من عشاق الالماني وعاوز اشتري بي ام

[أحمد جودة]

السلام عليكم ورحمة الله وبركاته

انا زميل فى المنتدي من قسم سكودا ومعايا فليشيا 96 وفى الفترة القادمة عاوز اشتري عربية تكونه ماركة وليها اصل وفصل علشان كدة أول إختياراتي bmw وللاسف أنا خبرة محدودة فى العربيات
ومحتاج المساعدة واهم حاجة عاوزها فى العربية
+ باور ... تكييف دة اهم حاجة وباقي الكماليات سنتر انذار زجاج كهربا ممكن واحدة واحدة اعملها
+ سهولة الصيانة
+ توافر قطع الغيار
إمكانياتي المادية بداية من 55 الف الى 70 بحد أقصي
ياتري ممكن ألاقي ركوبة كويسة فى الرينج دة

منتظر مشاركات الا عضاء وياريت اللى يرشحلي موديل يقول مبزاته وعيوبة ومتوسط سعرة

وكل عام وأنتم بخير

[svneleven]

المبلغ ده يجيب e30 موديل 90 و 91 حكاية و حالة ما حصلتش.
أنا شايف أن ديه أحسن بي أم فئة تالتة نزلت. عربية لحد دلوقتي لما توضبها تحسها موديل السنة و ما تحسش أنها قديمة. قطع غيارها في كل حته و مش غالية. المشكلة أنها عشان بتقبل تعديلات كتير و كده هتلاقي كتير منها متبهدل و صعب شوية تلاقي حاجة نضيفة.
ممكن كمان تجيب e36 اللي هي الشكل اللي بعدها موديل 92 أو 93 لكن المهم الحالة.
المميزات و العيوب التفصيلية يقولك عليها الملاك لأني ما اشترتش الموديل ده خالص.

[max_ziro]

دبانة ياباشا من 92 لحد 98 ماشاء الله ,, لسة جايبها بعد سحولة عشان الاقى حالة تعجبنى
قطع غيار رخيصة و متوفرة و عربية شبابى جدا و شيك و ثابتة و جراية ماشاء الله

[FAR!D]

طب يا اخوانا انا بسأل على e46 2002 تعمل كاملو حالتها نضيفه

[svneleven]

طب يا اخوانا انا بسأل على e46 2002 تعمل كاملو حالتها نضيفه

حضرتك بتتكلم في 100 ألف و طالع. شوف كونتاكت.

[M.Ayman]

العربيه اللي تناسب حضرتك كده ال e36 -الدبانه- و علي حسب بقي عايز في حدود كام بالظبط كسعر قدامك موديلات من ٩٢ - ٩٨ و في ٤ سلندر و ٦ سلندر و اوتوماتيك و مانيوال الاختيارات كتير و حضرتك اللي تحدد عايز ايه منهم

[SAvaGE]

الي الخبراء...........
سمعت ان e36 فيها مكنتين واحدة لحد 94 والتانية من 95 الي 98 ( ودي اجمل )
سؤالي اعرفهم من بعض ازاي ؟
السؤال 2 : لو عايز e36 من 95 - 98 اتو 1600 تعملها كام في ايامنا الغالية دي ؟ وهل يستحسن ماكنة بيضا ولا سودا

شكرااااااااا