الزجاج الأمامي.حسبي الله ونعم الوكيل

[inspiron]

حسبي الله ونعم الوكيل في التريلات واصحابها
الزجاج الأمامي جات في طوبة ( مش زلطة ) طوبة كبيرة عملت فيه بؤرة علي شكل هلال كده.لا يوجد شرخ.هل البؤرة دي ممكن تتعالج ولا مش هينفع.ولو مش هينفع ممكن ألاقي الزجاج ده فين غير التوكيل عشان سعره في التوكيل نفخ.ولو لقيته برة هيبقي في طبقة اليوفي العاكسة للضوء والحرارة زي الأصلي ؟

العربية x5 2012

[horas3000]

لا حول و لا قوه الا بالله
يا رب ارحمنا بقي من البهايم اللي ماشيه في الشوارع دي
الله يكون في عونكم يا زعيم
الخبطه قد ايه عشان نقدر نحكم
كده كده وديها لدكتور خالد او اي حد عنده اصلاح زجاج و شوف هيقول لك ايه
و حاول تستعجل لان بعد يومين تلاته التصليح مبينفعش
و كان بودي افيدك عن اماكن توفر الزجاج بس معرفش
و انت لو وصلت لحاجه يبقي قول برضه من باب العلم

احنا برضه حصلت عندنا نفس القصه كده في الباجيرو و ال x5 برضه
و للاسف متصلحتش بس اتحقنت عشان متوسعش و عامله شكل زي عين البقره كده
و حتي السواق حط عليها ستيكر عشان متلبخوش

[Kareem.ElAraby]

متابع
شوف واحد هنا بأوكتافيا في الشغل حصلت معاه اتعملت و فيه طبقه اتشالت من التلات طبقات لان الجديد كان ب 6000 باين
شوف كده الدكتور خالد

[inspiron]

لا حول و لا قوه الا بالله
يا رب ارحمنا بقي من البهايم اللي ماشيه في الشوارع دي
الله يكون في عونكم يا زعيم
الخبطه قد ايه عشان نقدر نحكم
كده كده وديها لدكتور خالد او اي حد عنده اصلاح زجاج و شوف هيقول لك ايه
و حاول تستعجل لان بعد يومين تلاته التصليح مبينفعش
و كان بودي افيدك عن اماكن توفر الزجاج بس معرفش
و انت لو وصلت لحاجه يبقي قول برضه من باب العلم

احنا برضه حصلت عندنا نفس القصه كده في الباجيرو و ال x5 برضه
و للاسف متصلحتش بس اتحقنت عشان متوسعش و عامله شكل زي عين البقره كده
و حتي السواق حط عليها ستيكر عشان متلبخوش

متشكر يا شريف بيه يكفي ردك :) هي الخبطة أد الصباع كده.هوديها بكرة إن شاء الله لواحد في صقر قريش وأشوف الدنيا هتمشي إزاي.ربنا يخليك.

متابع
شوف واحد هنا بأوكتافيا في الشغل حصلت معاه اتعملت و فيه طبقه اتشالت من التلات طبقات لان الجديد كان ب 6000 باين
شوف كده الدكتور خالد

متشكر لرد حضرتك..بس 6000 إيه !! زجاج الفانتازيا أنا غيرته في التوكيل الأصلي بـ 1250 جنيه.

[Kareem.ElAraby]

ده اللي اتقالي
و الله أعلم

[Khaled Lanos]

ربنا يعوض عليك
انا مغير الزجاج الأمامي مرتين في اللانوس بسبب التريلات اللي محملة زلط على الدائري.
حسبي الله ونعم الوكيل في البهايم دول.

[horas3000]

وصلت لايه يا زعيم
طمنا

[المنسي]

قدر الله ماشاء فعل

[mohamed_hamdi]

متابع
شوف واحد هنا بأوكتافيا في الشغل حصلت معاه اتعملت و فيه طبقه اتشالت من التلات طبقات لان الجديد كان ب 6000 باين
شوف كده الدكتور خالد

فعلا اسعار الزجاج الامامي في التوكيل كارثة و عن تجربة مع ال x3 البافارية محددين سعره ب ٧٠٠٠ جنيه غير تركيبه لوجود علامة البي ام الاصلية عليه. طبعا رفضت اغيره عندهم و غيرته عند دكتور خالد ب ١٧٠٠ جنيه زي الاصلي بالضبط و مش مشكلة علامة البي ام.

[inspiron]

الحمد لله تم علاج الشرخ بمادة عند فني إصلاح زجاج والشكل اتحسن بنسبة 80%.

[horas3000]

الحمد لله تم علاج الشرخ بمادة عند فني إصلاح زجاج والشكل اتحسن بنسبة 80%.

طب كويس
و هو قضي اخف من قضي

[wawamoha]

ياباشا في واحد عندك في الدقي عنده التشيكي بتاعها و الصيني و الله ماتفرقهم عن بعض
بس بصراحه انا ركبت الصيني لانه ورا ماكانش اللي قدام ..لكن لو كان اللي قدام كنت ركبت الاصلي ..
لما رحت التوكيل قالولي برضه 1500 او 1200 مش فاكر
بس بصراحه الصيني كان ب 550 بالتركيب و التوكيل ما بيرضاش يبيعه لوحده و ده ممنوع بس هما كده ولاد وزه
ربنا معاك