy]

متشكر على اهتمامكم وردودكم
هي المشكلة عندي اني شاري العربية موديل 95 e36 m43b16 والعربية الحمد لله لسة فبريكة برة وجوة بالكامل المشكلة بقا فيييين؟
صاحب العربية الاولاني وهو اول يد كان عامل زي كدة بيحب كل حاجة في العربية تكون على اصلها وبتاعت بلدها من غير ما الصنايعية بتوع مصر يحطو بصمتهم عليها على قد ما الواحد بيقدر.
بس العربية اتخبطت منه في الرفرف الي قدام شمال ورده على البارد وسابه من غير ما يرش قال يعني يفضل فبريكة بس المشكلة انه في الشمس باين عضعضة الدق (مش اوي بس المشكلة فيا انا موسوس)
فقلت ابعد عن السمكري واجيب رفرف جديد اي نوع وارشه وخلاص

[dr_omzy]

وبخصوص ظبطة اللون في حد معين في القاهرة ويفضل يكون في مدينة نصر او الحرفيين او مصر الجديدة حد اتعامل معاه ويكون بيظبت اللون تمااااااااااااااااااااااااااام اوي جدا خالص اخر حاجة
يا ريت لو حد جرب يقولي عشان لون عربيتي غريب شوية هو اسمه sonderlak وكوده 490

[bimmeraddict]

ممكن تشتري رفرف استيراد نفس لون العربية وبالتالي مش هترشة وهيبقى فابريكة ، بس محتاجة تلف شوية في حرفيين عليه