مركز صيانه بي إم دبليو يتعامل بقطع غير اصليه ؟

[Evo]

السلام عليكم

حد عنده خبره في التعامل مع مركز صيانه bmw يكون على قدر عالي من الإحتراف وبيتعامل بقطع غيار اصليه بس و بيحافظ على العربيه نظيفه وهم بيشتغلوا فيها لأن عندنا عربيتين جه معاد الصيانه بتاعتهم والصراحه واحده منهم هتتباع قريبا فـ مش طالبة صيانه في التوكيل بملغ وقدره لانها محتاجة تيل امامي وخلفي وطنابير وزيوت وباقي بنود الصيانه الدوريه التانيه ممكن اوديها التوكيل عادي لانها مكمله معانا

فكرت اروح لمنيب أو حاتم أو منصور لكن أولا مش هلاقي قطع أصلي لأن حتى لو مكتوب عليها bmw والحوارات دي بتبقى فشنك بالاضافه إن العربية هتتبهدل و من جوه ومن برة وده مش مطلوب نهائي




مستني مقترحاتكم

[svneleven]

أشتري قطع الغيار من دمشق لأن البافارية ليها زي منفذ بيع لقطع الغيار هناك و ركبهم عند أي حد محترم.

[Land_Cruiser]

أشتري قطع الغيار من دمشق لأن البافارية ليها زي منفذ بيع لقطع الغيار هناك و ركبهم عند أي حد محترم.

+1
ده حل كويس و بكده تضمن ان قطع الغيار اصليه و ده اللي حضرتك بتدور عليه و بعد كده التركيب امره سهل عند اي حد أمين. علي فكره بالنسبه للقطع الغيار المضروبه بتبان من عده حاجات اهمها فرق السعر الكبير بينها و بين الاصليه و لذلك لازم تبقي عارف سعر الاصليه كام و انت نازل تشتري و شكل قطعه غيار نفسها من حيث الخامه و طريقه التغليف و احيانا ممكن تلاقي اخطاء إملائية علي العلبه او الكيس و لذلك لو مش هتعمل الصيانه في التوكيل نفسه يبقي اشتري قطع الغيار بايديك علشان تبقي عارف اصلها و فصلها

[Evo]

أشتري قطع الغيار من دمشق لأن البافارية ليها زي منفذ بيع لقطع الغيار هناك و ركبهم عند أي حد محترم.

طيب ممكن أعرف فين في دمشق بالضبط .. هل موزع ولا بافاريا نفسها فاتحة فرع هناك

+1
ده حل كويس و بكده تضمن ان قطع الغيار اصليه و ده اللي حضرتك بتدور عليه و بعد كده التركيب امره سهل عند اي حد أمين. علي فكره بالنسبه للقطع الغيار المضروبه بتبان من عده حاجات اهمها فرق السعر الكبير بينها و بين الاصليه و لذلك لازم تبقي عارف سعر الاصليه كام و انت نازل تشتري و شكل قطعه غيار نفسها من حيث الخامه و طريقه التغليف و احيانا ممكن تلاقي اخطاء إملائية علي العلبه او الكيس و لذلك لو مش هتعمل الصيانه في التوكيل نفسه يبقي اشتري قطع الغيار بايديك علشان تبقي عارف اصلها و فصلها

هما بيجيبوا حاجات تغليف وشكل وسعر كمان قريب من الأصلي بس تجربه أي كلام
مثال التيل الأصلي بـ 2200 أو 2400 على ماافتكر الالماني بـ 1400 !! و واحد اعرفه جربه في عربيته صفر و بوظ الطنابير رماة و جاب الأصلي

عموما أنا هشوف منفذ دمشق ده وأجيب منه كل حاجه إن شاء الله . التركيب بقى هدور على مركز نضيف بيتعامل في bmw مش عاوز ورشة ميكانيكي نهائي

[Land_Cruiser]

ما هو ده فرق السعر الواضح اللي قلت لحضرتك عليه : يعني حاجه ب 2400 لما تلاقيها ب 1400 ده يقرب علي نصف الثمن يعني اكيد في حاجه غلط يا أما بلد الصناعه مضروبه او ممكن تكون شركه ألماني فعلا انما خاماته اقل من الاصلي يعني حاجه compatible لان مينفعش يبقي كل الفرق ده تخفيض ، يعني في المثال ده لو حاجه اصليه برضه تفرق 200 او 300 جنيه اخرها مش 1000 جنيه . بالنسبه لمنفذ التوزيع بتاع شارع دمشق ده منفذ توزيع قطع غيار بتاع البافاريه نفسها و كانوا عاملين عنه اعلان من كام شهر اهه

http://www.youm7.com/News.asp?NewsID=1119801&

العنوان : 7 شارع دمشق - روكسي
التليفون: 24511524-22586949-01097777992

[Mzeid]

عنوان فرع شارع دمشق من الموقع

Address: 7 Damascus Street, Heliopolis
Telephone: 22586949-224511524
Email address: bmwprtsoutlet@bmw-eg.com
Working days: All week days except Sunday
Working hours: 10am-8pm

[Mecha]

hopefully bmw themselves
not fabricating in china
and selling as german
hahahhaahahhahaha

[Mecha]

very expensive and complicated car
like all german cars

[svneleven]

hopefully bmw themselves
not fabricating in china
and selling as german
hahahhaahahhahaha

حضرتك ده حتي مش Authorized agent ده outlet ل BMW نفسها.